Virtual məkan qorxusuzdurmu?

Tarix: 01.05.2014 / 11:03
Bölmə: Gündəm

Jurnalistlər Estremal Şəraitdə (JEŞ) ictimai birliyi "Virtual aləmdə baş verən etik qaydaların pozulmasının qarşısının alınması" ilə bağlı dinləmələr keçirib.
İctimai birliyin sədri Firuzə Bəyməmmədqızı dinləmələrin qurumun QHT-lərə Dövlət Dəstəyi Şurasının müsabiqəsində qalib gəldiyi layihə əsasında həyata keçirildiyini deyib. İnternet və onun tərkib hissəsi olan sosial şəbəkələrin müasir insanın həyatının tərkib hissəsi olduğu deyilib. Sosial şəbəkələr geniş ünsiyyət vasitəsi, düşüncələrin paylaşması məkanı, virtual da olsa, "əqidə dostları" qruplarının yaradılması kimi müsbət keyfiyyətlərə malik olması kimi dəyərləndirilib. Bu şəbəkələr həm də bir informasiya mənbəyi kimi təqdir olunub.
Bununla yanaşı, bu şəbəkələrdə baş erən mənfiliklər də diqqətdən kənarda qalmayıb. Belə ki, bu şəbəkələrdə təhqirlərin, söyüşlərin olması, insanların bir-birinə münasibətdə əxlaq və tərbiyə dəyərlərindən kənara çıxmaları bəyənilməyib. Belə təhqirlərin əsasən ictimai-siyasi, dini, məişət zəminli mübahisələrdə ortaya çıxdığı vurğulanıb. F.Bəyməmmədqızı artıq sosial şəbəkələrin real həyatın inikasına döndüyünü vurğulayıb. Virtual aləmdə baş verən mübahisələrin real həyatda qətl və xəsarətlərə səbəb olması kimi faktlar barədə danışıb. F.Bəyməmmədqızına görə, belə neqativlərə əsas səbəb insanların hələ də alternativ düşüncələrə dözümlü yanaşa bilməmədir. Hər bir insanın başqası kimi düşünməyə məcbur olmadığı, düşüncələrilə üst-üstə düşüb-düşməməsindən asılı olmadan qarşısındakı insanın düşüncəsinə hörmətlə yanaşmağa məcbur olması kimi bir norma olduğu xatırladılıb. Onun fikrincə, bu hal hələ də plüralizm kimi keyfiyyətin cəmiyyətdə özünə əsaslı yer tapa bilməməsinin göstəricisidir.
Layihənin eksperti Novella Cəfəroğluna görə, virtual aləmdə insanların bir-birinə dözümsüz yanaşması insanlığın mərhəmət hissi kimi keyfiyyətin unudulması ilə bağlıdır. Görünür, insanlar "hamımız insanıq" devizindənsə, "sən kimsən ki?" devizini daha üstün tutur. Amma anlatmaq yerinə düşər ki, həqiqət heç zaman bir insanın dediyində yox, insanların müzakirəsindədir. Müzakirə isə hökm yox, anlamaq, bir-birinə dəyər vermək istəyir. Buna görə də istər real, istər virtual aləmdə dinləyə bilmək böyük mədəniyyətdir. Burada dözümsüzlük həm də insanların get-gedə cılızlaşması və savadsızlaşması ilə əlaqəlidir. N.Cəfəroğlu belə hallara qarşı mübarizə üsulu kimi sosial şəbəkələrdə xüsusi qruplar yaradılmasını, təhqirə yol verən şəxslərin dostluq qruplarından çıxarılmasını təklif edib. Sosial şəbəkələrdə saxta profillərlə çıxış etməyin özü də tənqid obyekti olub. Bunu bəzi insanların özünü ifadə edə bilməməsilə izah ediblər.
Fəal sosial şəbəkə istifadəçisi Dövlət Hətəmov virtual aləmdə qarşıdurmaların istifadəçi sayı kütləviləşəndən sonra baş verdiyini deyib. Onun fikrincə, toqquşan maraqlar, çoxtərəfli mövqelər virtaul aləmdə özünə yer tapandan sonra bu mövqelərə dözümsüz olanlar arasında qarşıdurma başlayıb. Amma bu heç də o demək deyil ki, virtual aləmdə hər şey "qara rəngdədir". Jurnalist Rey Kərimoğluna görə, belə təhqirlər daha çox ictimai-siyasi müstəvidə baş verir. Buna səbəb isə siyasi mövqelərin üst-üstə düşməməsidir. Bundan yeganə çıxış yolu mövqelərə hörmət olsa da, tərəflər bu qızıl qaydaya riayət etmək istəmir. Uşaqların internetdən valideyn nəzarəti olmadan istifadəsi natiq Mətanət Müslümqızının diqqət mərkəzində olub. Onun fikrincə, məhz nəzarətsizlik çox zaman istər uşaqların, istərsə də qadın və qızların qurbana çevrilməsinə şərait yaradır. Odur ki, hətta internetdən istifadə sahəsində maarifləndirmə işi güclü olmalıdır. Yəni insan bu məkanda hansı "təhlükə"lərlə üzləşə biləcəyini təxmin etməlidir. Müzakirələrin nəticəsi olaraq səslənən təkliflərin paket halına salınması qərara alınıb.

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...