Daxili işlər orqanları qanunsuz saxlanan silah-sursatın aşkar edilərək götürülməsi istiqamətində növbəti tədbir keçirib.
DİN Mətbuat Xidmətinin Şirvan şəhərindəki regional qrupundan verilən məlumata görə, Sabirabad RPŞ Qaragüney PB-nin əməkdaşları tərəfindən qanunsuz olaraq odlu silah-sursat gizlədən şəxslərin aşkar edilməsi məqsədilə ardıcıl uğurlu əməliyyat tədbirləri həyata keçirilib.
Belə ki, Sabirabad rayonu Əliləmbəyli kənd sakini Amil Mirzəyev qanunsuz olaraq odlu silah saxlamaqda şübəli bilindiyi üçün saxlanıb. Onun yaşadığı evə baxış keçirilən zaman 1 ədəd “İJ” markalı ov silahı və ona məxsus 4 ədəd patron aşkar edilərək götürülüb.
Qaragüney PB-nin əməkdaşlarının həyata keçirdiyi digər bir əməliyyat nəticəsində Sabirabad rayonu Balahəşimxanlı kənd sakini Rəşad Əliyevdən 1 ədəd “İJ” markalı ov silahı aşkar edilərək götürülüb.
Hər iki faktla bağlı Qaragüney PB -də araşdırma aparılır.
Toğrul NƏSİRLİ polis leytenantı
