FHN AXCP qərargahında dağıdıcı partlayışın əsl səbəbini açıqladı

Tarix: 05.03.2014 / 10:50
Bölmə: Gündəm

Nərimanov Rayon İcra Hakimiyyəti AXCP-nin qərargahının yerləşdiyi binanın və ona yaxın yaşayış sahələrinin boşaldılmasına aydınlıq gətirib. Nərimanov Rayon İcra Hakimiyyəti başçısının birinci müavini Şahmar İbadov APA-ya bildirib ki, srağagün Tələt Şıxəliyev 8 ünvanında yerləşən binanın zirzəmisində qaz balonundan yanğına keçən partlayış baş verib. Hadisə yerinə Fövqəladə Hallar Nazirliyinin və rayon İcra Hakimiyyətinin əməkdaşı gəlib, müvafiq araşdırmalar aparılıb. Ş.İbadov qeyd edib ki, həmin gün FHN-in Tikintidə Təhlükəsizliyə Nəzarət Dövlət Agentliyi tərəfindən rayon İcra Hakimiyyətinə telefonoqram daxil olub. Daxil olan telefonoqramda qeyd olunan binanın yararsız vəziyyətə düşməsi səbəbindən ərazidə olan yaşayış və qeyri-yaşayış sahələrinin boşadılması tapşırılıb: "Rayon İcra Hakimiyyəti başçısının sərəncamı ilə qeyd olunan ərazidə yaşayan üç ailə köçürülür, həmin ailələrə üç aylıq kirayə pulu ödəniləcək. Həmin ailələr dövlət tərəfindən tikilən binalarda mənzillə təmin ediləcək". Fövqəladə Hallar Nazirliyi də AXCP-nin qərargahının yerləşdiyi binada baş verən partlayışla bağlı məlumat yayıb. APA-nın nazirliyin saytına istinadən verdiyi məlumata görə, 03 mart 2014-cü il tarixdə saat 04 radələrində Bakı şəhəri, Nərimanov rayonu T.Şıxəliyev küçəsi 8 ünvanında yerləşən qeyri-yaşayış sahəsində yanğınla müşayiət olunan partlayış baş verib, nəticədə qeyri-yaşayış sahəsi içərisində olan əşyalarla birlikdə partlayışın və yanğının təsirinə məruz qalıb. Baş vermiş hadisə ilə əlaqədar Əməliyyat-İstintaq İdarəsinin istintaq qrupunun üzvləri tərəfindən Ədliyyə Nazirliyi Məhkəmə Ekspertizası Mərkəzinin ekspertlərinin iştirakı ilə hadisə yerinə baxış keçirilib, foto və video çəkilişlər aparılıb, hadisə yerinin sxemi tərtib olunub, sənədlər götürülüb. İlkin araşdırma ilə müəyyən edilib ki, qeyri-yaşayış sahəsi binanın zirzəmi hissəsində yerləşməklə ümumi sahəsi 177.3 kv/metrdir. Qeyri-yaşayış sahəsi əvvəllər "Araz" kooperativ təmir sexinin təsisçisi Yusibov Yusib Mehdi oğlu tərəfindən Mənzil İstismar Sahəsindən icarəyə götürülüb, 2008-ci ildə isə özəlləşdirilib. Y Yusibov aralarında bağlanmış müqavilə əsasında 2010-cu ildə qeyri-yaşayış sahəsinin 53.9 kv metr hissəsini Babayev Kamran Emil oğluna, 70.4 kv/metr hissəsini isə Yusifov Əfəndi Yusif oğluna kafel və metlax üzlüklərinin saxlanması üçün, 2012-ci ildə 3 kv/m hissəsini Muradov Samir Vəliyəddin oğluna bərbərxana, 9 kv/metr sahəni isə Qəhrəmanov Elşən Rahil oğluna evlərin alqı-satqısı ofisi kimi icarəyə verib. Hadisə yerinə keçirilmiş baxışla müəyyən edilib ki, icarəyə verilən sahələr partlayışın və yanğının təsirinə məruz qalıb, otaqlar arasındakı arakəsmə divarlar uçub. Hadisə yerinə ilkin baxış zamanı biri tam dağılmış, digəri isə yanğının təsirinə məruz qalmış 2 ədəd propan qaz balonu aşkar edilib, təmizləmə işləri aparılmaqla hadisə yerinə baxışın keçirilməsi davam etdirildiyi zaman isə qeyri-yaşayış sahəsinin alqı-satqı üçün icarəyə götürülmüş hissəsində, qapıdan sol tərəfdə olan yanğından sonrakı qalıqların arasından masa üstü tipli bir gözlü qaz plitəsi, ona qoşulmuş rezin qaz borusu, rezin qaz borusunun əlavə hissəsi, otağın təxminən orta hissəsində qaz balonunun parçalanmış gövdəsinin bir hissəsi, qapı ilə üzbəüz olan divarın yanında qaz balonunun gövdəsinin altlığı və qaz plitəsinin üzərinə qoyulan metal barmaqlıq, eləcə də müxtəlif növ elektrik naqilləri, üçlüklər və bir ədəd elektrik açarı aşkar olunaraq götürülüb. Baxış zamanı qeyri-yaşayış sahəsinin alqı-satqı ofisi kimi icarəyə götürülmüş otağının arakəsmə divarlarının dağılma və uçma əlamətlərinə əsasən, partlayışın (yanğının) mənbə zonasının məhz həmin otağın içərisində yerləşməsi müəyyən edilib. Həmin otağın içərisində qaz balonlarının və üzərində rezin boru birləşməsinin olduğu qaz avadanlığının aşkar edilməsi, həmçinin onların üzərində dağılma və parçalanma izlərinin mövcud olması partlayışın məhz həmin qaz avadanlıqlarından düzgün istismar edilməməsi nəticəsində baş verməsinə xarakterikdir. Baş vermiş partlayış hadisəsi ilə əlaqədar məhkəmə yanğın-texniki, məhkəmə ballistik, məhkəmə kimyəvi, məhkəmə tikinti-texniki və məhkəmə əmtəəşünaslıq ekspertizaları təyin edilib. Hazırda hadisə ilə əlaqədar araşdırma davam etdirilir.

DİGƏR XƏBƏRLƏR

Tarix: 02.07.2026 / 09:54

Avropa sentyabrdan uşaqların sosial şəbəkələrə girişini qadağan edəcək...

Tarix: 02.07.2026 / 09:09

Bodrumda Kılıçdaroğluna “soyuq duş” - etiraz imza sayı 15 mini keçdi

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...