Rusiyadan qayıdan azərbaycanlıların sayında artım var

Tarix: 13.03.2014 / 15:22
Bölmə: Gündəm

Şimal qonşumuzun miqrantlara bağlı siyasətini sərtləşdirməsi yekun nəticədə daha çox miqrantın bu ölkəni tərk etməsi ilə müşayiət olunur. Bu sıraya azərbaycanlılar da aiddir və cari il ərzində də Rusiyadan Azərbaycana qayıdan insanların sayında artım müşahidə edilir. Lakin nə qədər qəribə görünsə də, dünya, eləcə də Azərbaycan miqyasında miqrantların axın istiqaməti iqtisadi böhrandan əziyyət çəkən Avropa ölkələri ola bilər.
Belə ölkələr sırasında isə Almaniya daha çox seçilməkdədir. Məsələ burasındadır ki, aparılan araşdırmalardan bəlli olub ki, Almaniyada iş təklifləri son 10 ildə ən yüksək həddə çatıb.
Bu ölkənin Əmək Bazarı və Məşğulluğun Araşdırılması İnstitutu 2013-cü ilin yekunlarına görə Almaniyada 1 milyon 57500 vakant iş yerinin olduğunu açıqlayıb. Bu, ötən ilin 3-cü rübü ilə müqayisədə təxminən 20% çoxdur. Müşahidələrə əsasən, Almaniyada işçi çatışmazlığından daha çox sənaye və tikinti sektoru əziyyət çəkir. Kənd və meşə təsərrüfatlarında, balıqçılıq sektorunda, həmçinin maliyyə xidmətləri və sığorta sferasında isə vakansiyalar azalmaqdadır. İşçi tələb olunan sahələrin miqrantlar hesabına doldurulması gözlənir. Bu isə Almaniya və digər Avropa ölkələrinə miqrant axınını artıra bilər. Belə miqrantların isə Rusiyadan və digər MDB ölkələrindən Avropaya üz tutma ehtimalının yüksək olduğu vurğulanır.
Hazırda isə Rusiyada miqrantlar üçün şərait çətinləşdiyindən, onların iş dalınca başqa ölkələrə getməsi də qaçılmaz sayılır. Onu da xatırladaq ki, Rusiya hökuməti miqrantların işə götürülməsi qaydaları ilə bağlı qanun layihəsini parlamentə təqdim edib. Qanun layihəsinə əsasən, miqrantları işə götürənlər onları mənzil və tibbi sığorta ilə təmin etməyə borcludur. Qanun layihəsində göstərilir ki, xarici ölkə vətəndaşını işə götürənlər onların maddi, tibbi və mənzil təminatına qarantiya verməlidir.
Hazırda Rusiya ərazisində miqrantlar heç bir tibbi sığorta olmadan işləyir və "rezin mənzillərdə" qeydiyyata düşərək əsasən başqa ünvanlarda yaşayırlar. Həmçinin, miqrantları işə götürənlərin onlara normal əməkhaqqı verməsinə dair tələb mövcud deyil. Moskvada hesab edilir ki, işəgötürənlər üçün bu cür sərt tələblər qoyulsa, onlar miqrantları işə götürməkdə sadəcə olaraq maraqlı olmayacaqlar. Beləliklə də Rusiyada qeyri-leqal miqrant problemini aradan qaldırmaq üçün şərait yaranacaq.
Bir neçə gün əvvəl də Rusiya Dövlət Dumasına miqrantlarla bağlı daha bir qanun layihəsi təqdim olunub. Həmin layihəyə əsasən, Rusiyaya vizasız giriş hüququ olan keçmiş sovet respublikalarının vətəndaşları ölkəyə daxil olanda məqsədinin əmək fəaliyyəti ilə məşğul olmaq olduğunu göstərməsə, onlara iş icazəsi verilə bilməz. Yəni miqrant Rusiyaya daxil olarkən ona təqdim edilən miqrasiya formasını dolduranda məqsədinin işləmək olduğunu göstərməli olacaq. Bütün bunlar həqiqətən də miqrantların Rusiyada durumunun ağırlaşdığını göstərir və indi onlar iş üçün başqa məkan axtarırlar. Belə məkan isə məhz Avropa ola bilər. Düzdür, indi bəzi Avropa ölkələri miqrantlar üçün sərhədlərin tam bağlanması kimi radikal yollara əl atırlar. Lakin həm iqtisadi tərəfdən, həm də bir sıra müəyyən səbəblərdən dolayı Avropa ölkələri və ABŞ mühacirlərin qarşısını almaq üçün sərhədi bağlamır. Bu, Cenevrə Konvensiyası və Avropa Konvensiyası kimi beynəlxalq müqavilələrdə insan hüquqları haqqında bəndlərdə də göstərilib. Məhz bu sənədlər, bir qayda olaraq, sərhədlərin miqrantların üzünə bağlanmasının qarşısını alır. Elə insan hüquqları prinsipi sayəsində Avropaya miqrasiya davam etməkdədir.
Lakin indiyə qədər Avropa Birliyi miqrantlar və onların hüquqları haqda və vəzifələri barəsində vahid siyasət hazırlamayıb. Bu baxımdan da çıxılmaz vəziyyət dövlətlər arasında münasibətləri ciddi çətinləşdirir. Ölkələrdə miqrasiya ilə bağlı həll edilməmiş məsələlər qalmaqdadır. Bununla belə, işçi qüvvəsinə duyulan ehtiyac miqrantların Avropaya axınını stimullaşdırır və Avropa öldkələrinin əksəriyyəti bununla razılaşır. Qeyd olunan fonda MDB ölkələrindən Avropaya yeni miqrant axınının başlanacağını proqnozlaşdıranların da sayı artır.
Tahir TAĞIYEV

DİGƏR XƏBƏRLƏR

Tarix: 02.07.2026 / 09:54

Avropa sentyabrdan uşaqların sosial şəbəkələrə girişini qadağan edəcək...

Tarix: 02.07.2026 / 09:09

Bodrumda Kılıçdaroğluna “soyuq duş” - etiraz imza sayı 15 mini keçdi

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...