"Nurlu sabah" arzuları suya düşən "azxəbər"...

Tarix: 14.04.2014 / 11:21
Bölmə: Gündəm

"Azərbaycanfilm" Kinostudiyasının ötən əsrin 70-ci illərində istehsal etdiyi tarixi "Dədə Qorqud" filmində belə bir səhnə var: Qıpçaq Məliyin əsir aldığı Qazan xanın oğlu Tural anası Burla xatunu düşmənin şərəfsiz hərəkətlərindən qorumaq üçün özünün ətindən bişiriləcək "qara qovurma"dan "başqası bir yeyəcəksə sən iki ye, yetər ki qarı düşmən sənin kimliyini bilməsin" deyə ona yalvarır.
Bəli, məhz yalvarır və günümüzdən çox-çox uzaqlarda qalan o dövrdə kişilər yalnız qadın qarşısında əyilirdi, qılınc qarşısında dizə gəlməyən igid ANA qarşısında dizə gəlirdi. O dövrdən çox sular axıb və təəssüflər olsun ki, o sular mənəvi dəyərlərimizi də özü ilə dərə aşağı axıdıb...
Çox da uzaq olmayan ötən aylarda bələdiyyə seçkiləri qarşısında olan qardaş Türkiyə Cumhuriyyətində hakimiyyət dövlətçiliyə təhlükə yaradan böyük bir dini təriqət üzvlərinin izinə düşdü. Adına "nurçu" deyilən bu təriqət üzvlərinin ifşası onların ölkəmizdə də özünə geniş dəstək tapdığını ortaya çıxardı. Bu zaman ölkəmizdəki "nurlu imamcümə"lərin müdafiəsinə qalxan xəbər saytlarından biri, bəlkə də birincisi azxəbər.com saytı oldu. O qısa zaman kəsiyində əsl "nurlu tribunaya" çevrilən bu sayt ona vəd edilən "nurlu sabahlar" uğrunda savaşda hətta o qədər "irəli" getdi ki, heç nədən xəbərsiz bir xanımı, ANAnı ağalarına şər atmaqda suçladı. Lakin bununla da ürəyi soyumadı. Axı ona vəd olunan gələcək çox cəlbedici idi. Hətta o qədər cəlbedici idi ki, "nuru" gözlərini qamaşdırırdı. Və bu qamaşan gözlərilə də postunu itirən "imamcümə"yə, onun yeni təyinatını "pensioner postu"adlandıran əshabəsinə xoş gəlmək, qarşılaşdıqları problemi hamıdan tez çözdüyünü gözə soxmaqdan ötrü ağına-bozuna baxmadan məsələdən xəbərsiz bir kimsəni suçlamaqla da qalmayıb, onu guya ifşa edən, əslində isə yalnız onun şəxsi fotolarından ibarət özünün düzüb-qoşduğu videonu saytın manşetinə çıxararaq günlərlə birincilikdən düşürmədi. Ta o vaxta qədər ki, məsələnin əsl mahiyyətini anladı və... rəhmətlik Rüfət Əhmədzadənin bir şeirində deyildiyi kimi, "Kim kimə üstün gəlir, mən də tərəfdarıyam" prinsipilə hərəkət etməyin daha doğru olduğu qənaətinə gəldi.
Diqqətli oxucular yəqin dediklərimi təsdiq edər ki, sözügedən qalmaqalın dərhal ardından sayt mövqeyində 180 dərəcə dönüş edərək bu günə qədər az qala səcdə etdiyi təriqət üzvlərini hətta digərlərindən daha sərt şəkildə vurmağa başladı. İlk manşeti isə baş nazir Ərdoğandan iqtibas gətirdikləri "Gülənə hörmət edərəmsə özümə hörmətsizlik etmiş olaram" başlıqlı yazı oldu. Yəqin sözügedən saytı müntəzəm izləyənlər təsdiq edər ki, sayt əvvəlki səhvlərini ört-basdır etməkdən ötrü indi də onların ifşa xəbərlərinin dərcində birincilik uğrunda mücadilə verir, az qala hər gün onlarla bağlı informasiyalar dərc edir. Bununla həm də jurnalistikanın əsas kurallarından olan tərəfsizlik məsələsini arxa plana aldıqlarının fərqində olmayan dostlarımız bir şeyi unudurlar - heç nə unudulmur, heç nə yaddan çıxmır...
Söhbətimə milli kinomuzdan bir epizodla başlamışdım, onu daha bir milli kinomuzun dillər əzbəri olan deyimi ilə bitirirəm: "Bəs nə oldu, tikintiyə getmədin qaldın, həəəə?"

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...