Laçın dəhlizində atılan güllələr də həmsədrləri "diksindirmədi"

Tarix: 19.05.2014 / 07:19
Bölmə: Gündəm

ATƏT-in Minsk Qrupunun həmsədrləri Azərbaycanın işğal altındakı Laçın rayonunda hücuma məruz qalıb. Həmsədrlər Ceyms Uorlik (ABŞ), Jak For (Fransa) və İqor Popov (Rusiya) mayın 16-da və 17-də İrəvanda görüşlər keçirdikdən sonra Zod aşırımından keçərək ermənilərin çəkdikləri yeni yolla işğal altındakı Kəlbəcər rayonuna gəliblər.
Oradan həmsədrlərin maşın karvanı işğal altındakı Laçın rayonuna yola düşüb və burada vasitəçiləri separatçı "DQR" rejiminin təşkil etdiyi kütlə qarşılayıb.
Laçın şəhərinin mərkəzində 200-ə yaxın erməni həmsədrlərin maşınlarının qarşısını kəsib və onların maşından düşməsini tələb edib. Toplaşanlar "Daşnaksütun" erməni inqilabi federasiyasının Qarabağ özəyinin gənclər təşkilatının üzvləri olub. Daşnakların hədəfi amerikalı həmsədr Ceyms Uorlik olub. Onlar C.Uorlikdən bir neçə gün əvvəl Vaşinqtondakı Karnegi Fondunda səsləndirdiyi sülh prinsiplərinə aydınlıq gətirilməsini tələb ediblər.
Xəbər verildiyi kimi, Ceyms Uorlikin açıqladığı sülh prinsiplərində Laçın rayonundan Dağlıq Qarabağın Ermənistanla birbaşa əlaqəsini təmin etmək üçün dəhliz ayrılması, ancaq rayonun qalan hissəsinin Azərbaycana verilməsi də əksini tapmışdı. Uorlikin açıqladığı prinsiplərin xüsusən bu hissəsi erməniləri ciddi narahat edib. Belə ki, uzun illərdir danışıqlarda erməni tərəfi Laçının qaytarılması məsələsindən israrla imtina edir.
Avtomobildən düşən Ceyms Uorlik Laçının mərkəzində qanunsuz məskunlaşdırılmış erməni daşnaklarının hay-küyünü dinləyib. Daşnaklar onun hesabatını "antierməni" adlandırıblar, Uorlikə qarşı aqressiv davranıblar və onu "Azərbaycana işləməkdə" günahlandırıblar.
Amerikalı həmsədr isə erməniləri dinləyəndən sonra onlara qəti cavab verib. Diplomat bildirib ki, onun Vaşinqtonda açıqladığı sülh elementləri ABŞ-ın Dağlıq Qarabağ münaqişəsinə dair dövlət siyasətini əks etdirir.
Ermənilər həmsədrlərdən əl çəkməyiblər və onların aksiyası işğalçıların Zəngilan, Qubadlı və Laçın rayonlarının ərazisində yaratdıqları qondarma "Kaşataq rayonu"nun administrasiya binası qarşısında davam edib. Belə ki, həmsədrlər "Kaşataq rayonu başçısı" ilə qapalı görüş keçiriblər. Bundan sonra Xankəndinə gediblər və orada separatçı rejimin başçısı Bako Saakyanla görüşüblər. Sabah isə həmsədrlər Ağdərə-Tərtər istiqamətindən təmas xəttini keçərək Bakıya gələcək.
Amerikalı həmsədr İrəvanda olarkən "Şant" telekanalına müsahibə də verib və ondan Vaşinqtonda açıqladığı sülh elementlərini soruşublar. Uorlik deyib ki, bu elementlər ABŞ-ın mövqeyini əks etdirir və həm Ermənistanda, həm də Azərbaycanda müxtəlif aspektlərdən müzakirələrə səbəb olub.
C.Uorlik Karnegi Fondundakı çıxışında "işğal edilmiş ərazilər" ifadəsini işlətməsi ilə bağlı suala cavabında deyib ki, bundan əvvəl həmin ifadəni həmsədrlər də atəşkəsin 20 illiyi ilə bağlı bəyanatlarında işlədiblər.
Maraqlıdır ki, uzun illərdi bölgəyə səfər edən həmsədrlər əsəbləri daha gərgin olan, torpaqları işğala məruz qalan azərbaycanlılar tərəfindən analoji davranışla rastlaşmayıblar. İşğal etdiyi torpaqlarda həmsədrlərə ermənilərin etdiyi hücum missiyanın hesabatlarına salına bilərmi?
Politoloq Qabil Hüseynli qəzetimizə açıqlamasında bildirdi ki, həmsədrlərin qeyri-konstruktiv mövqeyi erməniləri bu dərəcə harınladıb: "Onların səfərləri formal xarakter daşımağa başlayıb. Artıq hamı bunu anlayıb. Ancaq maraqlıdır ki, oxşar davranışla onlar Azərbaycanda qarşılaşmalı olduqları halda, ermənilər tərəfindən hücuma məruz qalırlar. Səbəb kimi ABŞ-lı həmsədrin çıxışı göstərilir. Sual olunur: Laçında dağın başında məskunlaşan erməni ABŞ-ın hansısa fondunda edilən çıxışdan necə xəbər tutub? Bu, Ermənistan və Dağlıq Qarabağın separatçı rəhbərləri tərəfindən təşkil olunan bir provokasiyadır. Təbii ki, bu hadisənin baş verməsi Azərbaycan üçün xeyirdir. Çünki bizi konstruktivliyə dəvət edənlər indi öz gözləri ilə erməni xislətinə bələd olur. Hesab edirəm ki, bu hal mütləq həmsədrlərin illik hesabat məruzəsinə salınmalıdır".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...