Lökbatanda kütləvi qaz zəhərlənməsinin maraqlı sirri...

Tarix: 07.03.2014 / 11:48
Bölmə: Gündəm

Bakının Qaradağ rayonunun Lökbatan qəsəbəsində kütləvi zəhərlənmə baş verib. Hadisə qəsəbənin Vilayət Əsgərov küçəsindəki 4 beşmərtəbəli yaşayış binasında qeydə alınıb. Belə ki, həmin binalarda yaşayan sakinlər arasında qazdan kütləvi zəhərlənmə olub.
Sakinlər bildirib ki, saat 19 radələrində qaz kəsilib. Bir saat sonra isə binalara qazın verilişi bərpa olunub. Bu vaxt qazdan kəskin qoxu gəlib. Bu qoxu kütləvi zəhərlənməyə səbəb olub.
Məlumata görə, dörd binada yaşayan 100 nəfərə yaxın sakin zəhərlənib. Hadisə yerunə ilkin olaraq 30-a yaxın təcili tibbi yardım briqadası cəlb olunub. Eyni zamanda sakinlər özləri də şəxsi avtomobillərlə xəstəxanalara müraciət edib.
Hadisə yerinə Qaradağ Rayon İcra Hakimiyyətinin başçısı Süleyman Mikayılov da gedib.
Hadisə yerində olan "Azəriqaz" İstehsalat Birliyinin Qaz Satışı İdarəsinin rəisi Vaqif Namazovun bildirdiyinə görə, ilkin araşdırma zamanı təbii qaza vurulan adorant maddəsinin miqdarının qədərindən artıq olduğu müəyyənləşdirilib.
Fövqəladə Hallar Nazirliyinin (FHN) əməkdaşları da hadisə yerində radioloji, kimyəvi, bioloji, bakterioloji səyyar mobil laboratoriya quraşdırıblar və araşdırmaya başlayıblar.
Hadisə yerinə gəlmiş təcili tibbi yardımın həkimləri isə bildiriblər ki, adorantın yaratdığı zəhərlənmə öldürücü deyil. Bu zəhərlənmə xəstədə halsızlıq, başgicəllənmə və ürəkbulanma yaradır, ilkin tibbi yardım göstərilməsindən sonra isə xəstənin vəziyyəti normallaşır.
Lökbatanda kütləvi qaz zəhərlənməsinin olması barədə məlumatları rəsmi mənbələr də təsdiqləyib.
Rəsmi dairələrin və "Azəriqaz"ın verdiyi məlumata görə, Lökbatan qəsəbəsində təbii qazın veriliş zamanı əlavə edilən qatqılar normadan bir qədər yüksək olub. Ona görə də insanlar arasında zəhərlənmə halları baş verib.
Biz apardığımız araşdırma nəticəsində müəyyən etmişik ki, adorant deyilən qatqı qaza qazpaylayıcı stansiyalarda qatılır, bu da ən azı bütün rayonu əhatə etməlidir.
Maraqlı sual yaranır: adorant normadan artıq qatılıbsa, onda zəhərlənmə hadisəsi niyə məhz 4 binada baş verib?
Adətən bir hadisə baş verəndə araşdırma aparılmadan əvvəlcədən səbəbi cəmiyyətə açıqlanmır. Ancaq "Azəriqaz"ın rəsmisi dərhal bəyan edir ki, qaza əlavə olunan adorantın miqdarı çox olub. O bunu hardan bilib?
Başqa bir versiyaya görə, əhaliyə verilən qaza təmizlənməmiş səmt qazı qatılıb və zəhərlənmə də bu səbəbdən baş verib.
Bu sahənin mütəxəssisi olan Nüsrət Məmmədov qəzetimizə açıqlamasında bildirdi ki, son vaxtların statistikasında qazdan zəhərlənmə hallarına çox rast gəlinir: "Lökbatanda baş verən hadisə doğrudan da üzücüdür. Bu hadisənin baş verməsi işçilərin yol verdiyi səhlənkarlıqla bağlıdır. Adorant maddəsi ilə zəhərlənmənin baş verməsi faktdır. Qazın tərkibi 92-96 faiz metandan ibarətdir. Metan iysiz, rəngsiz, yanıcı və partlayıcı xassəyə malik olan qazdır. İyini hiss etmək üçün qazpaylayıcı stansiyalarda onun tərkibinə adorant maddəsi vurulur. Qışda 1000 kubmetrə 16 milliqram, yayda isə 8 milliqram əlavə edilir. Bu həddi aşanda boruların qaz buraxan yerindən qazla bərabər adorant da çıxır ki, bu da insanlarda zəhərlənmə yaradır. Bu problemin yaranmasının başlıca səbəbi paylayıcı stansiyalarda adorantın primitiv üsullarla qazın tərkibinə əlavə edilməsidir. Təəssüflər olsun ki, bizdə bu proses avtomatlaşmayıb. Yəni adorantın nə qədər əlavə edilməsi operatorun insafına və səriştəsinə buraxılır. Səriştəsi zəif olan operator isə dozanı gözəyarı müəyyən edə bilmədiyi üçün bu cür xoşagəlməz hallar baş verir. Lökbatanda baş verən hadisə birmənalı olaraq adorantın normadan artıq vurulması səbəbindən olub. Bu bir dərs olmalıdır. Həsab edirəm ki, təcili olaraq paylayıcı stansiyalarda qaza adorantın əlavə edilməsi avtomatlaşmalıdır. Olmasa, belə hallarla çox üzləşəcəyik".

Məhəmmədəli QƏRİBLİ

DİGƏR XƏBƏRLƏR

Tarix: 02.07.2026 / 09:54

Avropa sentyabrdan uşaqların sosial şəbəkələrə girişini qadağan edəcək...

Tarix: 02.07.2026 / 09:09

Bodrumda Kılıçdaroğluna “soyuq duş” - etiraz imza sayı 15 mini keçdi

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...