Allahşükür Paşazadə təriqətlərarası ayrıseçkilik salanlara sərt xəbərdarlıq etdi

Tarix: 14.05.2014 / 08:59
Bölmə: Gündəm

Qafqaz Müsəlmanları İdarəsində (QMİ) din xadimləri üçün təkmilləşdirmə kursunun açılışı olub. "Trend" xəbər verir ki, QMİ din xadimləri üçün mütəmadi təkmilləşdirmə kurslarının təşkilinə başlayıb.
Kurslarda respublikanın müxtəlif bölgələrindən gəlmiş din xadimləri iştirak edəcək. Hər kursun müddəti 1 ay olacaq. Kursun keçiriləcəyi müddət ərzində iştirakçıların qalmaq, yemək, yol xərcləri QMİ tərəfindən ödəniləcək.
Kurslara din alimləri ilə yanaşı, Bakı Dövlət Universiteti və Bakı İslam Universitetinin professor və müəllim heyəti də cəlb ediləcək. Kursun sonunda din xadimlərinə müvafiq sertifikatlar təqdim olunacaq.
Kursların açılışında QMİ sədri, şeyxülislam Allahşükür Paşazadə, Azərbaycan Respublikasının millətlərarası, multikulturalizm və dini məsələlər üzrə Dövlət müşaviri Kamal Abdulla, Dini Qurumlarla İş üzrə Dövlət Komitəsi sədrinin 1-ci müavini Səyyad Aran və bir sıra millət vəkilləri iştirak edərək din xadimlərinə xeyir-dua verib, onlara uğurlar arzulayıblar. Onlar eyni zamanda kurs iştirakçıları üçün yaradılmış şəraitlə yaxından tanış olaraq razılıqlarını ifadə ediblər.
Qeyd edək ki, bu, Azərbaycanda din xadimləri üçün təşkil edilən ilk belə kursdur.
"Kim təriqətlərarası ayrıseçkilik salarsa, istər vəhhabi, istər nurçu, istər təkfirçi, istər sünni, istərsə də şiə olsun, biz onlara qarşı mübarizə aparacağıq. Əgər mənim başıma bir iş gəlsə, davamçıların bu işi davam etdirəcək". "Trend" xəbər verir ki, bunu QMİ sədri, şeyxülislam Allahşükür Paşazadə deyib. A.Paşazadə qeyd edib ki, bu gün din xadimlərindən tələb edilən dindən xalqın rifahı üçün istifadə olunmasıdır: "Biz dövlətimizin inkişafına öz töhfəmizi verməli, düşmənlərimizə qarşı birlikdə mübarizə aparmalıyıq. Bizim Qarabağ boyda dərdimiz ola-ola, o qədər tarixi abidələrimiz məhv ola-ola biz onun qeyrətini çəkməkdənsə, bir şuşalının Suriyada vuruşması nə qədər məntiqə uyğun ola bilər? Onları öyrədərək ora göndərib sünni-şiə məzhəbləri arasında ayrı-seçkilik salmaq yolverilməzdir. Nə üçün biz sünni-şiəyə ayrılmalıyq? Nə üçün biz bununla düşmən üçün imkan yaratmalıyıq? Bizə dəfələrlə müraciət edirlər ki, Suriyaya gedən oğullarını qaytarmaq istəyirlər. Hətta oğullarının ölü qayıtmasına da razıdırlar. Allah, İslam, Quran bunu deyirmi?"
Onun sözlərinə görə, QMİ din xadimlərinin təkmilləşməsini, müasir dövrün tələblərinə cavab verməsini istəyir: "Biz dəyişmək istəyirik, biz müasir həyatla ayaqlaşmaq istəyirik. Bu kursu keçirməkdə məqsədimiz odur ki, din xadimləri də müasir həyatın tələblərinə uyğunlaşsınlar".
"Dini sahədə maarifləndirmə Qafqaz Müsəlmanları İdarəsinin istədiyi səviyyədə deyil". APA-nın məlumatına görə, bunu Bakı Dövlət Universitetinin İlahiyyat fakültəsinin dekanı Vasim Məmmədəliyev deyib.
O bildirib ki, bir ay ərzində din xadimlərinin vahid geyim məsələsi də həllini tapacaq: "Necə vaxtdır dövlət rəhbərliyi səviyyəsində din xadimlərinin geyim məsələsinin həlli tapşırılmışdı. Nəhayət, Kamal Abdulla dövlət müşaviri təyin olunandan sonra məsələ həllini tapdı".
V.Məmmədəliyev İslam Universitetinin diplomlarının tanınmaması məsələsinə də toxunub: "İslam Universitetinə artıq status verilib, magistratura və aspiranturada bu universitetin diplomları niyə tanınmır? Bu məsələ də həllini tapmalıdır".
V.Məmmədəliyev bildirib ki, şəhidlik statusu din xadimləri vasitəsilə cəmiyyətə başa salınsa, Suriyaya gedən olmaz: "Şəhidlər Vətən, namus, din yolunda həyatını fəda edənlərdir. Pul üçün döyüşənlərə şəhid deyilə bilməz. Biz başqa ölkənin işinə niyə qarışırıq? Özünü belə qəhrəman sayırsansa, Qarabağda partizan kimi döyüş, Suriyaya niyə gedirsən?"
QMİ sədri Şeyxülislam Allahşükür Paşazadə isə Mübariz İbrahimovun şəhidlik zirvəsinə yüksəldiyini söyləyib: "Kimsə Mübariz İbrahimova döyüşmək tapşırmışdı? Özü torpaq uğrunda döyüşüb şəhid oldu".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...