Dini işlər...Komitəsinin işinə ciddi ekspert iradı var

Tarix: 29.04.2014 / 04:20
Bölmə: Gündəm

Azərbaycan dövlətinin prioritet verdiyi siyasi istiqamətlərdən biri də ölkədə dini tolerantlıq mühitinin yaradılmasıdır. Bu istiqamətdə dövlət üzərinə düşən bütün fəaliyyətləri həyata keçirir. Ancaq təəssüflər olsun ki, bu humanistlikdən bir çox radikal dini sektalar sui-istifadə edir. Dövlətin dini cərəyanlarla münasibətini tənzimləmək üçün Dini Qurumlarla İş üzrə Dövlət Komitəsi də fəaliyyət göstərir.
Qeyri-ənənəvi dini cərəyanların ölkədə təşəkkül tapması
Azərbaycan dövlətini narahat etməyə bilməz. Bu səbəbdən də onlara qarşı xüsusi əməliyyatlar keçirilib.
Aprelin 12-də DİN əməkdaşları Yasamal rayonu Xıdır Mustafayev küçəsində yaşayan Eldəniz Hacıyevin evində əməliyyat keçirib. DİN-in rəsmi məlumatında bildirilir ki, qeyd olunan ünvanda "nurçuluq" dini təriqətinin "sunqurçular" cərəyanı adı altında 41 nəfərin (onlardan 2-si azyaşlıdır) iştirakı ilə yığıncaq keçirilməsi müəyyən edilib. E.Hacıyevin evinə baxış zamanı təbliği və yayılması qanunla qadağan olunmuş dini ədəbiyyat, kompyuter avadanlıqları, mobil telefonlar, 2200 ABŞ dolları, 286 manat və orada olan şəxslərə məxsus ümumvətəndaş pasportları aşkar edilərək götürülüb.
Polisin xüsusi əməliyyat keçirdiyi X.Mustafayev küçəsindəki 216 saylı evdə 17 nəfər qeydiyyatda olub. Evin sahibinin Hacı ləqəbli şəxs olduğu deyilir. Həbs edilənlərin əksəriyyəti dövlət orqanlarında çalışırlar. Lakin 2 mərtəbəli bina yaşayış evindən çox dini ocaq kimi fəaliyyət göstərirmiş. Polis binada xidmət aparıb və jurnalistlərin binaya daxil olmasına imkan verməyib. Ərazidə yaşayan sakinlər bildiriblər ki, evdə ibadətlə məşğul olanlar hansı təriqətə mənsub olduqlarını gizlətməyiblər.
Bu əməliyyatı təsadüfən xatırlatmadıq. İndiyə qədər hüquq-mühafizə orqanları tərəfindən müxtəlif cərəyanlara qarşı 100-lərlə oxşar əməliyyat keçirilib. Məsələyə məntiqlə yanaşanda belə bir fikir yaranır: bu sahədə problem var ki, işə hüquq-mühafizə orqanları qarışmaq məcburiyyətində qalır. Bəzi dini cərəyanların ölkədə narahatlığa səbəb olan fəaliyyətlə məşğul olmasında bu prosesləri tənzimləməkdə məsul olan Dini Qurumlarla İş üzrə Dövlət Komitəsi nə kimi məsuliyyət daşıyır?
Politoloq Qabil Hüseynli "Bakı-Xəbər"ə açıqlamasında Dini Komitənin işindən razı olmadığını bildirdi. Onun sözlərinə görə, bu ən ağır sahələrdən biridir və bu qurumda daha çox professionallar çalışmalıdır: "Bu qurumun səlahiyyətləri çox, fəaliyyəti isə çox zəifdir. Kənardan elə təəssürat yaranır ki, sanki bu dövlət qurumu Allahşükür Paşazadəyə tabedir. İndiyə kimi Dini Komitədən istər dini təriqətlər, istərsə də dini mühitdə yaranan digər neqativliklərlə bağlı hər hansı bir qabaqlayıcı addımın atıldığını görməmişəm. Zənnimcə, bu qurum üzərinə düşən vəzifə ilə bağlı cəsarətli addımlar atmaqda çəkinir. Həddindən artıq ehtiyatlı davranış isə sonda belə problemlərin ortaya çıxmasına gətirib çıxarır. Proseslər bir qədər tərsinə getməlidir. Dini Komitə bütün dini təşkilatları nəzarətə götürməlidir, hətta Qafqaz Müsəlmanları Ruhani İdarəsini belə. Dini konfessiyaların dövlət nəzarətinə götürülməsi fikri bəzən düzgün başa düşülmür. Bu heç də sovet dövründə olan nəzarəti xatırlatmır. Belə səriştəsiz fəaliyyət davam edəcəksə, sözsüz ki, radikal cərəyanların bizə yaradacağı problem bundan da dərin olacaq".

DİGƏR XƏBƏRLƏR

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...