İlham Əliyevin Qlobal Forumda göstərdiyi üç prioritetə təhlili yanaşmalar var

Tarix: 30.04.2014 / 09:21
Bölmə: Gündəm

Məlum olduğu kimi, Bakıda Diasporla İş üzrə Dövlət Komitəsinin dəstəyi, Nizami Gəncəvi Beynəlxalq Mərkəzi və Madrid Klubunun təşkilatçılığı, Dünya Elmlər və Mədəniyyət Akademiyası, BMT, İsgəndəriyyə Kitabxanası və digər təşkilatların birgə əməkdaşlığı çərçivəsində II Qlobal Açıq Cəmiyyətlər Forumu keçirilib.
2015-ci il və ondan sonrakı mərhələdə dünyanın davamlı inkişafı proqramına həsr olunan beynəlxalq Forumda 57 ölkədən 200-ə yaxın tanınmış ictimai və siyasi xadim iştirak edib. Forum 32 ölkənin sabiq dövlət və hökumət başçısı qatılıb.
Tədbirdə Azərbaycan Prezidenti İlham Əliyev, Latviyanın sabiq prezidenti, Nizami Gəncəvi Beynəlxalq Mərkəzinin həmsədri və Madrid Klubunun vitse-prezidenti Vayra Vike-Frayberqa, İsgəndəriyyə Kitabxanasının direktoru İsmail Serageldin, Bolqarıstan, Serbiya, Rumıniya, Moldova, İsrail və digər ölkələrin sabiq dövlət və hökumət rəhbərləri iştirak edib.
Azərbaycan Prezidenti İlham Əliyev Forumda çıxışı zamanı bir sıra vacib məqamlara toxunub. İlham Əliyev bildirib ki, biz yeni dünyada yaşamaq istəyiriksə, multikulturalizmi uçurum kimi qəbul etməməliyik. Dövlət başçısı qeyd edib ki, Azərbaycan multikulturalizm və tolerantlıqla bağlı tədbirlərin təşkil edilməsinə xüsusi diqqət yetirir. Prezident Azərbaycanda multikulturalizmə, dəyərlərin təbliğinə xüsusi önəm verildiyini də vurğulayıb.
Dövlət başçısı Forumda mühüm müzakirələrin olacağına əminliyini ifadə edib.
Prezident İlham Əliyev bəyan edib ki, hazırda güc beynəlxalq münasibətlərdə əsas yer tutur: "Biz öz taleyimizin sahibi olmalı, daha güclü olmalıyıq. Çalışmalıyıq ki, cəmiyyəti əsas prioritetlər ətrafında toplayaq. Bu, torpaqlarımızın azad edilməsi, müstəqilliyimizin güclənməsi və insanlar üçün daha yaxşı həyat şəraitinin qurulmasıdır. Cəmiyyət əsas məqsədlər ətrafında səfərbər olunursa, cəmiyyət parçalanmır. Çatışmazlıqları da müzakirə etməliyik. Ancaq əsas odur ki, cəmiyyətimiz birləşib".
İ.Əliyev qeyd edib ki, 10 il əvvəl Azərbaycanda 49 faiz səviyyəsində olan yoxsulluq artıq çox aşağı düşüb: "Biz dayanıqlı inkişafa nail olmalıyıq"
Dövlət başçısının irəli sürdüyü üç prioritet - "torpaqlarımızın azad edilməsi, müstəqilliyimizin güclənməsi və insanlar üçün daha yaxşı həyat şəraitinin qurulması" fikrindən hansı nəticələri çıxarmaq olar?
Tanınmış ziyalı, professor Vaqif Arzumanlı "Bakı-Xəbər"ə açıqlamasında bildirdi ki, son tədbirdə Bakıya keçmiş dövlət başçılarından təşkil olunan sanballı nümayəndə heyəti gəlmişdi. Prezident İlham Əliyev bu fürsətdən istifadə edərək Azərbaycanın bütün problemlərini və əldə etdiyi uğurları qonaqların diqqətinə çatdırdı: "Hesab edirəm ki, dövlət başçısı son çıxışını bir sıra yeni tezislər üzərində qurdu. Elan olunan yeni prioritet istiqamətlər müxtəlif dövrlərdə də aktual olub. Torpaqlar işğal olunandan bəri Azərbaycanda inkişaf gedib. Bunun özü də olduqca vacib olan amillərdəndir. Əlbəttə, ən böyük istəyimiz işğal altında olan torpaqların azad olunmasıdır. Bu üç istiqaməti qabartmaqla ölkə Prezidenti dünya ictimaiyyətinə çatdırmaq istəyir ki, həmin prioritetlər bizim üçün olduqca böyük əhəmiyyətə malikdir. Fikir verdikdə görünür ki, həmin üç komponentin biri digərindən asılıdır. İnsanların rifah halının yaxşılaşması iqtisadi gücümüzün artması anlamına gəlir. Güclü olarıqsa, Azərbaycanın beynəlxalq münasibətlər sistemindəki gücü daha da möhkəmlənəcək.
Biz işğal altında olan torpaqlarımızı azad edəriksə, bu, Azərbaycan üçün ikiqat qələbə anlamına gələcək. Bir var ölkənin vəsaitinin böyük hissəsini silahlanmaya, ordu quruculuğunun inkişafına yönəldəsən, bir də var ki, dinc şəraitdə yaşayıb dövlətin bütün potensialını insanların rifah halının qaldırılmasına sərf edəsən.
Bu yeniliyi dilə gətirməklə dövlət başçısı Azərbaycanın gələcəyə baxışını qonaqların diqqətinə çatdırdı. Bu məsələdə ölkə vətəndaşlarının da üzərinə böyük məsuliyyət düşür. Hamımız əlimizdən gələni etməliyik ki, həmin prioritetlər reallaşa bilsin".

DİGƏR XƏBƏRLƏR

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...