KİV DF jurnalistlərlə məmurların daha bir görüşünü Sabunçu Rayon İcra Hakimiyyətində keçirdi

Tarix: 24.04.2014 / 09:42
Bölmə: Gündəm

Aprelin 23-də Bakı şəhəri Sabunçu Rayon İcra Hakimiyyəti və Azərbaycan Respublikasının Prezidenti Yanında Kütləvi İnformasiya Vasitələrinin İnkişafına Dövlət Dəstəyi Fondunun birgə təşkilatçılığı ilə "Yerli icra hakimiyyəti orqanları ilə kütləvi informasiya vasitələri arasında əməkdaşlığın inkişaf etdirilməsi" mövzusunda konfrans keçirilib.
Konfransa respublikanın aparıcı qəzetlərinin, informasiya agentliklərinin və xəbər portallarının baş redaktorları və Sabunçu rayonunun icra strukturlarının rəhbərləri qatılıb.
Konfransdan öncə Sabunçu rayonunun sosial-iqtisadi inkişafına həsr edilmiş qısametrajlı film nümayiş etdirilib. Daha sonra konfransı giriş sözü ilə açan Sabunçu Rayon İcra Hakimiyyətinin başçısı Adil Vəliyev rayon ictimaiyyətinin media nümayəndələri ilə bu formatda görüşünün mühüm əhəmiyyət kəsb etdiyini bildirib. Rayon haqqında məlumat verən Adil Vəliyev Sabunçunun Bakının 3 ən böyük rayonlarından biri olduğunu diqqətə çatdırıb. İcra başçısı burada fəaliyyət göstərən təhsil, səhiyyə, mədəniyyət və digər sosial obyektlər barədə də geniş məlumat verib.
Jurnalistikanın cəmiyyətin həyatında oynadığı rola toxunan Adil Vəliyev Azərbaycanda kütləvi informasiya vasitələrinə dövlət tərəfindən böyük diqqət göstərildiyini vurğulayıb. O, Sabunçu RİH-nin media ilə əməkdaşlığın inkişafında maraqlı olduğunu da qeyd edib.
Daha sonra çıxış edən Azərbaycan Respublikasının Prezidenti Yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli Fondun iştirakı ilə bu qəbildən olan tədbirlərin artıq ənənəvi xarakter aldığını bildirib. O, paytaxtla bərabər, regionlarda da artıq belə çoxsaylı tədbirlərin keçirildiyini iştirakçıların diqqətinə çatdırıb. Bununla yanaşı, Vüqar Səfərli Azərbaycan milli mətbuatının inkişafı yoluna da nəzər salıb: "Milli mətbuatımızın inkişaf tarixini 3 dövrə bölmək olar. Birinci dövr mətbuatımızın əsası qoyulduqdan sovetlər hakimiyyətinin qurulmasına qədər olan müddəti əhatə edir. Növbəti dövr isə sovet hakimiyyəti illərini əhatə edir. Nəhayət üçüncü dövr Azərbaycanın yeni müstəqillik tarixini əhatə edən mərhələdir".
Müstəqillik əldə etdikdən sonra Azərbaycan mediasının inkişaf yoluna geniş nəzər salan Vüqar Səfərli ulu öndər Heydər Əliyevin kütləvi informasiya vasitələrinə həmişə böyük qayğı ilə yanaşdığını vurğulayıb. Ümummilli liderin mətbuat üzərində senzuranın ləğvinə dair fərmanı ilə Azərbaycanda söz, məlumat və fikir azadlığının təməli qoyulub. Daha sonra Vüqar Səfərli ulu öndər Heydər Əliyev siyasətinin layiqli davamçısı olan Prezident İlham Əliyevin mətbuatın inkişafı üçün gördüyü işlərdən söz açıb: "2009-cu il aprel ayının 3-də Azərbaycanda fikir, söz və məlumat azadlığını inkişaf etdirmək məqsədilə cənab Prezidentin fərmanı ilə Kütləvi İnformasiya Vasitələrinin İnkişafına Dövlət Dəstəyi Fondu yaradılıb. Fond il ərzində KİV layihələrinin maliyyələşdirilməsi ilə bağlı müsabiqələr elan edir. Eyni zamanda, müxtəlif icra orqanları ilə birlikdə jurnalistlər arasında fərdi yazı müsabiqələrinin təşkilini həyata keçirir".
Vüqar Səfərli onu da vurğulayıb ki, dövlət başçısı jurnaslitlərin mənzil-məişət şəraitinin yaxşılaşdırılması istiqamətində də konkret addımlar atır: "Buna konkret nümunə kimi ötən ilin iyulun 22-də cənab Prezidentin iştirakı ilə açılışı olmuş jurnalistlər üçün inşa edilmiş binanın media nümayəndələrinə təqdim olunmasını göstərmək olar. Daha bir binanın isə inşası davam etdirilir. Bütün bunlar cənab Prezidentin mediaya böyük diqqət və qayğısının bariz nümunəsidir".
Tədbir qarşılıqlı diskussiya şəklində davam etdirilib. Daha sonra Sabunçu Rayon İcra Hakimiyyəti və Kütləvi İnformasiya Vasitələrinin İnkişafına Dövlət Dəstəyi Fondunun "Sabunçu rayonunun sosial-iqtisadi inkişafı: real vəziyyət və perspektivlər" mövzusunda birgə elan edilmiş müsabiqəsinin qaliblərinin mükafatlandırılması mərasiminə başlanıb. Qeyd edək ki, müsabiqəyə ümumilikdə 23 redaksiyadan 38 yazı təqdim olunub. Müsabiqənin şərtlərinə əsasən, 1-ci yerə bir nəfər, 2-ci yerə iki nəfər, 3-cü yerə üç nəfər, 10 nəfər isə həvəsləndirici mükafata layiq görülüb. 1-ci yerin qalibinə 1000, 2-ci yerin qalibinə 800 manat, 3-cü yerin qalibinə 600 manat, həvəsləndirici yerlərin qaliblərinə isə 200 manat məbləğində pul mükafatı verilib.
Sonda qaliblərə xüsusi diplomlar və pul mükafatları təqdim olunub.

DİGƏR XƏBƏRLƏR

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...