DİN Mətbuat Xidmətinin Quba rayonunda regional qrupundan verilən məlumata görə, Xaçmaz şəhər sakini olan bir qadın Rayon Polis Şöbəsinə ərizə ilə müraciət edərək, ona məxsus fərdi yaşayış evindən təmir-tikinti aləti, su nasosu və məişət əşyalarının oğurlandığı barədə məlumat verib.
Faktla bağlı Xaçmaz RPŞ-nin əməkdaşlarının keçirdiyi əməliyyat-axtarış tədbirləri ilə oğurluğu törətməkdə şübhəli 22 yaşlı Samir Həsənov saxlanıb. Dindirilmə zamanı saxlanan şəxs törətdiyi cinayət əməlini etiraf edərək, zərərçəkmişə məxsus evin birinci mərtəbəsində yerləşən saxlanc yerinə şüşəni sındırma yolu ilə qanunsuz daxil olduğunu, oradan bir ədəd monitor, bir ədəd elektrik təsərrüfat mişarı və su nasosu, bir ədəd video müşahidə kamerası, bir ədəd peyk anteni, bir ədəd tonometr (təzyiq ölçən) və fonendoskop (ürək döyüntülərini müəyyən edən cihaz) oğurladığını bildirib.
Oğurlanan əşyaların bir qismi maddi sübut kimi polis əməkdaşları tərəfindən götürülüb.
Faktla bağlı Xaçmaz RPŞ-nin İstintaq bölməsində araşdırma aparılır.
