Bələdiyyələr qəbiristanlıqlarda qayda-qanun yarada biləcəklərmi?

Tarix: 07.04.2014 / 10:15
Bölmə: Gündəm

Qəbiristanlıqlar hər kəs üçün müqəddəs yerlərdən biri sayılır. Hər kəs əzizlərinin uyuduğu qəbirlərin təmiz, səliqəli olmasını istəyir. Amma bu gün respublikamızdakı əksər qəbiristanlıqlarla bağlı bunu demək olmaz. Bir çox qəbiristanlıqları ot-alaf basıb, ora mal-qara otlağına çevrilib. Milli Məclisin ötən iclasında qəbiristanlıqların qorunması işinin təkmilləşdirilməsi məsələsi müzakirə olunub.
Milli Məclisin Regional Məsələlər Komitəsinin üzvü Tahir Rzayev parlamentdə çıxış edərkən bildirib ki, qəbiristanlıqlara nəzarət işi bələdiyyələrə həvalə olunmalıdır. Deputat qeyd edib ki, bir neçə il əvvəl bələdiyyələrin səlahiyyətləri artırılarkən qəbiristanlıqlara nəzarət də onlara həvalə edildi. Bələdiyyələrə hətta imkansız ailələrə dəfn mərasiminin təşkilində kömək göstərmək kimi savab iş də tapşırıldı. Amma mövcud vəziyyət bələdiyyələrin bu işi tam yerinə yetirmədiyini göstərir. Millət vəkili bildirib ki, bəzi bələdiyyələr qəbiristanlıqlarla, habelə imkansız şəxslərin dəfn mərasimi ilə bağlı səlahiyyətlərini icra etsə də, əksər bələdiyyələrin bu işdən anlayışı yoxdur: "Əslində, bələdiyyələr qəbiristanlıqlara, orada qanunsuz torpaq satılması hallarına qarşı mübarizə aparmalıdır, bu işə nəzarət etməlidir. Amma bir məqamda da var ki, hazırda böyük şəhərlərdə bu məsələ icra orqanları tərəfindən tənzimlənir. Qəbiristanlıqlar onlar tərəfindən mühafizə olunur. Bəzi qəbiristanlıqlara isə hüquqi şəxslər tərəfindən nəzarət edilir. Amma rayonlarda bu məsələ ilə bələdiyyələr məşğul olur. Özü də rayon yerlərində bələdiyyələrin məşğul olduğu ərazilərdə vəziyyət paytaxta nisbətən daha yaxşıdır. Əlbəttə, yaxşı olardı ki, bütün ölkə ərazisində bu məsələ vahid qaydada tənzimlənsin".
T.Rzayev onu da əlavə edib ki, hazırda istər məzarların yerləşdirilməsi, istər qəbirüstü abidələrin hazırlanması və qoyulması qaydasında deyil. Xarici ölkələrdə isə bu məsələlərin son dərəcə normal tənzimləndiyinin şahidi oluruq. Məzarlar səliqə-sahmanla yerləşdirilib və eyni şəkildə qəbirüstü abidələr qoyulub. Bizdə isə vəfat edən şəxslərə yerlərin ayrılmasından tutmuş, abidələrin qoyulmasına qədər ayrı-seçkilik edilir. Bəzi şəxslər qəbiristanlığın nisbətən yaxşı, bəziləri nisbətən pis yerlərində dəfn olunur. Bəzən qəbir yerlərinə qiymət də qoyurlar. İnsanlar sadəlikdən, təmizlikdən çox dəbdəbəyə qaçırlar. İnsanlar böyük xərc çəkərək qəbirüstü abidə hazırlatdırır, amma onun qorunmasına önəm vermirlər".
Millət vəkilinin sözlərinə görə, bütün ölkə ərazisində qəbiristanlıqların mühafizə işinin bələdiyyələrə həvalə olunması daha yaxşı olardı: "Bu sahədə vahid qaydalar tətbiq olunmalıdır. Araşdırma aparılmalıdır və bələdiyyələrin bu işin öhdəsindən gələ bilmədiyi aşkarlanarsa, onda daha münasib təşkilata həvalə edilməlidir".
Azərbaycan Vətəndaş Cəmiyyətinin İnkişafına Yardım Assosiasiyasının bələdiyyə sahəsi üzrə eksperti Vüqar Tofiqli "Bakı-Xəbər"ə açıqlamasında qeyd etdi ki, qəbiristanlıqlara nəzarət işinin bələdiyyələrə həvalə olunması müsbət təklifdir. Ancaq burada maliyyə problemi mövcuddur: "Maliyyə vəsaiti olmasa, bələdiyyə qəbiristanlığın təhlükəsizliyini necə qoruyacaq? Qəbiristanlıqda mühafizə xidmətinin təşkil olunması üçün öncə maliyyə vəsaiti lazımdır. "Bələdiyyələrin səlahiyyəti haqqında" Qanunda qeyd olunur ki, dövlət hər hansı bir işin icrasını müvafiq icra hakimiyyətinə tapşırarsa, o iş üçün ayrılan vəsait bələdiyyənin büdcəsinə köçürülməlidir. Bələdiyyə də həmin vəsait hesabına tələb olunan işi icra edə bilsin".
Həmsöhbətimiz hesab edir ki, qəbiristanlıqların həm təhlükəsizliyi, həm də səliqəli saxlanması bələdiyyələrə həvalə olunmalıdır.

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...