Azərbaycana ilk dəfə gələn hindistanlı teatr xadimi "...Azərbaycanı tanımırdım" sözlərindən sonra nələr dedi?

Tarix: 05.11.2014 / 06:25
Bölmə: Mədəniyyət

Bakı iki gün III Beynəlxalq Teatr Forumuna ev sahibliyi edəcək

"Edinburq" festivalı da olacaqmı?

140 ildən artıq bir zaman keçdikdən sonra Azərbaycan teatrı dünya teatr evinin sakinlərindən biri olduğunu nəhayət ki, təsdiqlədi. Artıq milli teatrlarımız beynəlxalq aləmdə öz zəngin mənzərəsi ilə görünməkdədir. O da faktdır ki, dünyanın inkişaf etmiş teatrları ilə müqayisədə bizim teatrlar cavandır. Görkəmli rejissor, professor, Teatr Xadimləri İttifaqının sədri Azər Paşa Nemət Azərbaycan teatrları ilə xarici ölkə teatrlarını müqayisə edərək haqlı olaraq deyir ki, bizim teatrın 142, başqa dövlətlərin teatrlarının isə 2, 3, 4 min il yaşı var.
Əlbəttə, gənc teatrların yüzillər uzunu təcrübə qazanan teatrla müqayisə edilməsi bir qədər doğru deyil. Bütün bunların fonunda Azərbaycan teatrı inteqrasiyaya hazırdır və artıq öz işini bu istiqamətdə qurub. Sonuncu fikir noyabrın 4-də Azərbaycan Respublikası Mədəniyyət və Turizm Nazirliyinin Azərbaycan Dövlət Musiqili Komediya Teatrında keçirilən III Bakı Beynəlxalq Teatr Forumunun açılışından öncə keçirilən mətbuat konfransında səsləndirildi.

Foruma bütün qitələrdən nümayəndə gəlib

Mətbuat konfransını mədəniyyət və turizm nazirinin müavini, tanınmış teatrşünas, professor Ədalət Vəliyev açaraq qonaqları və mətbuat təmsilçilərini salamladı və bildirdi ki, noyabrın 5-də start götürəcək Forum "Multikultralizmin universal dəyərlər sistemində yeri" adlanır.
Ədalət Vəliyev bildirdi ki, son 10 ildə Azərbaycanda yalnız teatr sahəsində deyil, bütün sahələrdə müsbət köklü dəyişikliklər, böyük inkişaf baş verib. Onun sözlərinə görə, noyabrın 5 və 6-da Bakıda öz işinə başlayan III Bakı Beynəlxalq Teatr Forumundan böyük nəticələr gözlənir və bu, böyük bir teatr hadisəsi kimi yadda qalacaq. Ə.Vəliyev mətbuat konfransında media mənsubları qarşısına çıxan qonaqları da bizə təqdim etdi. Azər Paşa Nemət, tanınmış teatr rəssamı, ABŞ-da yaşayan İosif Yusupov, Litva Musiqili Komediya Akademiyasının milli orkestr rəhbəri Deyvidas Staponkis və Beynəlxalq Uşaq Teatrı Festivalının direktoru, hindistanlı xanım Ayşa Rau jurnalistlərin suallarını cavablandırdı.
Ədalət müəllim bildirdi ki, İosif Yusupov uzaq 80-ci illərdə Bakıda Səməd Vurğun adına Rus Dram Teatrında bir neçə tamaşaya quruluş verib. Ədalət Vəliyevin sözlərinə görə, artıq üçüncü dəfədir keçirilən Beynəlxalq Teatr Forumuna qatılan ölkələrin sayı artır. Belə ki, builki Foruma 47-yə qədər ölkədən dünyanın 150-yə yaxın tanınmış teatr xadimi, teatrşünaslar, beynəlxalq teatr qurumlarının rəhbərləri, rejissorlar, teatr rəssamları, bir sözlə, teatra aidiyyəti olan nüfuzlu insanlar qatılıb. Onun sözlərinə görə, noyabrın 1-dən başlayaraq artıq qonaqlar paytaxtımıza gəlməyə başlayıb. Dünyanın bütün qitələrindən teatr bilicilərinin toplaşdığı Forumda əsas müzakirə edilən mövzu qloballaşan dünyada mədəniyyət dili ilə ortaq məxrəcə gəlmək və teatrlar arasında inteqrasiyaya nail olmağın yollarıdır":Forumda təxminən 45-46 məruzə dinlənəcək. Qloballaşma dövründə teatra gələn və teatrdan gedən yollar haqda danışılacaq. Bundan başqa, Forum çərçivəsində treninqlər keçiriləcək, bizim gənc teatr nümayəndələri üçün master-klasslar veriləcək. Dünya teatrında gedən proseslər geniş müzakirə olunacaq. Bundan başqa, bütün teatr və konsert məkanları, muzeylər qonaqların üzünə açıqdır. Onlar istədikləri teatrda tamaşaya baxa biləcək, muzeyləri rahat şəkildə seyr edəcək. Bunun üçün bütün şərait yaradılıb. İndi qloballaşma çağıdır. Bizim dünya teatrlarından öyrənmək ehtiyacımız var, onlardan yaxşı olanları götürmək arzusundayıq. Teatrların bir-biri ilə əlaqəsi, bir-birinə inteqrasiya etməsi vacibdir. Multikultralizm universal dəyərlər sisteminin Azərbaycan teatrındakı yeri nədən ibarətdir kimi məsələlərə də yer ayrılacaq".

"Foruma dəvət alana qədər Azərbaycanı tanımırdım"

Жurnalistlər mətbuat konfransında iştirak edən rəsmi təmsilçilərə suallarını verdilər. Tədbirdə "konkret problemlər müzakirə ediləcəkmi" sualına Ədalət Vəliyev cavab olaraq bildirdi ki, onların da məqsədi elə budur-teatrın bütün problemlərinə aydınlıq gətirmək.
"Bakı-Xəbər" qəzetinin sualı Ayşa Rauya oldu:
- Xanım Ayşa Rau, siz Hindistanda Beynəlxalq Uşaq Teatrı Festivalının direktorusunuz və işinizin əsas hissəsi bu sahə ilə bağlıdır. Azərbaycanda da həm uşaq teatrları, həm də kukla teatrları mövcuddur. Sizin burada master-klass keçmək fikriniz varmı? Ümumiyyətlə, bu teatrlarla tanışsınızmı?
Ayşa Rau":Bu mənim sizin ölkənizə ilk səfərimdir. Təəssüratım genişdir. Bakı xoşuma gəldi, gözəl şəhərdir, burada əhval-ruhiyyə pozitivdir, müsbət enerji aldım. III Bakı Beynəlxalq Teatr Forumuna dəvət alana qədər Azərbaycanı tanımırdım. İndi tanıdım, tanıdığıma çox şadam. Azərbaycanı hindistanlı uşaqlar da tanımır, amma çox istəyirəm ki, onlar da bu ölkəni tanısın. Sizin sualınıza gəlincə, deyərdim ki, teatr universal bir sahədir və heç bir dili bilmədən də tamaşanı anlamaq olar. Bu, aktyor oyunundan asılıdır. Mən də nə Azərbaycan, nə də rus dilini bilirəm, amma aktyor oyunundan, onun emosiyasından onu başa düşürəm. Biz Cənubi Hindistanda Beynəlxalq Uşaq Teatr Festivalına ev sahibliyi edirik. Çox istəyirəm ki, Azərbaycan teatrları da bu festivala qatılsın və dəvət edəcəyəm. Məqsədim teatrlarınızı görmək və onları festivala dəvət etməkdir. Azərbaycan və Hindistan teatrları arasında əməkdaşlıq əlaqəsi də yarana bilər".
Mətbuat konfransında İ.Yusupov da çıxış edərək vurğunu olduğu Bakı haqqında xoş təəssüratlarını bölüşdü, şəhərimizin belə gözəl və möhtəşəm olduğunu müsbət qarşıladığını bildirdi. Azərbaycan teatr mühitinə bələd olduğunu qeyd edən qonaq teatrımızın indiki vəziyyətindən razılıq etdi.
Жurnalistlər "bu artıq üçüncü forumdur, keçən tədbirlərdən nə əldə edilib? Forum çərçivəsində müştərək layihələr həyata keçirilibmi?" deyə suallar ünvanladılar. Suala mədəniyyət və turizm nazirinin müavini Ədalət Vəliyev aydınlıq gətirərək bildirdi ki, nəticələr ürəkaçandır. O bildirdi ki, hər bir keçirilən tədbirin, yığıncağın mütləq bir nəticəsi olmalıdır. Onun sözlərinə görə, son 4 il ərzində xeyli işlər görülüb. Azərbaycan Teatrı Beynəlxalq Təşkilata üzv olub. Gənc Tamaşaçılar Teatrı Beynəlxalq Gənc Tamaşaçılar Liqasına üzv seçilib, Kukla Teatrı Beynəlxalq Kukla Teatrları Təşkilatına üzv olub. Uğurların saysız olduğunu deyən nazir müavini onu da qeyd etdi ki, bundan əvvəl keçirilən iki forumdan sonra xarici rejissorlar Azərbaycan teatrlarında tamaşalar hazırlayıb, master klasslar, treninqlər keçib, 6-7 gənc rejissor qısa və uzunmüddətli təcrübə keçmək üçün xarici ölkələrə göndərilib. Görülən işlər sırasında Azərbaycanın klassik dramaturqlarının əsərlərinin bizim rejissorlar tərəfindən xarici teatrlarda tamaşaya qoyulduğunu, dramaturqlarımızın əsərlərinin xarici dillərə tərcümə edildiyini deyən Ə.Vəliyev gələcəkdə də uğurlu nəticələrin əldə olunacağına inandığını vurğuladı: "Mən inanıram ki, bu Forumdan sonra da Azərbaycan teatrları son dərəcə qazanclı çıxacaq. Teatrlarımız son səkkiz ildə 25 ölkədə qastrol səfərində olub. İngiltərədə "Edinburq" Beynəlxalq Teatr Festivalı keçirilir. Bir ay davam edən festivalda 2 min tamaşa göstərilir. Keçən il qonaq qismində o festivalda iştirak etmişik. Ümid edirəm ki, 2015-ci ildə Azərbaycan "Edinburq" festivalının bir qolunu keçirməyə nail olacaq".
Noyabrın 5-də III Bakı Beynəlxalq Teatr Forumunun rəsmi açılışı olacaq. Uğurlar...

DİGƏR XƏBƏRLƏR

Tarix: 10.10.2026 / 17:17

Mollanəsrəddin lətifələrində memarlıq cizgiləri...

Tarix: 10.10.2026 / 11:07

Yazıçılar Birliyi üzvlük haqqını ödəməyənlərə növbəti dəfə xəbərdarlıq etdi - məsuliyyətli davransınlar...

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...