"Freedom House" Azərbaycan media aləmində bir məsələyə xüsusi qərəzli münasibət göstərdi

Tarix: 05.05.2014 / 10:21
Bölmə: Gündəm

"Freedom House" təşkilatının media azadlığına dair son hesabatında deyilir ki, Avrasiya ölkələri bu sahədə bütün dünyada ən aşağı reytinqə malikdir və bu ərazidə heç bir ölkə "azad" kateqoriyasına daxil edilməyib. ABŞ-da mənzillənmiş bu təşkilat mayın 1-də "Media Azadlığı 2014: Media azadlığı son on ilin ən aşağı həddinə çatıb" adlı illik hesabatını açıqlayıb. Bu hesabatda 197 ölkə mediasının 2013-cü ildəki durumu əksini tapıb.
Azərbaycan mediasının da durumu hesabatda əksini tapıb. Sənəddə deyilir ki, bu ölkədə hökumət jurnalist və bloggerlərin internet fəaliyyətini və telefon danışıqlarını izləyir və bunu get-gedə artırır. Nəticədə media mühiti daha da pisləşir.
Qeyd edək ki, bu hesabat Azərbaycanda birmənalı qarşılanmayıb. Müxtəlif kateqoriyalara aid şəxslər tərəfindən hesabatın qərəzli olduğu vurğulanır.
Prezident Administrasiyası ictimai-siyasi məsələlər şöbəsinin müdiri Əli Həsənovun "Freedom House" təşkilatının 2013-cü ildə dünya ölkələrində media azadlığının vəziyyətinə dair hesabatına münasibəti belə olub:
"Freedom House" təşkilatının 2013-cü ildə dünya ölkələrində media azadlığının vəziyyətinə dair hesabatının Azərbaycanla bağlı hissəsi qərəzli, şübhəli mənbələrə əsaslanan subyektiv mülahizələrin məhsuludur. Ona görə də bu qiymətləndirmə qeyri-obyektiv səciyyə daşıyır. Hesabatdan görünür ki, bu təşkilatda, Azərbaycan da daxil olmaqla, bütün Avrasiya regionu haqqında qərəzli stereotiplər formalaşmışdır". Ə.Həsənov deyib ki, bu gün Azərbaycanda yüzlərlə kütləvi informasiya vasitəsi, o cümlədən televiziya, radio, qəzet, jurnal, internet informasiya resursları, böyük jurnalist ordusu fəaliyyət göstərir. Həm ölkə qanunvericiliyi, həm də mövcud şərait medianın heç bir maneçilik olmadan sərbəst fəaliyyətinə tam təminat verir.
Qafqaz Söz Azadlığı Şəbəkəsinin sədri Azər Həsrət "Freedom House" təşkilatının ölkəmizdə medianın azad olmamasına dair hesabatına münasibətini açıqlayarkən dedi ki,
Azərbaycan mediası haqqında hesabat verənlərin coğrafiyasına fikir vermək lazımdır: "Onların hamısı Qərbdə fəaliyyət göstərən və Amerikadan idarə olunan təşkilatlardır. "Freedom House", "Human Rights Watch" kimi, yaxud da okeanın bu tayında - Fransada fəaliyyət göstərən "Sərhədsiz Reportyorlar Təşkilatı" və digər bu kimi təşkilatlar davamlı olaraq Azərbaycan və Azərbaycan kimi ölkələri qaralamaqla məşğuldur".
Ekspertin fikrincə, bu kimi təşkilatlar hətta uzunmüddətli demokratiya təcrübəsi olan ölkələri də qara siyahıya salır: "Siz fikir versəniz görərsiniz ki, uzunmüddətli demokratiya təcrübəsi olan qardaş Tükiyənin mediası da daim bunların qara siyahısındadır. Azərbaycan isə birmənalı olaraq bunların qara siyahılarında olur. Halbuki, Azərbaycanla qonşu olan Ermənistanda - harada ki, jurnalistlərə qarşı terror edilir, harada ki, jurnalistlər həbsə atılır, mətbuat işçiləri ilə bağlı çoxsaylı dəhşətli faktlar mövcuddur, o ölkəyə bir qayda olaraq yarımazad ölkə statusu verilir. Hətta bu da azmış kimi, Ermənistanın işğalı altında olan Dağlıq Qarabağ belə, ayrıca bir subyekt kimi götürülüb və ora da yarımazad "ölkə" elan olunub".
Azər Həsrət Azərbaycana qarşı belə bir yanaşmanı qərəzdən doğan hal kimi qiymətləndirdi: "Yəni bunun özü onun göstəricisidir ki, Azərbaycana yanaşma qərəzlidir və bunun heç bir əsası yoxdur. Çünki Azərbaycan o ölkələrdəndir ki, burada dövlət heç bir halda medianın fəaliyyətinə maneçilik törətmir, eyni zamanda heç bir formada müdaxilə etmir. Azərbaycan nadir ölkələrdən biridir ki, burada istənilən şəxs müvafiq qaydada özü üçün qəzet, jurnal təsis edə, sayt aça və onu istədiyi şəkildə işlədə bilər. Məsələn, mən bir nümunə göstərmək istərdim. Rusiyada bir qəzet açmaq istəyirsinizsə, mütləq siz onun hansısa bir regionda yayılması ilə bağlı təsdiqedici sənədlər verməlisiniz. Yox, siz istəyirsinizsə açacağınız mətbu orqan bütün Rusiyaya yayılsın, bunun üçün ən yüksək strukturlardan rəsmi icazə almalısınız. Amma ölkləmizdə əsla belə qayda-qanunlar yoxdur. Azərbaycanda qəzeti təsis edirsiniz və istəsəniz bütün ölkəyə, ya da regionda yayırsınız. Yəni bu sizin öz qərarınızla, istəyinizlə olan bir məsələdir. Buna baxmayaraq, adıçəkilən beynəlxalq təşkilatlar, xüsusən də ABŞ-a bağlı olan təşkilatlar Azərbaycanı gözümçıxdıya salmağa cəhd edirlər və bunun da arxasında dayanan məqsəd ölkəmiz üçün təzyiq rıçağqlarının yaradılmasıdır".

Deputat Çingiz Qənizadə də açıqlamasında "Freedom House"u 4-5 il əvvəlki köhnə xəbərlərə istinad edib hesabat hazırlamaqda suçlayıb: " Azərbaycanın media azadlığı sahəsində vəziyyət Rusiya, Gürcüstan, Ermənistandan qat-qat yaxşıdır.
Hökumətin bugünkü media siyasətində götürdüyü kurs jurnalistlərin sıxışdırılmasına yönəlməyib. Gördünüz ki, prezident qəzetlərin yayım probleminə reaksiya verdi, digər məsələlərə münasibətini açıqladı, Tağı Əhmədov axırda vəzifəsindən uzaqlaşdırıldı. Ayrı-ayrı məmurlara görə medianın vəziyyətini birmənalı şəkildə pisləmək olmaz. Bu təşkilatlar isə hər il əvvəlki hesabatları təkrar yayır".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...