Dini...Dövlət Komitəsində kadr dəyişiklikləri davam edə bilər

Tarix: 05.05.2014 / 10:30
Bölmə: Gündəm

"Mən çox istərdim ki, Dini Komitəyə rəhbər təyin ediləcək şəxs Azərbaycanda ənənəvi məktəblərin -sünni və şiə birliyinin mühafizə olunması və dövlətçilik prinsiplərinin qorunması yolunda milli maraqlarımızı əsas götürsün"
Mayın 2-də Prezident İlham Əliyevin Sərəncamı ilə Dini Qurumlarla İş üzrə Dövlət Komitəsinin sədri Elşad İsgəndərov vəzifəsindən azad olunub. 2012-ci ilin may ayının 31-də vəzifəyə təyin edilən Elşad İsgəndərovun bu postda fəaliyyətinin iki ili tamam olmamış işdən çıxarılmasının adının son günlər nurçuların siyahısında çəkilməsi ilə bağlı olduğu deyilir.
Qeyd edək ki, E.İsgəndərovdan əvvəl dövlət başçısı nurçuluqda ittiham olunan digər məmur Elnur Aslanovu da Prezident Administrasiyasında şöbə müdiri vəzifəsindən azad etmişdi.
Bir neçə gün əvvəl isə Elşad İsgəndərovun fəaliyyəti, nurçuluqla əlaqələri və həmin şəxslərlə birgə fotoları haqqında geniş yazı dərc olunmuşdu.
"Ərdoğanın məxfi siyahısındakı ikinci adam - Elşad İsgəndərov" başlıqlı yazıda iddia edilirdi ki, E.İsgəndərov nurçulara 2000-ci ildə - Azərbaycanın BMT-dəki nümayəndəliyində birinci katib işləyəndən qoşulub. Atasının Ayaz Mütəllibov dövründə DTK-nın təsərrüfat idarəsinin rəisi (polkovnik Hüseyn İsgəndərov) işlədiyini yada salan müəllif Dini Komitənin sabiq sədrinin də hələ gənc yaşlarından Azərbaycan KQB-sində işlədiyini qeyd etmişdi. Yazıda o da bildirilirdi ki, E.İsgəndərovun atası Hacı Hüseyn Ayaz Mütəllibovun vaxtında formalaşan Şamaxı klanının rəhbərlərindən biri olub. "Ancaq hakimiyyətdə qalmaq ona nəsib olmadı, həm də ona görə ki, Heydər Əliyevin tərəfdarları Mütəllibov Ali Sovetinin sessiyasında patriarxın çıxışına səs-küylü etirazını ona - Vaqif Hüseynovun tərəfdaşına bağışlamadılar. Hüseyn İsgəndərov Heydər Əliyevin çıxışını "Reqlament!" deyə qışqıraraq kəsənlərdən və parlamentin zalında ayağını yerə döyənlərdən biri idi. Hüseyn İsgəndərovun müxalifətçi Heydər Əliyevə qışqırmağa çalışdığını əks etdirən videokadrlar dövlət telekanalının arxivlərində doludur" deyə, müəllif yazıb.
Maraqlıdır ki, bütün bu ciddi ittihamlara Elşad İsgəndərov heç bir cavab vermədi və bir neçə gündən sonra vəzifədən uzaqlaşdırıldı.
Tanınmış şərqşünas Seyid Camal Əzimbəyli qəzetimizə açıqlamasında Dini Komitədə baş verən son proseslərlə bağlı aşağıdakıları dedi: "Bu dövlət qurumunun rəhbərinin istefaya göndərilməsi ilə bağlı ən gözəl münasibəti elə hörmətli Elşad İsgəndərovun özü verib. O deyib ki, dövlət başçısının sərəncamları müzakirə edilmir, yalnız icra olunur. Hesab edirəm ki, bu cür açıqlamadan sonra mənim nəsə deməyim də yersiz olar. Ancaq fikrimcə, biz əsas diqqəti bundan sonrakı proseslərə cəmləməliyik. Çünki bu quruma təyin ediləcək rəhbəri olduqca ağır sınaq gözləyir. Mən çox istərdim ki, Dini Komitəyə rəhbər təyin ediləcək şəxs Azərbaycanda ənənəvi məktəblərin-sünnü və şiə birliyinin mühafizə olunması və dövlətçilik prinsiplərinin qorunması yolunda milli maraqlarımızı əsas götürsün. Bizim dövlətimizin mərhəmət və şəfqət hisslərindən istifadə edən qüvvələrin zərərsizləşdirilməsi üçün gərəkli addımlar atsın. Şəxsən mənim özüm də gerçək din və mənəviyyat adamı kimi bundan sonra da dövlət-din, təriqətlərarası münasibətlərin tənzimlənməsində əlimdən gələni etməyə hazıram".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...