Hacı İbrahimin əfsanəvi "Xəzər aylənd"inin tikintisinə süni maneələr yaradılır

Tarix: 12.03.2014 / 08:53
Bölmə: Gündəm

Dünən məlumat aldıq ki, çoxlarının artıq Bakının simvollarından biri kimi qəbul etdiyi və tanınmış iş adamı, doktor Hacı İbrahim tərəfindən Xəzər dənizinin içində inşa olunan "Adalar şəhərciyinin" tikintisində problem yaranıb. Daha doğrusu, süni problem yaradılıb. Məsələnin nə yerdə olduğunu onun özü ilə aydınlaşdırmağa çalışdıq.
İş adamı xəbəri təsdiqlədi və artıq iki həftəyə yaxındır ki, adaları tikmək üçün kənardan dənizin içinə torpaq daşınmasına problem yaradıldığını bildirdi.
- Məsələ burasındadır ki, dənizdə süni ada yaradılması üçün kənardan daş-torpaq daşınmalıdır. Biz indiyə qədər bunu şəhər kənarında və dənizə yaxın yerdə yerləşən böyük təpəlikdən daşımışıq. Neçə gün əvvəl bu işə maneə törətməyə başladılar ki, guya bizim şirkətin yük maşınları yolu dağıdır. Bizə qarşı iddia çox əsassızdır. Bizim maşınlar heç bir magistral yola çıxmır, mənim özümün saldırdığım yolla və körpü ilə respublika əhəmiyyətli magistral yolun üstündən keçərək torpağı dənizə daşıyırlar. Məni magistral yolları dağıtmaqda suçlamaq gülüncdür, çünki şirkətimizin yük maşınları magistral yol görmürlər. Mən müvafiq təşkilatlara demişəm ki, hansı yolda yük maşınlarının hərəkətindən qorxurlarsa, o yolun çəkilişini mənə həvalə etsinlər, görsünlər ki, neçə tonluq maşınların hərəkətinə dözən yollar salmaq olar. Ancaq təkrar edirəm ki, mənim maşınlarımın yük apardığı yolun kimsəyə aidiyyəti yoxdur, həmin yolu şəxsən özüm yük maşınlarımız üçün saldırmışam. Təxminən 250-300 metr də başqa yol var ki, mənim maşınlarım oradan da keçir və xahiş etmişəm ki, bu 300 metrlik hissəni də yüksək dərəcədə möhkəmləndirməyi mənə həvalə etsinlər. Ancaq təəssüf ki, gəlib oturublar təpəliyin yanında və imkan vermirlər 20 kub torpaq apara bilən maşınlara 5 kubdan çox torpaq yüklənsin. Bilirsiniz, beləliklə o böyüklükdə layihəni başa çatdırmaq olmaz. Tikintiyə süni maneə yaradırlar, bu aşkar görünür.
Hacı İbrahim yaranmış durumla bağlı əlaqədar təşkilatlarla danışıq apardığını dedi.
"Ancaq əminəm ki, dostum Ziya Məmmədov süni maneəni aradan qaldırmaq üçün özündən asılı olanı deyəcək, o da tikib-yaradan adamdır, belə anlarda tikintiyə yaradılan süni manelərin nə qədər narahatlıq verici olduğunu bilir".
İş adamı Hacı İbrahimin həm də son aylarda tez-tez rast gəldiyimiz əyləncə fotoları yayılan məmur övladları ilə bağlı maraqlı fikirlər söylədiyini nəzərə alaraq ona bu kontekstdə də sual verdik. Bir neçə gün əvvəl qardaşı Nazim İbrahimovun oğlu barədə qaralayıcı fotolar çap olunanda Hacı İbrahim məsələyə jurnalistlərin və dövlətçiliyin mənafeyi baxımından çox diqqətçəkən münasibət bildirmişdi, hətta mətbuat bu münasibəti təkrar-təkrar təqdirəlayiq mövqe kimi vurğulamışdı. Hacı İbrahimdən bu günlərdə general Vaqif Axundovun oğlunun da mediada yayılmış fotoları ilə bağlı fikrini soruşduq. "Mən Vaqif müəllimi dövlətçiliyə, milli-mənəvi dəyərlərimizə həmişə sadiq dövlət adamı kimi tanımışam, bunu çox yerlərdə də eşitmişəm. Onun üçün dövlət də, ailə də müqəddəsdir, bunu neçə illərdir fəaliyyət göstərdiyi xüsusi xidmət işi ilə sübut edib. Belə insanın ailəsində böyüyüb boya-başa çatmış övlad başqa cür ola bilməz, atasının mövqeyinə, ad-sanına və dövlətçiliyimizə xələl gətirən ehtiyatsızlıq etməz. Vaqif müəllim prinsipial, məsuliyyətli adamdır. Onun tərbiyəsi ilə böyüyən övladın başqa cür ola biləcəyinə inanmaq istəmirəm. Təəssüf ki, bəzən onun da fəaliyyətini qaralamaq istəyənlər olur. Ancaq hər metal pas götürməz".

DİGƏR XƏBƏRLƏR

Tarix: 02.07.2026 / 09:54

Avropa sentyabrdan uşaqların sosial şəbəkələrə girişini qadağan edəcək...

Tarix: 02.07.2026 / 09:09

Bodrumda Kılıçdaroğluna “soyuq duş” - etiraz imza sayı 15 mini keçdi

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...