Fərhad Məmmədovun "nurçuları... axtarın" fikrinə baş redaktorlar reaksiya verdi

Tarix: 05.03.2014 / 10:52
Bölmə: Gündəm

Ölkədə nurçu təriqətinə mənsub şəxslərin bir sıra dövlət orqanlarında, Milli Məclisdə fəaliyyət göstərməsi ilə bağlı yayılan xəbərə verilən qəribə reaksiyalar diqqəti çəkir. Prezident yanında Strateji Araşdırmalar Mərkəzinin direktoru Fərhad Məmmədovun açıqlaması isə bu baxımdan daha maraqlı göründü. Mərkəzin direktoru bildirib ki, Azərbaycanda kim nurçuların izinə düşüb, onlarla əlaqədə olanları axtarmaq istəyirsə, ilk növbədə təhsil və hazırlıq kurslarının, tibb ocaqlarının və kütləvi informasiya vasitələrinin fəaliyyətinə xüsusi fikir verməlidir. Fərhad Məmmədov az qala deyir ki, bəzi təhsil və səhiyyə ocaqlarının, o cümlədən media qurumlarının rəhbərləri nurçudur. Bu ranqlı şəxsin belə açıqlaması kifayət qədər ciddi mətləblərdən xəbər verir və şok effekti yaradır. Əvvəla, kifayət qədər ciddi Mərkəzə rəhbərlik edən şəxsin nurçular siyahısında vəzifəli şəxslərin adı çəkildiyi bir vaxtda nədən təhsil müəssisələrində və ya KİV-də nurçu axtarması maraqlıdır. Məlumdur ki, bu məsələlərlə bağlı hər gün vacib sənədlər yayılır, nurçuların Azərbaycanda real təhlükəyə çevrilməsi barədə materiallar dərc olunur. Belə bir məqamda vacib bir Mərkəzə rəhbərlik edən şəxsin bu cür açıqlaması heç də təsadüfi sayıla bilməz. Bu cür həssas məqamda nurçuları ifşa etməkdə əsas gücə çevrilən mətbuatın özünü nurçuluqda suçlamaq ya qisasçılıq, ya da primitiv özünümüdafiə cəhdi kimi görünür. Hər kəsə məlumdur ki, indiki məqamda mətbuata qarşı kampaniyaya yalnız Fətullah Gülən tərəfdarları başlaya bilər. Mətbuatın bu kampaniyaya, dövlət içində dövlət yaratmaq istəyənlərə, ziyanlı işlərə bulaşanlara qarşı ciddi mübarizəyə başlaması dövlətçiliyimiz üçün olduqca önəmlidir. Fərhad Məmmədovun dediklərinə Azərbaycan mediası təmsilçilərinin münasibəti necədir? Doğrudanmı, nurçular bizim KİV-lərdə geniş şəbəkəyə malikdir? "Xalq Cəbhəsi" qəzetinin baş redaktoru Elçin Mirzəbəyli qəzetimizə açıqlamasında SAM rəhbərinin mövzu ilə bağlı tələsik reaksiyasından təəssüfləndiyini bildirdi: "SAM olduqca ciddi bir dövlət qurumudur. Onun fəaliyyət istiqamətindən ən başlıcası hökuməti gözlənilən təhlükələr barədə xəbərdar etməkdir. Onlar tərəfindən hazırlanan hesabatlar konkret faktlara və analitikaya söykənməlidir. Yanlış şayiələrə əsaslanaraq hansısa məlumatı yaymaq bu qurumun imicinə xələl gətirir. Fərhad Məmmədovda mətbuatda nurçu şəbəkənin olması ilə bağlı faktlar varsa, buyursun açıqlasın. Hər halda bizim üçün də maraqlı olardı. Mətbuatda çalışdığım dövrdən mən SAM rəhbərinin dediyinin əksini görmüşəm. Ölkənin dünyəvi quruluşunun qorunması yönündə mətbuatın fəaliyyəti hətta siyasi partiyalardan da kəskin olub. Hansısa jurnalistin fərdi şəkildə hansısa təriqətə simpatiya bəsləməsi ola bilər. Bu bir ehtimaldır. Baxmayaraq ki, məndə bu barədə də məlumat yoxdur. Ancaq mətbuatda nurçulardan ibarət şəbəkələşmənin olmasına inanmıram. Hər halda, SAM rəhbərinin bəyanatı konkret faktlara söykənsəydi, daha yaxşı olardı". "Kaspi" qəzetinin baş redaktoru Natiq Məmmədli isə qəzetimizə açıqlamasında bildirdi ki, Azərbaycan jurnalistikası çox geniş bir spektri əhatə etdiyi üçün o, SAM rəhbərinin jurnalistikaya ünvanladığı şəbəkələşmə ittihamına hamının adından cavab verə bilməz: "Ancaq hesab edirəm ki, bu cür ciddi qurumun rəhbəri faktlara əsaslanaraq danışmalıdır. Yox, buna məhəl qoymayaraq həddini aşma baş verirsə, demək, digər əlaqədər dövlət qurumları mütləq reaksiya verməlidir. Fikrimcə, SAM rəhbəri nurçularla bağlı ünvanı göstərərkən böyük yanlışlığa yol verib".

Məhəmmədəli QƏRİBLİ

DİGƏR XƏBƏRLƏR

Tarix: 02.07.2026 / 09:54

Avropa sentyabrdan uşaqların sosial şəbəkələrə girişini qadağan edəcək...

Tarix: 02.07.2026 / 09:09

Bodrumda Kılıçdaroğluna “soyuq duş” - etiraz imza sayı 15 mini keçdi

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...