Bu günlər Masallı rayonu Boradigah qəsəbə İ.Nağıyev adına 2 saylı tam orta məktəbində məktəbin 9-11-ci sinif şagirdlərinin iştirakı ilə Yetkinlik yaşına çatmayanlar tərəfindən törədilən cinayətlərin, həmçinin yetkinlik yaşına çatmayanların təzyiqlərə, məişət zorakılığına məruz qalma, cinsi və əmək istismarına təhrik etmə, erkən nikaha cəlb olunma hallarının, yetkinlik yaşına çatmayanlar və gənclər arasında narkomanlığın qarşısının alınması məqsədilə “Narkomaniyaya və erkən nikaha yox deyək!” adlı maarifləndirici tədbir baş tutub.
Tədbirdə Masallı Rayon Polis Şöbəsinin Boradigah Polis Bölməsi rəisi polis mayoru Pərviz Məmmədov, RPŞ-in YYÇPİTQ-nun baş inspektoru polis kapitanı Samid Əliyev, Masallı Rayon İcra Hakimiyyətinin İctimai-siyasi və humanitar məsələlər şöbəsinin müdir müavini Abbas Abbaszadə, Lənkəran-Astara regional Təhsil İdarəsinin Masallı rayon Təhsil sektorunun aparıcı mütəxəssisi Hörmət Balakişiyev, Masallı rayon Gənclər və İdman İdarəsinin əməkdaşı Mehman Zahidov, eləcə məktəbin şagird, müəllim kollektivi, valideynlər iştirak ediblər.
Boradıgah qəsəbə İ.Nağıyev adına 2 saylı tam orta məktəbin direktor vəzifəsini icra edən Məhbubə Şahbazova tədbiri açaraq iştirakçıları, gələn qonaqları salamlamış, sonra Azərbaycanın ərazi bütövlüyü uğrunda şəhidlik zirvəsinə ucalan qəhrəman Vətən övladların xatirəsi bir dəqiqəlik sükutla anılıb.
Sonra söz digər natiqlərə verilib. Masallı Rayon Polis Şöbəsinin Boradigah Polis Bölməsinin rəisi polis mayoru Pərviz Məmmədov və Masallı RPŞ-in YYÇPİTQ-nun baş inspektoru polis kapitanı Samid Əliyev narkotik vasitələrdən, psixotrop maddələrdən, onların qanunsuz dövriyyəsindən ətraflı danışıb, bunun ardınca narkotik vasitələrin səbəb olduğu fəsadlar haqqında video-çarxı şagirdlərə göstərilib.
Masallı RİHB aparatının İctimai-siyasi və humanitar məsələlər şöbəsinin müdir müavini Abbas Abbaszadə, Masallı rayonu üzrə Təhsil sektorunun əməkdaşı Hörmət Balakişiyev isə erkən nikaha daxilolma kimi neqativ halların insan həyatına gətirdiyi ağır nəticələrdən söhbət açıb, həmçinin erkən nikahların yetkinlik yaşına çatmayan uşaqların hüquqlarının pozulmasını, vaxtsız qurulan ailələrin dağılmasın və cəmiyyətdə sosial problemlərin artmasını səbəb olduğu bir daha diqqətə çatdırılıb.
Sonda şagirdləri düşündürən suallara cavab verilib və mövzu ilə bağlı sorğu keçirilib.
Zəfər ORUCOĞLU Azərbaycan Jurnalistlər Birliyinin üzvü
