Prezidentin Naxçıvan səfərinin strateji nüansları...

Tarix: 09.04.2014 / 09:41
Bölmə: Gündəm

Prezident İlham Əliyev aprelin 7-də Naxçıvan Muxtar Respublikasına səfər edib. Naxçıvan Beynəlxalq Hava Limanında dövlətin başçısının şərəfinə fəxri qarovul dəstəsi düzülüb. İlham Əliyevi Naxçıvan Muxtar Respublikası Ali Məclisinin sədri Vasif Talıbov və digər rəsmi şəxslər qarşılayıb.
Prezident həmin gün Naxçıvan Beynəlxalq Hava Limanının yeni inzibati binasının açılışında iştirak edib. Azərbaycanın coğrafi cəhətdən olduqca əlverişli mövqedə yerləşməsi ölkəmizin dünyanın hava nəqliyyatı sistemindəki rolunu və yerini daha da gücləndirir. İndi Azərbaycanda yeni müasir hava limanları inşa olunur, mövcud aerovağzal kompleksləri isə dünya standartlarına uyğun, əsaslı şəkildə yenidən qurulur. Bu proses yalnız Bakı ilə məhdudlaşmır. Artıq Azərbaycanın bölgələrində də beynəlxalq hava limanları fəaliyyət göstərir.
Dövlət başçısı əvvəlcə Naxçıvan Beynəlxalq Hava Limanının nəqliyyat infrastrukturunun möhkəmləndirilməsi ilə bağlı həyata keçirilən ardıcıl tədbirlər çərçivəsində aeroportun fəaliyyətini daha da müasirləşdirmək və təhlükəsizliyi artırmaq məqsədilə alınan müxtəlif təyinatlı yeni maşın-mexanizmlərə baxıb. Diqqətə çatdırılıb ki, aerovağzal binasının yenidən qurulması və bərpasından sonra aeroportun sərnişin dövriyyəsi saatda 450-500 nəfərə çatacaq. Bu isə blokada şəraitində olan Naxçıvan Muxtar Respublikası hava limanının strateji yükünü daha da artıracaq. Binanın istifadəyə verilməsi Naxçıvan Beynəlxalq Hava Limanının maddi-texniki bazasının möhkəmləndirilməsi istiqamətində həyata keçirilən tədbirlər sırasında özünəməxsus yeri ilə seçilir.
İlham Əliyev Naxçıvan Muxtar Respublikası Hərbi Prokurorluğunun yeni inzibati binasının açılışında da iştirak edib. Dövlət başçısının diqqətinə çatdırılıb ki, altı mərtəbədən ibarət olan və xüsusi memarlıq quruluşuna malik binada Hərbi Prokurorluq əməkdaşlarının fəaliyyəti üçün hər cür şərait yaradılıb.
Prezident, həmçinin, Gənclər Mərkəzinin açılışında iştirak edib. Naxçıvan Muxtar Respublikası Ali Məclisinin sədri Vasif Talıbov Gənclər Mərkəzində yaradılan şərait barədə dövlət başçısına məlumat verib. Gənclər Mərkəzində kompyuter otağı, elektron kitabxana, intellektual və stolüstü oyun zalları, interaktiv tir və kafe var. Mərkəzdə informasiya texnologiyalarının ən son nailiyyətləri tətbiq edilib, kompyuterlərin hər birinin internetə çıxışı təmin olunub. Mərkəzdə xarici dillərin tədrisi üçün linqafon sinifləri yaradılıb. Gənclər burada istənilən xarici dil üzrə həm nəzəri biliklərə, həm də praktik olaraq düzgün tələffüz vərdişlərinə yiyələnə biləcək. Mərkəzin elektron kitabxanasının bazasında minə yaxın ədəbiyyat var. Binada gənclərin asudə vaxtının səmərəli təşkili və onların intellektual səviyyələrinin artırılması da nəzərə alınaraq, mədəni-kütləvi tədbirlərin keçirilməsi üçün intellektual zal istifadəyə verilib.
Dövlət başçısı "Xəmsə" intellektual oyununa da baxıb.
Tir otağında pnevmatik tüfəng və tapançadan atəş açmaq məşqləri təşkil olunacaq.
İlham Əliyevin bu səfərinin hansı strateji anlamı var?
Naxçıvandan seçilən millət vəkili, Azərbaycan Milli Elmlər Akademiyasının vitse-prezidenti İsa Həbibbəyli "Bakı-Xəbər"ə açıqlamasında bildirdi ki, ölkə başçısının regionlara etdiyi bütün səfərlər ölkəmizin inkişafı üçün böyük əhəmiyyətə malikdir":İndiyə qədər də Naxçıvan MR-ə dövlət başçısı tərəfindən edilən səfərlər hər zaman böyük hadisəyə çevrilib. Bu səfər Naxçıvanın yüksələn templə gedən inkişafını bir daha Azərbaycan cəmiyyətinə təqdim etdi. Eyni zamanda, Azərbaycanın ayrılmaz tərkib hissəsi kimi MR-də görülən böyük, strateji əhəmiyyətli işlərlə Naxçıvanda baş verən texnoloji inkişafın bütün göstəriciləri nümayiş olundu. Hər dəfə olduğu kimi, bu dəfə də Naxçıvan MR Azərbaycan dövləti və Prezidenti qarşısında çox uğurlu hesabat verdi. MR-in cəmiyyət həyatının ən müxtəlif sahələrini əhatə edən möhtəşəm açılışlar oldu. Keçirilən böyük tədbirlər çərçivəsində "Arpaçay" Su Elektrik Stansiyasının 1-ci və 2-ci bəndləri istifadəyə verildi. Bundan sonra Naxçıvan enerji ixrac edən bölgəyə çevrildi. Yeni Gənclər Mərkəzinin açılması isə yeni nəslin inkişafına göstərilən dövlət qayğısını bir daha nümayiş etdirdi. Bütövlükdə isə cənab İlham Əliyev Naxçıvanda aparılan böyük quruculuq işlərinə yüksək qiymət verdi. Təbii ki, bütün bunlar Naxçıvan MR-in rəhbəri cənab Vasif Talıbovun gərgin əməyinin məhsuludur. Mən fürsətdən istifadə edərək Naxçıvan MR-in yaradılmasının 90 illik yubileyi münasibətilə bütün Azərbaycan xalqını təbrik edirəm".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...