Hansı yollarlasa Qarabağdan qaçıb canını cəzadan müvəqqəti qurtarmış, qondarma rejimin keçmiş "dövlət naziri" deyilən Artak Beqlaryan adlı birisi hələ üstəlik ultimatum xarakterli bəyanatlar da verir. Qorxudan özü qayıda bilmir, Qarabağdan getmiş ermənilərin nəyin bahasına olsa da, qaytarılmasından dəm vurur.
Bunu “Bakı-Xəbər” Media Qrupunun rəhbəri, politoloq Aydın Quliyev öz Facebook səhifəsində yazıb.
A.Quliyev daha sonra yazır:
- Ancaq diqqət çəkən bir şey deyib. Deyir ki, indi Qarabağda maksimum 40 nəfər "Arsax vətəndaşı" qalıb ki, onların da bir çoxu etnik erməni yox, Rusiya mənşəlidir. Yəqin ki, onların etnik ruslar olduqlarını nəzərdə tutur. Əslində onlara vətəndaş yox, "xunta təbəəsi" demək daha doğru olardı, çünki "Arsax" heç vaxt dövlət olammadı və ola da bilməyəcək...
1. BMT missiyasının Qarabağda minədək erməninin qaldığını deməsindən sonra Beqlaryanın yalan informatorluğuna şübhə yeri qalmamalıdır.
2. Beqlaryanın dəstə başçıları iddia etmirdilər ki, Vətən müharibəsindən sonra orada 120 min erməni qalıb?! İndi demirlər ki, 100 min 632 nəfər ermənini Azərbaycan antiterror tədbirindən sonra "zorla deportasiya" edib?! Bu məntiqlə Qarabağda 20 minə yaxın erməni qalmırmı?! Bu 40 nəfər erməni nə deməkdir?
3. Beqlaryan bu yalanı elə-belə uydurmur. Məqsədi bu gün Azərbaycanın Qarabağda həyata keçirdiyi genişmiqyaslı reinteqrasiyanın əhəmiyyətini kiçiltməkdir. Məlumdur ki, Xankəndidə və ətraf yerlərdə sosial, iqtisadi, bərpa, məşğulluq, təhlükəsizlik, tibbi, xilasetmə, asayiş yönümlü böyük işlər gedir. Bu işlər 30-40 erməniyə yox, minlərlə erməniyə hesablanmış miqyasda aparılır. Beqlaryan isə öz yalanı ilə demək istəyir ki, "dünya, inanmayın, orada cəmi 40 erməni qalıb və görülən tədbirlər də ancaq bu 40 erməniyə hesablanıb, vəssalam"...
4. Beqlaryan xuntanın süqutundan sonra sübut etmək istəyir ki, Xankəndidə guya cəmi 40 nəfərdən başqa bütün ermənilər xuntanın tərəfində imişlər.
Keçməz, Beqleç...
Tahir TAĞIYEV
