Göyçay Rayon Heydər Əliyev Mərkəzində “Heydər Əliyev İli” çərçivəsində Azərbaycanda Vətəndaş Cəmiyyətinin İnkişafına Yardım Assosiasiyasının təşəbbüsü ilə hazırlanmış “Göyçay ensiklopediyası” kitabının təqdimatı keçirilib. Əvvəlcə tədbir iştirakçıları Ümummilli Lider Heydər Əliyevin abidəsini ziyarət edib, önünə gül-çiçək dəstələri düzüblər.Tədbir Ulu Öndər Heydər Əliyevin və Azərbaycanın ərazi bütövlüyü uğrunda şəhid olan Vətən övladlarının xatirələrinin bir dəqiqəlik sükutla yad edilməsi ilə başlayıb.
Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) prezidenti Elxan Süleymanovun təşəbbüsü və dəstəyi ilə nəşr edilmiş nəfis tərtibatlı, 700 səhifəlik kitabda minə qədər məqalə, 11 irihəcmli oçerk, illüstrasiyalar və xəritələr yer alıb. Bu assosiasiyanın “Şamaxı ensiklopediyası”ndan sonra regionların ensklopediyasına həsr olunmuş ikinci nəşridir.
Göyçay Rayon İcra Hakimiyyətinin başçısı Natiq Ağayevin, AVCİYA prezidenti, “Göyçay Ensiklopediyası”nın ideya müəllifi və naşiri Elxan Süleymanovun, nəşrin Elmi-redaksiya şurasının sədri, Xalq yazıçısı, Azərbaycan Yazıçılar Birliyinin sədri Anar Rzayevin, şura üzvlərindən coğrafiya elmləri doktoru, professor, Əməkdar müəllim Şövqi Göyçayskinin, filologiya elmləri doktoru, professor, ensiklopediyanın baş redaktoru Asif Hacılının, Milli Məclisin İnsan hüquqları komitəsinin sədri, Sosial Tədqiqatlar Mərkəzinin rəhbəri Zahid Orucun, kitabın elmi məsləhətçilərindən “Göyçay” qəzetinin redaktoru, Əməkdar müəllim Adil Məmmədovun, “Yeni Müsavat” qəzetinin əməkdaşı Elşad Məmmədlinin çıxışlarını diqqətlə dinlənildi.
“Göyçay Ensiklopediyası” aşağıdakı yaradıcı heyət tərəfindən ərsəyə gətirilib:
Nəşrin ideya müəllifi və naşiri Azərbaycanda Vətəndaş Cəmiyyətinin İnkişafına Yardım Assosiasiyasının prezidenti Elxan Süleymanov.
Elmi-redaksiya şurasının sədri, xalq yazıçısı, Azərbaycan Yazıçılar Birliyinin sədri Anar Rzayev.
Elmi-redaksiya şurasının üzvləri: ADPU-nin professoru, Əməkdar müəllim Nadir Abdullayev, siyasi elmlər üzrə fəlsəfə doktoru, Əməkdar jurnalist, “1905.az STUDİO”nun direktoru Fuad Babayev, coğrafiya elmləri doktoru, professor, Əməkdar müəllim Şövqi Göyçayski, filologiya elmləri doktoru, professor , baş redaktor Asif Hacılı, İsveçin Umea Universitetinin elmi işçisi və mühazirəçisi, dosent Səadət Kərimi, fizika-riyaziyyat elmləri doktoru, Türkiyənin Bilkənd Universitetinin professoru Azər Kərimov, filologiya elmləri doktoru, professor Paşa Kərimov, Azərbaycan hüquqşünası və dövlət xadimi Əlisaab Orucov, siyasi elmlər doktoru, BDU-nun professoru Ramiz Sevdimalıyev, fizika-riyaziyyat elmləri doktoru, Türkiyənin Hacettepe Universitetinin professoru Kamal Soltanov, iqtisadiyyat elmləri doktoru Vurğun Süleymanov, tarix elmləri doktoru, professor Məhərrəm Zülfüqarlı.
Elmi məsləhətçilər pedaqoq Vüqar Abdullayev, filologiya üzrə fəlsəfə doktoru, dosent Atəş Əhmədli, filologiya üzrə fəlsəfə doktoru Əkbər Əliyev, filologiya üzrə fəlsəfə doktoru, dosent İradə Kərimova, filologiya üzrə fəlsəfə doktoru Təranə Məhəmmədqızı, Yeni Müsavat” qəzetinin əməkdaşı Elşad Məmmədli, “Göyçay” qəzetinin redaktoru, Əməkdar müəllim Adil Məmmədov, ilahiyyat üzrə fəlsəfə doktoru, dosent İslam Musayev, Göyçay rayonu Ağsaqqallar Şurasının sədri Xəlil Orucov, Göyçay rayonu Müharibə və Əmək Veteranları Şurasının sədri Atəş Salahov, tarix üzrə fəlsəfə doktoru, Əməkdar müəllim Pərviz Yəhyalı, Göyçay rayon İcra hakimiyyətinin İctimai-siyasi və humanitar məsələlər şöbəsinin müdiri Zivər Zeynalova.
Məsul redaktorlar Laləzər Abbasova, Sevda Zeynalova, bədii redaktor Təmkin Məmmədli, texniki redaktor İrina Muxtarova, orijinal maketin müəllifi Mehman İbrahimov, cildin dizaynını işləmiş Elviz İsmayılov, korrektor qrupunun koordinatoru Fatmaxanım Həsənova, korrektorlar Sadiq Hüseynov, Aqşin Məsimov, www.goycay-encyclopedia.az portalının dəstəklənməsini həyata keçirmiş Mansur Manafov, Ləman Carçalova.
Azərbaycanda Vətəndaş Cəmiyyətinin İnkişafına Yardım Assosiasiyası regionlara aid fundamental əsərlərin hazırlanması və nəşri ilə bağlı işlərini davam etdirir.
İradə SARIYEVA
