Sentyabrın 25-də gecə Xankəndi şəhəri yaxınlığında yanacaqdoldurma məntəqəsində partlayış baş verib. Azərbaycan Respublikası Prezidentinin Administrasiyasından verilən məlumata görə, hadisə nəticəsində çoxlu sayda ölən və yaralananlar olub.
Bununla əlaqədar yaralanan şəxslərə yardım məqsədilə ilkin olaraq 200 nəfərin müalicəsi üçün yanığa qarşı tibbi ləvazimatlar, sarğı materialları, əlcəklər, dərman preparatları (spreylər, kremlər, ağrıkəsicilər, antibiotiklər və s.) daşıyan təcili tibbi yardım maşını Ağdam-Əsgəran-Xankəndi yolu vasitəsilə yola salınıb.
Qeyd edək ki, Azərbaycan hökuməti Xankəndidəki partlayışla bağlı yardımlar göndərib və göndərməyi də davam edəcək.
Artıq qanunsuz xuntanın leqal yox, terror fəaliyyətinə keçdiyini söyləmək olarmı? Nəzərə alsaq ki, terror ermənilərin mahiyyətində var, bu baxımdan ola bilərmi belə addımlarla oradakı erməni əhalisini xofa salmaq istəyirlər ki, reinteqrasiyadan çəkinsinlər, hamısı Ermənistana qaçsın? Sonra da desinlər ki, Qarabağ terror mənbəyidir, birgə yaşayış mümkün deyil. Bütün məsuliyyəti də bizim üstümüzə atsınlar. Bu hal mümkündürmü?
“Erməni əhalisini qorxutmaq, reinteqrasiyadan çəkindirmək üçün yenə də terror törədə bilərlər”
“Azad Vətən” Partiyasının sədri Akif Nağı “Bakı-Xəbər”ə şərhində “Bu halın əhalini qorxutmaq üçün qanunsuz xunta tör-töküntüləri tərəfindən həyata keçirilməsi tam mümkündür. Bunu ehtimal etmək olar. Yəni onlar çıxılmaz vəziyyətdədirlər, nə qala, nə də gedə bilirlər. Məsuliyyət də, günah da onların üzərinə düşür. 30 il müddətində Azərbaycan xalqına qarşı törətdikləri terror cinayətlərinin nəticələrini görürlər. Bunlar elə bilirdilər ki, Azərbaycan hər şeyə dözəcək, dünya onları müdafiə edəcək, Azərbaycan torpaqlarını zəbt edəcəklər. Amma Azərbaycan xalqı özündə güc-qüvvət tapdı, ortaya iradə qoydu, Azərbaycan rəhbərliyi düzgün daxili və xarici siyasət yürütdü, nəticədə torpaqlarımız işğaldan azad olundu. İndi onlar o cinayətlərə görə peşmançılıq və qorxu içindədirlər. Onların xeyli bir hissəsi Qarabağdan Ermənistan ərazinə axın edir. Çoxu məsuliyyətdən qorxur. Əksəriyyətinin əli Azərbaycan xalıqının qanına batıb. Yəqin ki, onlar bundan sonra da bu cür terror hadisələri törədəcəklər. Ermənilər tarixən terrora meylli toplum olub”-deyə bildirdi.
XIX əsrin ortalarından Avropada dünya miqyasında ilk böyük terror aktlarını ermənilərin törətdiyini deyən A.Nağı qeyd etdi ki, bu terrorları o zaman “Daşnaksütyun” terror qruplaşması həyata keçirib. 1977-ci ildə SSRİ-də, o cür totalitar bir rejimdə ilk dəfə terror aktını ermənilər törədib deyən A.Nağının sözlərinə görə, terrorçuluq onların canındadır. “Terror zəiflik əlamətidir. Üzbəüz dayanbıb mübarizə apara bilmir, ona görə terrora əl atır. Bu səbəbdən də Xankəndi yaxınlığında yanacaqdoldurma məntəsinin partladılması böyük ehtimalla erməni terror qruplarının işidir. Onlar erməni əhalisini qorxutmaq, reinteqrasiyadan çəkindirmək üçün yenə də terror törədə bilərlər. Terrorçu kəsimi müəyyən cinayətlər törədib onu Azərbaycanın üzərinə də yıxmaq istəyər. Çox təhlükəlidirlər. Bu quldurlar qadınları, uşaqları öldürə və Azərbaycanın üzərinə yıxa bilərlər. Bu onların apardığı “mübarizə üsulları”dır. Başqa cür bacarmırlar”-deyə A.Nağı qeyd etdi.
A.Nağı bildirdi ki, Azərbaycan bu hallara qarşı ehtiyatlı olmalıdır. A.Nağının sözlərinə görə, bu bir neçə gün əvvəl baş versəydi daha ciddi fəlakətə səbəb olardı, heç onlara dərman, başqa yardım da çatdırmaq mümkün olmazdı, amma bu gün Azərbaycan onlara hərtərəfli yardım göstərdi və bütün imkanları ilə erməni əhalinin yanında olduğunu nümayiş etdirdi. “Bu gün Azərbaycan o fəlakətin nəticəsinin aradan qaldırılması üşün çalışır. Hər cür kömək edir. Bu, Azərbaycanın sivil və operativ şəkildə məsələyə müdaxilə imkanlarını, humanistliyini göstərir...”-deyə qeyd edən A.Nağı əlavə etdi ki, Azərbaycan baş verənlərlə bağlı ciddi tədqiqat aparmalıdır, hadisənin necə baş verdiyini araşdırmalıdır. “Çox böyük ehtimalla, o hadisənin kökü gedib erməni terror qruplarına çıxacaq. Bu məsələ faktlarla beynəlxalq təşkilatlar qarşısında ortaya qoymalıdır ki, onlar həqiqəti bilsin və ermənilər Azərbaycana qarşı yalan təbliğatlarını apara bilməsinlər”-deyə A.Nağı qeyd etdi.
İradə SARIYEVA
