Nurçu şəbəkəni ifşa edən Ərdoğan yox, Azərbaycan dövlətinin özüdür

Tarix: 18.04.2014 / 08:12
Bölmə: Gündəm

Son bir həftə ərzində Azərbaycanın xüsusi xidmət orqanları nurçulara qarşı bir neçə uğurlu əməliyyat həyata keçirdi. Aprelin 12-də DİN əməkdaşları Yasamal rayonu, Xıdır Mustafayev küçəsində yaşayan Eldəniz Hacıyevin evində əməliyyat keçirib. Qeyd olunan ünvanda nurçuluq dini təriqətinin "sunqurçular" cərəyanı adı altında 41 nəfərin (onlardan 2-si azyaşlıdır) iştirakı ilə yığıncaq keçirildiyi müəyyən edilib.
E.Hacıyevin evinə baxış zamanı təbliği və yayılması qanunla qadağan olunmuş dini ədəbiyyat - "Risaleyi Nur" kitabları, kompyuter avadanlığı, mobil telefonlar, 2200 ABŞ dolları, 286 manat və orada olan şəxslərə məxsus ümumvətəndaş pasportları aşkar edilərək götürülüb.
Bunun ardınca Daxili İşlər Nazirliyi nurçularla bağlı daha bir əməliyyat keçirib. Daxili İşlər Nazirliyinin mətbuat xidmətindən verilən məlumata görə, aprelin 11-də Nurçu dini təriqətinin üzvləri - Göyçay rayon sakinləri Şahin Həsənovun, İlham Həmidovun, Qəbələ rayon sakini Zəkiriyyə Məmmədovun dəvətləri əsasında Türkiyə vətəndaşları "Fırıncı abi" ləqəbli Gülec Mehmet Nuri, Koçoğlu Himmet Uyar Qadir, Uyar Mustafa Kemal, Karagözoğlu Nureddin, Ömer Güzəddəmirçi, həmçinin Bakı şəhər sakinləri Fəxrəddin Xanlayev, Yusif Dadaşov Z.Məmmədova məxsus Göyçay şəhəri Bakı küçəsindəki evdə Qəbələ, İsmayıllı, Ağdaş, Zaqatala və Ucar rayon sakinlərindən ibarət 60-70 nəfərlə toplantı keçiriblər.
Aprelin 14-də isə İ.Həmidovun evinə baxış zamanı 20 ədəd Nurçu dini təriqətinə aid, yayılması qadağan olunmuş "Risaleyi Nur" kitabı aşkar edilərək götürülüb.
Bu əməliyyat zamanı da bir neçə şəxs həbs edilib.
Əslində burada qeyri-adi heç nə yoxdur. Çünki Azərbaycanın güc strukturları mütəmadi olaraq istər mütəşəkkil cinayətkar dəstələrə, istərsə də dövlətçiliyə təhlükə yaradan digər qanunsuz fəaliyyətlərə qarşı əməliyyatlar keçirir ki, bu sıraya müxtəlif dini təriqətlərə aid sektaların da fəaliyyəti daxildir. Ancaq nədənsə, nurçularla bağlı əməliyyatlara başqa don geyindirməyə çalışılır. Bəzi media orqanlarının yazdığına görə, guya bu məsələ Prezident İlham Əliyevlə Türkiyə Cumhuriyyətinin baş naziri Rəcəb Tayyib Ərdoğanın görüşündə müzakirə edilib və baş nazir "nurçular"ın hər iki ölkədə təhlükə olduğunu bildirərək, onların Azərbaycanda da şəbəkələşməsindən narahatlığını ifadə edib.
Aydındır ki, bu məsələ ölkə başçıları arasında müzakirə predmeti ola bilər. Lakin ardınca belə təqdimat verilir ki, guya Ərdoğan Prezident İlham Əliyevə Azərbaycandakı nurçularla bağlı siyahı təqdim edib. Həmçinin, Ərdoğan mümkün təhlükənin qarşısını vaxtında almasının zəruriliyini vurğulayıb.
Qeyd edək ki, Prezident İlham Əliyevlə baş nazir Rəcəb Tayyib Ərdoğanın birgə mətbuat konfransında da bu məsələ ilə bağlı suallar verilib. Prezident bildirib ki, Türkiyə-Azərbaycan münasibətlərinə zərər verə biləcək istənilən qüvvənin qarşısı alınır: "Biz imkan vermərik ki, iki dost, qardaş ölkənin arasında kimlərsə nifaq salsın".
R.T.Ərdoğan isə suala cavabına bildirib ki, ortada bir sıxıntı var və hər iki ölkəni narahat edəcək durum varsa, demək, müzakirə də edilib.
Göründüyü kimi, hər iki ölkə rəhbəri diplomatik yolla öz fikirlərini çatdırıb. Ancaq ölkə daxilində "nurçu"ların həbsi ilə müşahidə olunan əməliyyatların Ərdoğanın təqdim etdiyi siyahı əsasında həyata keçirildiyini iddia etmək heç bir məntiqə sığmır.
Politoloq Qabil Hüseynli qəzetimizə açıqlamasında bildirdi ki, belə yanaşmalar ümumiyyətlə məntiqə uyğun deyil: "Bu problemin hər iki ölkənin daxilində baş qaldırdığı danılmazdır. Türkiyədəki prosesləri biz yaxından müşahidə etdik. Həmin şəbəkə dövlətlə baş-başa gəldi və bundan çəkinmədi. Bunu yalnız arxasında böyük gücü olan qüvvə edə bilərdi. Həmin vaxt üzə çıxdı ki, şəbəkənin bağlantıları Azərbaycana gəlib çıxır. Azərbaycandakı proseslərdən də gördük ki, şübhələr tam əsaslı imiş. Dövlətin əlaqədar qurumları prosesi nəzarətə götürdü. Artıq biz bəzi islahatların, hətta həbslərin şahidi oluruq. Azərbaycanın hüquq-mühafizə orqanları çox peşəkar işləyir. Biz belə əməliyyatları tez-tez görürük. Bu əməliyyatlar müxtəlif profilli, qanuna tabe olmayan adamlara qarşı aparılır. Bunların fonunda Ərdoğanın Göycayda kiminsə həbs edilməsi üçün adını verməsini iddia etmək yalnız gülüş doğura bilər.Tərəflər arasında ən yüksək səviyyədə danışıqlar, müzakirələr aparıla bilər. Ancaq Azərbaycan o qədər də zəif ölkə deyil ki, kimlərsə bizi idarə etsin".

DİGƏR XƏBƏRLƏR

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...