Azərbaycanda "nurçu" cərəyanların yeni şok detalları...

Tarix: 15.04.2014 / 08:23
Bölmə: Gündəm

"Nurçuluq" dini təriqətinin "sunqurçular" cərəyanı adı altında 41 nəfərin iştirakı ilə yığıncaq keçirildiyi müəyyən edilib. Daxili İşlər Nazirliyinin (DİN) mətbuat xidmətindən "Trend"ə verilən məlumata görə, Yasamal Rayon Polis İdarəsi əməkdaşlarının keçirdiyi əməliyyat tədbirləri nəticəsində aprelin 12-də X.Mustafayev küçəsində yaşayan Eldəniz Hacıyevin evində "Nurçuluq" dini təriqətinin "sunqurçular" cərəyanı adı altında 41 nəfərin (onlardan 2-si azyaşlı) iştirakı ilə yığıncaq keçirildiyi müəyyən edilib.
E.Hacıyevin evinə baxış zamanı təbliği və yayılması qanunla qadağan olunmuş dini ədəbiyyat, kompyuter avadanlıqları, mobil telefonlar, 2200 ABŞ dolları, 286 manat və orada olan şəxslərə məxsus ümumvətəndaş pasportları aşkar edilərək götürülüb.
Faktla bağlı araşdırma aparılır.
Dini Qurumlarla İş üzrə Dövlət Komitəsi isə "nurçular"ın toplaşdığı yerdən götürülən ədəbiyyatın hərtərəfli ekspertizasını keçirəcək. Komitədən APA-nın sorğusuna cavab olaraq bildirilib ki, aprelin 12-də Bakı şəhəri, Yasamal rayonu, X.Mustafayev küçəsində Yasamal Rayon Polis İdarəsinin əməkdaşları tərəfindən keçirilən əməliyyat tədbirində Dini Qurumlarla İş üzrə Dövlət Komitəsinin əməkdaşı müvafiq sahələr üzrə ekspert qismində iştirak edib.
Məlum olub ki, "nurçu" təriqətinin "Mustafa Sunqur camaatı" və ya "klassik" kimi tanınan cərəyanın nümayəndələrinin birgə toplaşdığı həmin ünvanda dini fəaliyyətlə məşğul olmaq üçün Komitəyə heç bir müraciət daxil olmayıb. Hüquq-mühafizə orqanlarının keçirdiyi əməliyyat zamanı toplanan dəlillərin müvafiq ekspertizasının nəticələrinə əsasən, məhkəmə qaydasında "Dini Etiqad Azadlığı Haqqında" Qanunun 12-ci maddəsinin müvafiq tələbinin ("bütün dini qurumlar yalnız müvafiq icra hakimiyyəti orqanında dövlət qeydiyyatına alındıqdan və dövlət reyestrinə daxil edildikdən sonra fəaliyyət göstərə bilər") pozulmasına münasibət bildiriləcək.
Eyni zamanda, sözügedən ünvanda əməliyyat zamanı götürülmüş dini ədəbiyyat Dövlət Komitəsində müvafiq dinşünaslıq ekspertizasından keçiriləcək və həmin ekspertizanın nəticələrinə əsasən, bu ədəbiyyatın əldə olunması, istehsalı (və ya idxalı), həmçinin istifadəsinin qanunauyğunluğu barədə rəy bildiriləcək.
Aparılan əməliyyatla məşhur təriqətin yalnız bir cərəyanının aşkar edilməsi problemin tam mənzərəsini hələlik ortaya qoymur. Dünən redaksiyamızla əlaqə saxlayaraq özünü sosiologiya alimlərindən biri kimi təqdim edən şəxs nurçuluğun özünün də daxilində bir neçə cərəyanın olduğunu bildirdi. Alim özünün bu sahədə çoxdan araşdırmalar apardığını, xeyli maraqlı nəticələrə gəldiyini, münasib bildiyi bir vaxtda özünün bütün qənaətlərini qəzetimizin oxucuları ilə bölüşəcəyini söylədi. Hələlikdə isə alim bir məsələdə əminliyini bildirdi. O əmindir ki, nurçuluq Azərbaycanda bir neçə cərəyanla şəbəkələşir. Onun bir ehtimalı isə həm maraqlı, həm də təhlükəli səslənir. Alim ehtimal edir ki, nurçu cərəyanlardan hansısa radikallığa meylli ola bilər. O, ehtimallarına əsas verən səbəblərin hamısı haqqında hələlik danışmaq istəmədi. Tək onu qeyd etdi ki, bütün cərəyanlar vahid nurçu mərkəz tərəfindən idarə olunur və belədə bütün cərəyanların radikallıqdan uzaq, mötədil platforma üzərində fəaliyyət göstərməsinin sadəcə mənası yoxdur. Beləliklə, nurçu cərəyanlar arasında radikal-ekstremizə meylli cərəyanlar barədə ehtimallar nə qədər realdır?
Mövzunu davam etdirəcəyik.

DİGƏR XƏBƏRLƏR

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...