Necə? Cənubi Azərbaycanda " Bakurakert" erməni şəhəri, bu lap ağ oldu...
Hayların əsassız ərazi iddialarına uydurma “Bakurakert”in də aid olduğu məlumdur. Son dövrlərə qədər onlar Quzey Azərbaycanın paytaxtı Bakı şəhərini bu saxta adla adlandırırdılarsa, indi də iddia edirlər ki, guya “Bakurakert” Cənubi Azərbaycanın Urmiya bölgəsində “mövcud” imiş. Haylar bilmir Bakını, yoxsa Urmiyadakı qondarma şəhəri “Bakurakert” adlandırsınlar, amma hər yerə əl atırlar, harda tutdu-tutdu.
Haylar rus dilində yeni vikipediya məqaləsi yaradıblar və orada iddia edirlər ki, guya Cənubi Azərbaycanda bunların "Bakurakert" adlı "qədim" şəhərləri olub. Guya "Böyük Ermənistan"a daxil olan bu "şəhər" Urmiya gölünün şimal-şərqində “yerləşib”. Guya bu, “tarixi Vaspurakan bölgəsi”ndə (Mərənd) “şəhər” olub. “V əsrdə şəhər Qafqaz Albaniyasının nəzarətinə keçmiş, Səlcuq türklərinin istilası ilə tutulmuşdur"-deyə haylar iddia edirlər. Guya bir sıra “tədqiqatçıların” fikrincə, “Bakurakert, ehtimal ki, Böyük Ermənistan kralı I Trdat tərəfindən qardaşı I Bakurın şərəfinə tikilmişdir”. Guya “Bakurakert” “şəhəri” “Ermənistan kralı” I Bakurun adını “daşıyır”. Haylar o qədər uydurmalar ortaya atırlar ki, adamın qanı quruyur. Hayların sayı dünyada nə qədərdir ki, hansı daşı qaldırırsan altından hay “çıxır”? Bunlar özləri barədə elə mif uydurublar ki, ona sadəcə lağla, ironiya ilə yanaşmaq lazım gəlir. Heç dünyanın böyük mədəniyyət yaradan, böyük dövlətçilik irsi olan xalqlarının belə bir iddiası yoxdur, amma hayların əsassız iddiaları bitib-tükənmir. Cənubi Azərbaycanın qədim Urmiya bölgəsində hansısa bir “hay şəhəri”nin olduğunu iddia etmək sadəcə dəlilikdir. Nə Cənubi, nə Şimali Azərbaycanda, bütövlükdə Azərbaycan torpağında hay izi yoxdur. Onlar bizim torpaqlara çox sonradan gəliblər. Məlumdur və bütün dünya bilir ki, Urmiya gölünün ətrafında qədim türklər yaşayıb və o ərazilər türklərə aiddir, bu ərazidə həm də ilk qədim dövlətlərimizin təməli atılıb.
Tarixdə Bakurakert adlı şəhər olduğunu, lakin onun haylara heç bir aidiyyatı olmadığını yazan filologiya elmləri doktoru İlhami Cəfərsoy qeyd edir ki, Bakurakert türk şəhəridir.
Onun bildirdiyinə görə, Eyvazyan soyadlı bir erməni yazır ki, Bakurakert “erməni şəhəridir”. “Əksinə, Bakur Türk nəsli, Bakurakert türklərin şəhəridir. Bunu ermənilər dansalar da, yəhudi mənşəli köhnə nəsil gürcü mətnşünasları təsdiq edirlər. Yazırlar ki, Bakur elitar Türk nəslidir. Onlar eranın əvvəlində Türküstandan gəlib Qafqazın xırda xalqları üzərində hökmran olublar. Bakur nəslindən l və ll Bakur İveriyanın çarı idi. Ermənilər Bakur nəslindən olan elm və din xadimlərini Bakuretsi, gürcülər Bakuriani adlandırırlar. Bakur silah adıdır. Qaraçay və balkarlar qırmızı misdən hazırlanan qalxana, xəncərə bakur deyirdilər. Buna uyğun olaraq Azərbaycan dilində paxır sözü vardır. Qazanın qalayı gedib altında qırmızı misi görünəndə deyirik qazan paxır olub. Kert də erməni sözü deyildir, Türk sözüdür. İri sal daşlar yonulub kərtilir, çərtilir üst-üstə qoyularaq divarlar hörülürdü. Ona görə də ətrafına divar çəkilən şəhərlərə kert deyilir…”
- “Cənubi Azərbaycanın Urmiya ərazisində ermənilərin heç bir şəhəri olmayıb”
AMEA-nın Qafqazşünaslıq İnstitutunun Qafqaz tarixi şöbəsinin müdiri, professor Qasım Hacıyev də “Bakı-Xəbər”ə ermənilərin iddiasının cəfəngiyat olduğunu bildirdi: “Dünyada elə qədim mədəniyyət, elə tarixi şəhər, əyalət yoxdur ki, ermənilər oranı erməniləşdirməsin. Bu toplum tarixdə heç nəyi olduğu kimi qəbul edə bilmir, gərək saxtalaşdırsın, sonra isə onu öz adına qələmə versin. Ermənilərin “Bakurakert” uydurması illərdir mövcuddur və bunun heç bir əsası yoxdur. Azərbaycanın heç bir ərazisində tarixən ermənilər yaşamayıb. Cənubi Azərbaycanın Urmiya ərazisində ermənilərin heç bir şəhəri olmayıb. Burada tarixən Azərbaycan türkləri yaşayıb, bu gün də ora türk yurdu olaraq tanınır. Erməni alimləri o qədər saxtakarlıq ediblər ki, indi özləri o yalanlardan xilas ola bilmirlər”.
Q.Hacıyev əlavə etdi ki, ermənilər bu gülünc iddialarla bütün dünyanı özlərinə güldürürlər. Artıq dünyada ermənilərə qeyri-ciddi toplum kimi baxıldığını deyən Q.Hacıyevin sözlərinə görə, onlar o qədər saxtakarlığa alışıblar ki, hətta Nuh Nəbini və İsa peyğəmbəri də “erməni” hesab edirlər.
İradə SARIYEVA
