Azərbaycanda II Dünya Müharibəsi qurbanlarına ayrıca abidə unudulub

Tarix: 19.05.2014 / 04:43
Bölmə: Gündəm

İkinci Dünya Müharibəsi (1939-1945) bəşəriyyət üçün dəhşətli, faciəli fəlakətlər dövrü kimi yadda qalıb. Böyük Vətən Müharibəsi illərində (1941-1945) Azərbaycan xalqı həm ön, həm də arxa cəbhədə çox böyük qəhrəmanlıq və şücaət nümunələri göstərib.
Qısa müddətdə respublikada 87 qırıcı batalyon, 1124 özünümüdafiə dəstəsi yaradılıb. 1941-1945-ci illərdə Azərbaycanın 600 mindən çox igid oğlu və qızı cəbhəyə yollanıb. Azərbaycan diviziyaları Qafqazdan Berlinə qədər şərəfli döyüş yolu keçib. Həmvətənlərimizin təqribən 130 nəfəri Sovet İttifaqı Qəhrəmanı adına layiq görülüb, 30 nəfəri "Şöhrət" ordeninin hər üç dərəcəsi ilə təltif edilib. Azərbaycandan olan 170 min əsgər və zabit SSRİ-nin müxtəlif orden və medalları ilə təltif olunub. İki dəfə Sovet İttifaqı Qəhrəmanı Həzi Aslanov, Sovet İttifaqı Qəhrəmanları İsrafil Məmmədov, Aslan Vəzirov, Adil Quliyev, Ziya Bünyadov, Gəray Əsədov, Məlik Məhərrəmov, Mehdi Hüseynzadə, generallar Mahmud Əbilov, Akim Abbasov, Tərlan Əliyarbəyov, Hacıbaba Zeynalov və bir çox başqaları öz şücaətləri ilə xalqımızın tarixinə yeni səhifələr yazmışlar.
Bir sözlə, Azərbaycan xalqı İkinci Dünya Müharibəsində həm döyüş meydanlarında, həm də arxa cəbhədə əsl şücaət və əzmkarlıq nümunələri göstərib.
Müharibədə həlak olanların xatirəsi Azərbaycan dövləti, onun vətəndaşları tərəfindən hər zaman əziz tutulur. Dövlətimiz tərəfindən müharibə iştirakçılarına hər cür qayğı göstərilir. Bu danılmazdır. Ancaq bu mövzu ilə bağlı diqqətimizi incə bir nüans çəkdi. Böyük qələbənin şərəfinə 9 may Azərbaycanda qeyri iş günü kimi qeyd olunur. Həmin bayram günü müharibədə həlak olanların xatirəsini anmaq üçün bəzi Sovet İttifaqı Qəhrəmanlarının abidəsi ziyarət edilir. Hətta bu tədbirlərdə dövlət başçısı da iştirak edir. Maraqlı hal burasıdır ki, hələ də Bakı şəhərində Böyük Vətən Müharibəsində həlak olanların xatirəsi ümumi şəkildə əbədiləşdirilməyib. Bu səbəbdən də insanlar, rəsmi şəxslərin ziyarətə gəldiyi gün pərakəndəlik olur. Real vəziyyətlə bağlı onlar ayrı-ayrı fərdlərin abidəsi önünə əklil qoymaqla kifayətlənir ki, bu da digər bu kateqoriyadan olan ailələr tərəfindən birmənalı qarşılanmaya bilər.
Böyük Vətən Müharibəsində həlak olanların xatirəsini simvolizə edən vahid bir abidənin ucaldılmasına ehtiyac varmı?
Silahlı Qüvvələrin Veteranları İctimai Birliyinin sədri, ehtiyatda olan polkovnik-leytenant Daşdəmir Əliyev qəzetimizə açıqlamasında bildirdi ki, bu çox ciddi bir problemdir. Müsahibimiz hətta bu cür ciddi mövzuya toxunduğumuz üçün bizə dərin təşəkkürünü ifadə etdi: "Bütün dünya ölkələrinin praktikasında belə bir məsələ var. Hansısa döyüşlərdə şəhid olmuş və ya itkin düşmüşlərin xatirəsi bir abidə ilə əbədiləşdirilir. Keçmiş sovetlərin tarixindən belə misalları çox çəkə bilərik. Ukraynada, Belarusda qardaşlıq qəbristanlıqlarına çox rast gəlmək olar. Harda kütləvi əsgər tələfatı olubsa, bu mütləq olur. Bizim bu sarıdan problemimiz var. Bu gün Qarabağda həlak olanların əksəriyyətinin qəbri var. Ancaq 4 minə yaxın itkin düşən, nə ölüsündən, nə də dirisindən xəbər olan vətəndaşlarımızın xatirəsi əbədiləşdirilməyib. Bununla bağlı həmin adamların ailələri tərəfindən bizə dəfələrlə müraciət olunub. Bakı Şəhər İcra Hakimiyyəti nədənsə bu məsələyə ciddi yanaşmır. Eyni sözləri Böyük Vətən Müharibəsində həlak olanlar haqda deyə bilərəm. Onların da xatirəsinin bir abidədə əbədiləşdirilməsinə ehtiyac var. Təbii ki, biz Mehdi Hüseynzadə, Həzi Aslanov kimi qəhrəmanlarımızı unutmamalıyıq. Ancaq hesab edirəm ki, ümumi bir abidə olsa, yaxşı olar".

DİGƏR XƏBƏRLƏR

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...