Əli Həsənov Azərbaycanın Rusiyanın müxtəlif regionları ilə əlaqələrini yüksək qiymətləndirdi

Tarix: 13.05.2014 / 09:28
Bölmə: Gündəm

Heydər Əliyev Fondunun 10 illiyi ilə əlaqədar keçirilən silsilə tədbirlərlə əlaqədar Azərbaycan nümayəndə heyəti Rusiyanın Həştərxan şəhərində səfərdədir. APA-nın Həştərxana ezam olunmuş əməkdaşı xəbər verir ki, Prezident Administrasiyasının İctimai siyasi məsələlər şöbəsinin müdiri Əli Həsənovun rəhbərlik etdiyi nümayəndə heyətinə bir sıra deputatlar, ictimaiyyət nümayəndələri və mədəniyyət xadimləri daxildir.
Səfər çərçivəsində Azərbaycan nümayəndə heyəti ilə Həştərxan vilayət qubernatoru Aleksandr Жilkin arasında görüş keçirilib. Görüş zamanı A.Жilkin Azərbaycan və Rusiya arasında əlaqələrin yüksək inkişafından danışaraq bildirib ki, bu əməkdaşlıqda Prezident İlham Əliyevin və Heydər Əliyev Fondunun əməyi yüksəkdir. O qeyd edib ki, iki ölkə arasında, o cümlədən Həştərxanın Azərbaycanla dostluğu bundan sonra da yüksələn xətlə davam edəcək.
A.Жilkin deyib ki, Rusiya tərəfi ölkədə, xüsusilə Həştərxanda Azərbaycanın mədəniyyət günlərinin keçirilməsinə fəal hazırlaşır. Qubernator Bakı ilə Həştərxan arasında vaxtilə mövcud olmuş gəmi-bərə xəttinin bərpasına çalışdıqlarını söyləyib: "Biz ümid edirik ki səylərimiz nəticəsində Bakı - Həştərxan bərəsi yenidən fəaliyyətə başlayacaq".
Əli Həsənov isə bəyan edib ki, Rusiya-Azərbaycan münasibətləri fonunda Həştərxanla olan əlaqələr Rusiyanın digər vilayətləri üçün də nümunədir. O, Həştərxana altıncı dəfə Azərbaycan nümayəndə heyətinin gəldiyini vurğulayaraq bu əlaqələrin inkişafında qubernatorun xidmətini yüksək qiymətləndirib.
Həştərxan şəhərində səfərdə olan Azərbaycan nümayəndə heyəti yubiley münasibət ilə bir sıra tədbirlərə qatılıb. Azərbaycan Prezident Administrasiyasının İctimai-siyasi məsələlər şöbəsinin müdiri Əli Həsənovun başçılıq etdiyi nümayəndə heyəti Həştərxan vilayət qubernatoru Aleksandr Жilkin ilə birlikdə şəhərin mərkəzində Heydər Əliyevin abidəsini ziyarət edib, abidənin önünə əklil qoyulub.
Daha sonra Heydər Əliyev Fondunun tikdiyi uşaq bağçası ziyarət olunub, uşaqlara Heydər Əliyev Fondu adından hədiyyələr təqdim edilib. Daha sonra Knyaz Vladimirin abidəsini ziyarət edən nümayəndə heyəti Həştərxanda Heydər Əliyev Fondu tərəfindən əsaslı təmir olunan Heydər Əliyev adına 11 nömrəli orta məktəbdə olub. Məktəbdə Heydər Əliyevin büstü ziyarət edildikdən sonra şagirdlərlə görüş keçirilib.
Axşam saatlarında Azərbaycan mədəniyyət işçilərinin də iştirakı ilə böyük konsert proqramı keçirilib.
"Azərbaycan bu gün Rusiyanın müxtəlif regionları ilə aktiv əlaqələr qurub və bu regionlar arasında Həştərxanın xüsusi yeri var". Bunu Azərbaycan nümayəndə heyətinin Rusiyanın Həştərxan şəhərinə səfəri çərçivəsində jurnalistlərə açıqlamasında Azərbaycan Prezident Administrasiyasının İctimai-siyasi məsələlər şöbəsinin müdiri Əli Həsənov deyib. O bildirib ki, Azərbaycanla Həştərxanı tarixi, mədəni, sosial və iqtisadi əlaqələr birləşdirir: "Biz Xəzər dənizini bölüşdürürük və bizim Həştərxanla olan münasibətlərimiz Rusiyanın digər regionları üçün də ciddi örnəkdir. Bu gün bura səfərimiz və keçirilən tədbirlər də bunun nümunəsidir".
Ə.Həsənov onu da qeyd edib ki, hazırda birbaşa Bakı-Həştərxan və yaxud bunun əvəzinə Bakı-Həştərxan-Volqoqrad aviareysinin açılması da müzakirə olunur.

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...