ANS-lə məhkəmə çəkişməsində MTRŞ-ə ziyalılardan güclü dəstək gəlir

Tarix: 16.04.2014 / 09:11
Bölmə: Gündəm

ANS Müstəqil Yayım və Media Şirkəti Milli Televiziya və Radio Şurasını (MTRŞ) məhkəməyə verib. 1 saylı Bakı İnzibati-İqtisadi Məhkəməsinə müraciət edən şirkət MTRŞ-in ANS-lə bağlı 14 yanvar 2014-cü il tarixli qərarının ləğv edilməsini tələb edir. Belə ki, qeyd olunan tarixdə MTRŞ-in iclası keçirilib.
Həmin iclasda ANS Müstəqil Yayım və Media Şirkəti tərəfindən teleradio yayımı sahəsində qanunvericiliyin tələblərinin pozulması faktı üzrə inzibati icraata dair işə baxılıb. MTRŞ-in həmin gün yaydığı açıqlamada deyilirdi ki, 10 yanvar 2014-cü il tarixdə, saat 16.30-da efirə gedən "Adam içində" verilişində "Televiziya və radio yayımı haqqında" Azərbaycan Respublikası Qanununun 32.0.1, 32.0.9, 35.11-ci maddələrinin, "Uşaqların və yetkinlik yaşına çatmayanların fiziki, əqli və mənəvi inkişafına ziyan vura bilən və kodsuz yayımlanan, o cümlədən erotikanı və qəddarlığı əks etdirən proqramlar üçün Xüsusi Qaydalar"ın 2.4-cü bəndinin tələbləri pozulduğundan, Milli Televiziya və Radio Şurasının qərarına əsasən, ANS Müstəqil Yayım və Media Şirkətinə xəbərdarlıq elan edilib.
Qeyd edək ki, söhbət 10 yanvar 2014-cü il tarixdə, saat 16.30-da efirə gedən "Adam içində" verilişindəki məşhur "cinçıxarma" əhvalatından gedir.
Milli Televiziya və Radio Şurasının (MTRŞ) sədri Nuşirəvan Məhərrəmli müsahibəsində "Adam içində" verilişi ilə bağlı məsələyə də aydınlıq gətirib: "MTRŞ fəaliyyətini ona verilmiş səlahiyyətlər, müvafiq Əsasnamə çərçivəsində qurub. Şura telekanalların yaradıcılıq işlərinə, proqram siyasətinə qətiyyən qarışmır. Telekanallarda hansı verilişlərin verilib-verilməməsinə müdaxilə etmirik. Sadəcə, "Televiziya və radio yayımı haqqında" Qanunda televiziya proqramlarına verilən bəzi tələblərlə bağlı məsələləri qaldırırıq. Deyilən verilişlərdə milli-mənəvi dəyərlərlə bağlı məsələ önə çəkilirsə, bu, qanundan irəli gələn məsələdir".
Tanınmış şair Musa Yaqub qəzetimizə açıqlamasında MTRŞ-in doğru addım atdığını bildirdi: "Son vaxtlar yerli telekanallarımız lap ağını çıxarıb. Heç nəyə məhəl qoymadan nəyi gəldi efirə verirlər. Bunlar niyə düşünmür ki, bu yayımla insanları həm tərbiyə etmək, həm də yolundan sapındırmaq olar? Günün 24 saatını biz ora baxırıq. Bəlkə də adətimiz, xarakterimiz də onunla formalaşır. Əxlaqı aşan, milli ənənələrə düz gəlməyən çoxlu sayda verilişlər gedir. Dövlət nəzarət etməməlidir buna? MTRŞ dövlət qurumu kimi xəbərdarlıq edib. Bu tamamilə doğru addımdır. Hələ mən düşünürəm ki, MTRŞ bir qədər zəif davranır. Efir siyasəti ilə bağlı daha radikal addımların atılmasına ehtiyac var. Bir də görürsən ki, 5 dəfə ərə gedib boşanmış biri çıxıb qadınlara ailə dəyərlərindən, mənəviyyatdan dərs deyir.Bu yaxınlarda bir verilişə baxdım, 25 yaşında bir gənc aparıcı ağsaqqal ziyalını qoyub qabağına danlayırdı. Televiziyanı bazara döndərmək olmaz! Kimin pulu varsa, verilişini verirlər. Pul olan yerdə isə hər bir şey yolunda ola bilməz. Mən ziyalılarımızla söhbət edirəm, onlar da bu fikirdədir ki, efir siyasəti ilə bağlı kompleks işlər görülməlidir. Televiziyalarımız fəaliyyəti müqabilində dövlət qurumu tərəfindən bildirilən irada dözümlü yanaşmalıdır".

DİGƏR XƏBƏRLƏR

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...