Suriyada öldürülən azərbaycanlıların valideynləri danışdı

Tarix: 03.04.2014 / 09:43
Bölmə: Gündəm

Bir neçə gün əvvəl Suriyada öldürülən Sumqayıt şəhər sakini Ceyhun Bayramovun atası Süleyman Bayramov BBC Azərbaycancaya maraqlı müsahibə verib. Süleyman Bayramov deyir ki, oğlu 2012-ci ilin avqust ayında ölkəni tərk edib: "Ceyhun deyirdi ki, müsəlmanlar bir-birinə dayaq olmalıdır və ora cihad məqsədilə getmişdi.
Avqustun 19-dan evdən bayram namazına gedirəm deyə çıxdı və iki gün sonra zəng elədi ki, Türkiyədəyəm, işləyirəm. İki ay sonra Suriya nömrəsi ilə bizimlə əlaqə saxladı və bildim ki, ordadır".
S.Bayramov deyir ki, əsgəri xidmətini çəkmək üçün Ceyhuna göndəriş gələn zaman onun ölkədə olmadığını bilən hüquq-mühafizə orqanları barəsində beynəlxalq axtarış veriblər: "Ölüm xəbərini martın 22-də aldıq. Gecə bacısı bizlə skaypla əlaqə yaratdı və dedi ki, kürəkənim də, Ceyhun da şəhid olub. Mənim aldığım məlumata görə, kürdlərlə döyüşdə öldürülüblər və meyitlərini döyüş bölgəsindən çıxara bilməyiblər".
O deyir ki, oğlunun məscidə tez-tez getməsinin qarşısını almaq istəyib. "5-6 ay qabaq narahat olmağa başlamışdım. Mən çox çalışdım, amma onu bu yoldan döndərməyi bacarmadım", - ata Bayramov deyir.
Xatırdadaq ki, İdman Akademiyasının 3-cü kurs tələbəsi olan Ceyhun Bayramov 2009-cu ildə Yunan-Roma güləşi üzrə Azərbaycan çempionu olub. S.Bayramov deyir ki, oğlu son vaxtlar çempionatlarda iştirak edəndə əvvəlki kimi fəallıq göstərmirdi: "Yəqin ki, oranın rejimi bunu qəbul etmirdi. Uşaqlıqdan möhürlə namaz qılırdı, amma son vaxtlar möhürsüz namaza başladı".
Ata Bayramov danışır ki, Ceyhunun ardınca iki ay sonra kürəkəni də Suriyaya yola düşüb: "Mən belə başa düşürəm ki, bunlar danışıblar. Yəqin Aydına deyib ki, siz ailəlisiz, mən subayam. Məşqə gedəndə müəllimi onun dostlarını idman zalına buraxmırdı, deyirdi birdən digər uşaqlar da təsir altına düşər".
Ötən ilin may ayında oğlunu görmək üçün Suriyaya gedən ata deyir ki, övladını Azərbaycana qayıtmağa razı sala bilməyib: "Onunla görüşmək üçün Suriyaya getdim. Ceyhun orda şəriət qanunlarına riayət olunmasına nəzarət edirdi, silahını da gördüm. Döyüşlərdə iştirak etməsi barədə heç nə görmədim. Nə qədər yalvarsam da, mənə dedi ki, axirətimi qazanmaq üçün bura gəlmişəm, ata... "
Bu arada, ötən gün Suriyada ölüm xəbəri yayılan daha bir azərbaycanlının kimliyi müəyyənləşib. Ölüm xəbəri yayılan "Həsən Azəri" ləqəbli Azərbaycan vətəndaşının anası Zümrüd Məmmədova APA-ya bildirib ki, oğlu Məmmədov Həsən Mikayıl oğlu 1977-ci ildə Bakı şəhərində anadan olub. Anası oğlunun Suriyada həlak olması barədə məlumatı APA-dan oxuduğunu deyib: "Şəklini görən kimi tanıdım. Bu mənim oğlum Həsəndir. Onun ölümünə inanmıram. Kaş bu məlumat yalan olaydı".
Z.Məmmədova qeyd edib ki, H. Məmmədov iki il əvvəl heç kimə xəbər vermədən ölkədən gedib: "Hara getdiyini bilmirdik. O vaxt bu barədə Xətai Rayon Polis İdarəsinin 34-cü Polis Bölməsinə məlumat verdik. Araşdırdılar, məlum oldu ki, Həsən Astara rayonu ərazisindən İrana keçib. Lakin bir müddət sonra oğlum evə zəng edərək Əfqanıstanda olduğunu dedi. Nə qədər çalışsaq da, onu geri qaytara bilmədik. Hər dəfə danışanda ora şəhid olmaq üçün getdiyini deyirdi. Bizi isə buna qarşı çıxdığımız üçün kafir adlandırırdı".
Anasının dediyinə görə, oğlu ilə sonuncu dəfə ötən ilin iyulunda danışıb: "Həsənin həyat yoldaşı və üç övladı var. Gedəndə onları da özü ilə aparmaq istədi, lakin ailəsi getmədi. Ötən ilin iyulunda evə zəng etmişdi. Yenə qayıtmasını tələb etdik, bizi eşitmədi".
Z.Məmmədova oğlunun radikal dini qruplaşmalara bir neçə il əvvəl qoşulduğunu deyib: "Biz şiə təriqətinin nümayəndələriyik. Bir neçə il əvvəl Həsənin saqqal saxlayan dindarlara qoşulduğunu eşitdim. Onun başını doldurub yoldan çıxarmışdılar. Çox çalışdım, lakin onu bu yoldan döndərə bilmədim".
Z.Məmmədova sonda oğlunun taleyinə aydınlıq gətirilməsini istəyib: "Hüquq-mühafizə orqanlarından, həmçinin mətbuat nümayəndələrindən xahiş edirəm, oğlumun taleyinə aydınlıq gətirsinlər. Övladımın taleyindən çox narahatam".
Qeyd edək ki, Suriyada vəziyyət gərginləşəndən sonra bir qrup Azərbaycan vətəndaşı bu ölkəyə gedərək müxtəlif qruplaşmaların tərkibində vuruşmağa başlayıb. Ötən müddət ərzində həmin döyüşlərdə 100-dən çox azərbaycanlı öldürülüb. Onların bir çoxunun fotosu mücahidlər tərəfindən sosial şəbəkələrdə yayılıb.

DİGƏR XƏBƏRLƏR

Tarix: 02.07.2026 / 09:54

Avropa sentyabrdan uşaqların sosial şəbəkələrə girişini qadağan edəcək...

Tarix: 02.07.2026 / 09:09

Bodrumda Kılıçdaroğluna “soyuq duş” - etiraz imza sayı 15 mini keçdi

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...