"Toy karvanları"nın törətdiyi yol qəzalarına görə ağsaqqallar da sorumlu bilinir

Tarix: 07.04.2014 / 10:12
Bölmə: Gündəm

Bakı Şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi Vaqif Əsədov mətbuata açıqlamasında "toy karvanları"ndakı avtomobillərin törətdiyi qəzalara toxunub.
Onun sözlərinə görə, bu ilin ilk 3 ayı ərzində Bakıda "toy karvanları"ndakı nəqliyyat vasitələrinin iştirakı ilə 12 yol qəzası baş verib. Nəticədə 4 nəfər ölüb, 10 nəfər xəsarət alıb.
Bölmə rəisi onu da qeyd edib ki, 2013-cü ildə Bakıda "toy karvanları"ndakı avtomobillərin iştirakı ilə 47 yol-nəqliyyat hadisəsi qeydə alınıb. Nəticədə 9 nəfər ölüb, 32 nəfər xəsarət alıb. Onun sözlərinə görə, xüsusilə axşam saatlarında "toy karvanları"nda iştirak edən avtomobillər tərəfindən yolboyu səs siqnallarından lüzumsuz istifadə edilməsi, yolun hərəkət zolaqlarının tutulması, işıqforun qırmızı işığında dayanmadan hərəkət etməsi və digər neqativ hallar daha çox müşahidə edilir: "Belə neqativ hallar əhalinin narahatlığı və narazılığına səbəb olur. Ona görə də "toy karvanları"nda iştirak edən avtomobil sürücülərini bir daha ciddi nizam-intizama dəvət edir və xəbərdarlıq edirik ki, paytaxt ərazisində "toy karvanları"nda iştirak edən hər bir avtomobil hərəkət marşrutu boyu izlənəcək və kimliyindən asılı olmayaraq, qayda pozucuları qanunvericiliyin tələblərinə uyğun şəkildə cəzalanacaq. Xahiş edirik, bəy-gəlinin xoşbəxtliyinə qanqaraçılıq qatmasınlar və başqalarının bədbəxtliyinə gətirib çıxaran hadisələrə rəvac verməsinlər".
Ümumilikdə sözügedən problem dəfələrlə mətbuatda və o cümlədən, telekanallarda müzakirə obyekti olub. İnsafən, bunun təhlükəli tərəfləri barəsində bir neçə dəfə maarifləndirici xarakterli verilişlər efirdə, yazılar mətbuatda gedib. Ancaq müşahidələr göstərir ki, bu kimi hallar azalmır, əksinə, ilbəil çoxalır.
Maraqlıdır, vəziyyətdən çıxış yolunu ekspertlər nədə görür?
Sözügedən məsələni dəyərləndirən "Təhlükəsiz Yol" Alyansının koordinatoru Şahin Camalov hesab edir ki, problemi həll etmək elə də asan deyil: "Çünki müəyyən adət-ənənələr də sözügedən problemin yaranmasında rol oynayır. Məsələ ondadır ki, toyda bəyin yaxın qohumları, dostları yaxından iştirak edirlər. Bu yaxınlığı daha da göstərmək üçün avtomobili ilə "toy karvanları"nın içində olmağa çalışırlar. Digər tərəfdən, bir çox sahələrdə olduğu kimi, bu sahədə də ciddi mədəniyyətə ehtiyac var. Vətəndaşlar dərk etməlidir ki, "toy karvanları" qəza şəraiti yaradır. Ona görə də maksimum belə karvanlarda iştirakdan yayınmalıdırlar. Rol arxasında oturan hər bir kəs bunun fərqində olmalı və eyforiyaya qapanmamalıdır. Hesab edirəm ki, bunu inzibati yollarla həll etmək bir az çətin məsələdir. Çünki ortada olan toy mədəniyyəti və bundan qaynaqlanan müəyyən faktorlar buna mane olur. O üzdən, sadəcə, bu məsələdə yenə də maarifləndirməyə önəm verilməlidir ki, insanlar bunu dərk etsin. İnsanlar anlamalıdırlar ki, toy şən bir mərasim olsa da, bu cür hallar istənilən bədbəxt hadisənin baş verməsinə gətirib çıxara bilər. Çıxış yolu yenə də maarifləndirmə kampaniyasının aparılmasından keçir. Sözügedən məsələdə toyun ağsaqqalları da maksimum fəal olmalı və "toy karvanları"na qarşı çıxmalıdır".

DİGƏR XƏBƏRLƏR

Tarix: 02.07.2026 / 09:09

Bodrumda Kılıçdaroğluna “soyuq duş” - etiraz imza sayı 15 mini keçdi

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...