DİN Mətbuat Xidmətindən “Bakı-Xəbər”ə verilən məlumata görə, Abşeron Rayon Polis İdarəsi əməkdaşlarının əldə edilmiş məlumatlar əsasında keçirdiyi əməliyyat tədbirləri nəticəsində Novxanı qəsəbə sakinləri Ülvi Əliyev, Mehman Mərdanov, Bakı şəhər sakini, əvvəllər məhkum olunmuş Xalid Şəmsiyev və Sumqayıt şəhər sakini, əvvəllər məhkum olunmuş Pənah Cəbiyev saxlanıb. Şəxsi axtarış zamanı onlardan narkotik vasitə olan heroin aşkar edilərək götürülüb.
Faktlarla bağlı araşdırmalar aparılır.
***
Balakən RPŞ əməkdaşlarının əldə edilmiş məlumat əsasında keçirdiyi əməliyyat tədbirləri nəticəsində Tülü kənd sakini, əvvəllər məhkum olunmuş Mehman Umudov saxlanıb. Şəxsi axtarış zamanı ondan narkotik vasitə olan heroin aşkar edilib.
Davam etdirilən tədbirlərlə narkotik vasitəni ona satmaqda şübhəli bilinən həmkəndlisi, əvvəllər məhkum olunmuş Ramazan Bayramov da polis əməkdaşları tərəfindən müəyyən edilərək saxlanıb. Onun həyətyanı sahəsində aparılan əməliyyat-axtarış tədbirləri nəticəsində isə narkotik vasitə olan heroin aşkar edilərək götürülüb.
Nizami (Gəncə) RPİ əməkdaşlarının keçirdiyi əməliyyat-axtarış tədbirləri nəticəsində Cinayət Məcəlləsinin 144-2 (məcburi əmək), 144-3 (İnsan alveri məqsədi ilə sənədlərlə qanunsuz hərəkətlər) və 150-ci (Seksual xarakterli zorakılıq hərəkətləri) maddələri ilə axtarışda olan Arzu Tağıyev, Sahib Tağıyev və B.Tağıyeva, Cinayət Məcəlləsinin 177-ci (oğurluq) maddəsi ilə axtarışda olan Məhərrəm Bayramov saxlanıb.
Qəbələ RPŞ və İsmayıllı RPŞ əməkdaşlarının birgə keçirdiyi əməliyyat-axtarış tədbirləri nəticəsində Cinayət Məcəlləsinin 127-ci (Qəsdən sağlamlığa az ağır zərər vurma) və 150-ci (Seksual xarakterli zorakılıq hərəkətləri) maddələri ilə axtarışda olan Mais Mücidov saxlanıb.
Abşeron Rayon Polis İdarəsi əməkdaşlarınhın keçirdiyi əməliyyat-axtarış tədbirləri nəticəsində Cinayət Məcəlləsinin 177-ci (oğuruq) maddəsi ilə axtarışda olan Məhəmməd Muradov və Cinayət Məcəlləsinin 178-ci (dələduzluq) maddəsi ilə axtarışda olan Zaur Əliyev saxlanıb.
Hacıqabul RPŞ əməkdaşlarının keçirdiyi əməliyyat-axtarış tədbirləri nəticəsində Cinayət Məcəlləsinin 178-ci (dələduzluq) maddəsi ilə axtarışda olan Abbas Hətəmov saxlanıb.
Eyni zamanda, Cinayət Məcəlləsinin 178-ci (dələduzluq) maddəsi ilə axtarışda olan Rəfail Əliyev isə Cəlilabad RPŞ əməkdaşlarının keçirdiyi əməliyyat-axtarış tədbirləri nəticəsində saxlanıb.
Sabunçu RPİ 42-ci Polis Bölməsi əməkdaşlarının keçirdiyi əməliyyat-axtarış tədbirləri nəticəsində Maştağa qəsəbəsindəki evlərdən birini yandırmaqda şübhəli bilinən qrupun üzvü, Bakı şəhər sakini Kamran Vəliyev də saxlanıb.
Yanvarın 21-də Tərtər şəhəri ərazisində şəhər sakini Faiq Həsənov münaqişə zəminində həmyerlisi Pərviz Hüseynova bıçaqla daxilə nüfuz etməyən xəsarət yetirib.
Tərtər Rayon Polis Şöbəsində faktla bağlı Cinayət Məcəlləsinin 221-ci (xuliqanlıq) maddəsi ilə cinayət işi başlanıb. F.Həsənov polis əməkdaşları tərəfindən saxlanıb.
Yasamal RPİ 29-cu Polis Şöbəsi əməkdaşlarının keçirdiyi əməliyyat-axtarış tədbirləri nəticəsində yanvarın 14-də 7-ci Alatava küçəsindəki evlərin birinin girişindən velosiped oğurlamaqda şübhəli bilinən Abşeron rayon sakini, əvvəllər məhkum olunmuş Taleh Kərimov saxlanıb.
Yanvarın 21-də gecə saat 2 radələrində Binəqədi rayonunun M.Ə.Rəsulzadə qəsəbəsi ərazisindəki evlərdən birinin həyətindən oğurluğa cəhd göstərilməsi barədə Binəqədi RPİ-nin 7-ci Polis Bölməsinə məlumat daxil olub.
Polis əməkdaşlarının keçirdiyi əməliyyat-axtarış tədbirləri nəticəsində bu cinayət əməlini törətməkdə şübhəli bilinən qəsəbə sakini, əvvəllər də oğurluq və narkotiklərlə əlaqəli cinayətlərə görə məhkum olunmuş Anar Aslanov saxlanıb.
Araşdırma aparılır.
Polis əməkdaşlarının keçirdikləri əməliyyat tədbirləri nəticəsində saxlanılan şəxslərdən narkotik vasitələr aşkar edilərək götürülüb.
Əldə edilmiş məlumatlar əsasında keçirilmiş əməliyyat tədbirləri nəticəsində Xəzər RPİ 2-ci Polis Şöbəsinin əməkdaşları tərəfindən saxlanan Bakı şəhər sakini, əvvəllər məhkum olunmuş Mehdi Qasımovdan narkotik vasitə olan heroin götürülüb.
Salyan RPŞ-nin əməkdaşları tərəfindən saxlanan şəhər sakini Mübariz Abbasovdan narkotik vasitə olan heroin və elektron tərəzi, Kürdəmir RPŞ-nin əməkdaşları tərəfindən saxlanan Köhünlü kənd sakini Ənvər Mikayılovdan marixuana aşkar edilərək götürülüb.
Baki-xeber.com
