Qardaş Türkiyədə 1992-ci ildən sonra ən böyük insan faciəsi...

Tarix: 15.05.2014 / 09:32
Bölmə: Gündəm

Mayın 13-də Türkiyənin Manisa əyalətinin Soma şəhərində kömür mədənində partlayış, ardınca yanğın olub. Məlumatlara görə, qəza baş verən vaxt mədəndə 787 fəhlə işləyirmiş. İlkin anlarda 363 nəfər sağ çıxıb. Yüzlərlə fəhlə mədəndə dağıntılar altında qalıb. Ehtimal olunur ki, partlayış zamanı yerin altında iki km dərinlikdə 580 mədənçi olub.
Onlardan çoxunun qaçmağa müvəffəq olduğu istisna edilmir. İzmirdən 120 km şimal-şərqdə yerləşən Soma şaxtasında mayın 14-ü xilasedicilər yerin altına oksigen vurur ki, orda qalan şaxtaçılar boğulmasın.
Baş nazir Rəcəb Tayyib Ərdoğanın bildirdiyinə görə, qəzada ölənlərin sayı 245-ə çatıb. Mədən Mühəndisləri Birliyinin sabiq rəhbəri Mehmet Torun isə çıxarılan meyitlərin sayının 250-yə çatdığını iddia edib. Hadisə yerində olan müxalifətçi millət vəkilləri də ölənlərin sayının daha çox olduğunu bildiriblər. CHP-nin Somada olan millət vəkilləri partiyanın lideri Kamal Kılıçdaroğluna ən azı 350 işçinin öldüyü barədə məlumat veriblər.
Ölənlərin sayının açıqlanan son rəqəmdən üç dəfə artıq olacağı güman edilir. Qəzanın baş verdiyi Soma qəsəbəsində xilasetmə əməliyyatını izləyən enerji və təbii sərvətlər naziri Taner Yıldız, israrlara rəğmən, mədəndə daha neçə nəfərin qaldığı barədə sualı cavablandırmayıb. O, sadəcə, "Türkiyə tarixində ən çoxsaylı itki verdiyimiz bir faciəyə yaxınlaşmaqdayıq" deməklə kifayətlənib.
Taner Yıldızın sözlərinə görə, partlayışa qısa qapanma səbəb olub. Nazirin Türkiyə televiziyasına müsahibəsinə bəyan etdiyinə görə, faciənin qurbanları dəm qazından zəhərlənməyə görə həyatını itirib.
Kömür mədənində baş vermiş faciə ilə əlaqədar Türkiyədə 3 günlük matəm elan edilib. Belə ki, hökumət Manisa vilayətinin Soma rayonu ərazisindəki kömür mədənində çoxlu sayda işçinin ölümü ilə əlaqədar 13 may tarixindən etibarən ölkədə 3 günlük matəm elan olunduğunu açıqlayıb. Matəmlə əlaqədar Türkiyədə və ölkənin xaricdəki nümayəndəliklərində bayraqlar yarıya qədər endirilib.
Rəcəb Tayyib Ərdoğanın məlumat bürosu baş nazirin partlayışla əlaqədar olaraq Albaniyaya planlaşdırılan səfərini ləğv etdiyini açıqlayıb. Türkiyə Prezidenti Abdullah Gülün də Çinə səfəri təxirə salınıb.
Mədənin özəl müəssisə olduğu bildirilir. Manisa Cumhuriyyət Baş prokuroru Durdu Kavak mədəndə baş verən partlayışla bağlı istintaq aparıldığını, ilk mərhələdə tutulmalı olan rəislərin də işçilərlə birlikdə öldüyünü bildirib: "İstintaqın gedişində hər şey aydınlığa çıxacaq. Hələlik heç kim saxlanmayıb. İstintaqçılar məsuliyyəti olan şəxsləri müəyyən edəcək. Bu hadisə rəislərdən tutmuş şirkət müdirinə, şirkət sahiblərinə qədər hamını əhatə edir. Günahı olanlar müəyyənləşdiriləcək. Ölü sayı dəqiq olmadığı üçün bu mövzuda hələlik bir söz deyə bilməyəcəm".
"Assosiated Press" Agentliyinin məlumatına görə, Türkiyədə mədəndə ən böyük partlayış 1992-ci ildə Qara dəniz limanı olan Zonquldaq yaxınlığında olub. Həmin vaxt 263 mədənçi həyatını itirib.

DİGƏR XƏBƏRLƏR

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...