Bu ilin yol qəzalarında 951 ölüm faktının arxasındakı piyada günahları...

Tarix: 12.11.2014 / 07:50
Bölmə: Sosial

Şahin Camalov: "Piyada mədəniyyəti, demək olar ki, yox səviyyəsindədir"

"Piyadalar yolda onlar üçün nəzərdə tutulan keçiddən deyil, avtomobil yolundan istifadə edir, nəticədə isə..."

Bu ilin ötən dövrü ərzində Azərbaycanda baş verən yol qəzalarının statistikası açıqlanıb. Baş Dövlət Yol Polisi İdarəsinin ictimai qurumlarla əlaqə şöbəsinin rəisi Kamran Əliyevin mətbuata verdiyi məlumata görə, cari ilin 10 ayı ərzində respublika ərazisində 2212 yol qəzası baş verib. Nəticədə 951 nəfər ölüb, 2227 nəfər yaralanıb.
Ötən ilin müvafiq dövrü ilə müqayisədə yol-qəza hadisələrinin sayı 214, ölüm sayı 20, yaralı sayı isə 331 fakt azalıb.
Hesabat dövründə sərxoş sürücülər tərəfindən törədilən 50 yol qəzası qeydə alınıb. Nəticədə 25 nəfər ölüb, 59 nəfər yaralanıb.
Sürət həddini aşma səbəbindən 637 yol qəzası qeydə alınıb, 330 nəfər ölüb, 517 nəfər yaralanıb.
Respublika ərazisində hesabat dövründə baş verən yol qəzalarında 16 yaşına çatmamış 85 uşaq ölüb, 195-i yaralanıb.
K.Əliyev hesabat dövründə paytaxtda 761 yol qəzasının baş verdiyini qeyd edib. Bu qəzalarda 266 nəfər ölüb, 744 nəfər yaralanıb.
Ötən ilin müvafiq dövrü ilə müqayisədə paytaxtda yol-qəza hadisələrinin sayı 85, ölüm sayı 18, yaralı sayı isə 102 fakt azalıb.
10 ay ərzində baş verən yol-qəza hadisələri zamanı 951 nəfərin vəfat etməsi narahatedici bir rəqəmdir. Belə aydın olur ki, yol-qəza hadisələri zamanı təxminən hər ay 100 nəfər insan həyatını itirib.
Aparılan araşdırmalara görə, yol-qəza hadisələrinin baş verməsində piyadaların da rolu az deyil. Çünki piyadalar bəzən piyadalar üçün nəzərdə tutulmayan yollardan istifadə etməklə öz həyatını risqə atır.
"Təhlükəsiz Yol" Alyansının sədri Şahin Camalovun fikrincə,
Azərbaycanda insanlar yol hərəkəti qaydalarına riayət etmir: "Bu həm sürücülərə, həm də piyadalara aiddir. Yolda qəzaların artmasının əsas səbəblərindən biri də bununla bağlı maariflənmənin olmamasıdır. İnsanlar yol hərəkəti qaydalarını, demək olar ki, bilmir".
Onun sözlərinə görə, yolda təhlükəsizliyi təmin etmək üçün maarifləndirmədən tutmuş, cəzaların sərtləşdirilməsinə qədər məsələlərə kompleks yanaşılmalıdır.
Ş.Camalov onu da əlavə etdi ki, hazırda ölkədə piyada mədəniyyəti, demək olar ki, yox səviyyəsindədir. Piyadalar yolda onlar üçün nəzərdə tutulan keçiddən deyil, avtomobil yolundan istifadə edir. Nəticədə yüksək sürətlə gələn maşın həmin piyadanı vurur: "Bu qəzanın baş verməsinin səbəbkarı sürücü deyil, piyadadır".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...