Azərbaycanın öz qanuni ərazisi olan Qarabağın terrorçulardan, qanunsuz silahlı dəstələrdən separatçılardan təmizlənməsi, onların zərərsizləşdirilməsi üçün keçirdiyi lokal antiterror tədbirlərinə qanunsuz xunta rejiminin təmsilçiləri fərqli donlar geydirməyə başlayıblar.
Heç bir beynəlxalq dəstək ala bilməyən terrorçular Azərbaycanın gerçəkləşdirdiyi tədbirin guya dinc əhaliyə, mülki şəxslərə yönəldiyini iddia edirlər. Qondarmaların kukla “hüquq müdafiəçisi” Geqam Stepanyan yenə də yalandan çığır-bağır salır ki, Azərbaycanın bu tədbirləri nəticəsində, guya “11-i uşaq olmaqla 26 mülki şəxs yaralanıb, iki nəfər həlak olub”. Belə ağ yalanlar danışan Stepanyan Azərbaycanın bu tədbirlərdən əvvəl verdiyi bəyanatları, çağırışları, mesajları yada salsın. Halbuki, Azərbaycan dəfələrlə bəyan edib ki, tədbirlər zamanı mülki şəxslər və heç bir mülki obyekt hədəfə alınmır. Azərbaycan dövləti mülki ermənilərə təhlükəsiz yerə çəkilməyi tövsiyə edib, humanitar dəhliz yaradıb ki, onlar oradan çıxa bilsinlər. Amma separatçılar özləri əhalinin Qarabağdan çıxmasına imkan vermir, onların əlinə silah verib terrorçuluğa sövq edir. Bu hallar mövcuddur. Bütün bunlardan sonra sözdə hüquq müdafiəçisinin ağ yalan danışıb mülki əhalinin, qadın və uşaqların üzərində oyun qurması yolverilməzdir.
Bilirik ki, orada uşaqlara, mülki şəxslərə zərər dəyməyib və bu, terrorçu kəsimin növbəti oyunudur.
Aqil Ələsgər: “Yalan onların son ümid yeridir deyə, ənənəvi olaraq yenə də yalana sarılıblar”
Terrorçuların sözdə “ombudsman”ı olan G.Stepanyanın iddiasına şərh verən "Yeni Çağ” Media Qrupunun rəhbəri Aqil Ələsgər “Bakı-Xəbər”ə bildirdi ki, ermənilər 100 ildən çoxdur Azərbaycana və Türkiyəyə şər atmaqla və qondarma “erməni soyqırımı” iddiası ilə dünyanı, eləcə də özlərini aldatmaqla məşğul olur. “Yalan danışmaq, şər atmaq, öz yalanına özünü inandırmaq ermənilərə xas xislətdir. Hazırkı şəraitdə də terrorçuların yalana əl atması təsadüfi deyil. Çünki yalan onların son ümid yeridir deyə, ənənəvi olaraq yenə də yalana sarılıblar. Bu gün beynəlxalq təşkilatları Azərbaycana qarşı qaldırmaq, onların qərəzli bəyanatlarına nail olmaq üçün yalandan hay-küy salırlar. Halbuki, Azərbaycan mülki şəxslərə münasibətdə hümanistlik göstərir, onlar üçün dəhliz açıb, başqa kömək təklif edib. Bu qədər cinayətlərinə rəğmən terrorçulara da humanist təklif irəli sürüb ki, silahı atıb ağ bayraq qaldırarlarsa onlarla dialoqa da hazırdır. Azərbaycan dövləti qanundan kənar bir hərəkət etmir ki... Azərbaycan konstitusiya quruluşunun bərpa edilməsi məqsədilə Qarabağda lokal xarakterli antiterror tədbirləri həyata keçirir. Tutaq ki, ABŞ-da, yaxud Fransada, yaxud başqa bir ölkədə hansısa bir terrorçu qrup həmin ölkənin konstitutsiya quruluşuna zidd hərəkət edirsə, onu qəbul etmək istəmirsə, həmin ölkənin qanunlarını tanımırsa, onlara qarşı hansı addım atardılar? Faktiki olaraq, Azərbaycan bunlara kifayət qədər dözümlülük nümayiş etdirdi, lakin onlar bundan nəticə çıxarmadılar”.
A.Ələsgər hesab edir ki, Azərbaycanı lokal antiterror tədbirlərinin keçirilməyə də separatçıların özləri vadar edib. O qeyd etdi ki, əgər bu addım atılmasaydı, Konstitutsiyamızın bütün ölkə ərazisində, o cümlədən də Qarabağda tam təmin edilməsi mümkün olmayacaqdı. Bu səbəbdən də Azərbaycan dövlətinin öz Konstitutsiyasından irəli gələrək bu addımı atdığını deyən A.Ələsgər “Azərbaycan onların hərbi təyinatlı yerlərini, obyektlərini vurur. Separatçılar özləri mülki vətəndaşların arasında gizləniblər və bununla da Azərbaycana qarşı təxribat edirlər. Bildiyimiz kimi, mülki əhali ilə bağlı iddilar uydurmadır”-deyə A.Ələsgər qeyd etdi.
Novella Cəfəroğlu: “O qara-qışqırıq salan “hüquq müdafiçisi” böyük miqdarda qrant alır və ona görə yalandan hay-küy salır, biz onu yaxşı tanıyırıq”
Dilarə Əliyeva adına Azərbaycan Qadınlarının Hüquqlarını Müdafiə Cəmiyyətinin sədri Novella Cəfəroğlu da “Bakı-Xəbər”ə açıqlamasında bu iddianın növbəti erməni yalanı olduğunu dedi: “Bütün dünya bəyan edib, hətta Ermənistan da Xankəndinin bizim ərazimiz olduğunu deyib. Neçə aydır bunlar bizimlə oyun oynayırlar bütün dunyaya catirsinlar ki, guya blokadaya alınıblar. Biz neçə dəfə onlara demişik ki, siz separatci qüvvələrin girovusunuz! Biz onlara demişik ki, bütün Azərbaycan vətəndaşlarının nə hüququ varsa o sizə də veriləcək! Gəlin danışıqlar aparaq, bizim dinc əhali ilə işimiz yoxdur! Amma baxın, onlar yenə də öz çirkin əməllərindən əl çəkmədilər. Görün bizim necə igidlər bu murdarların üzündən şəhid oldular. O qara-qışqırıq salan “hüquq müdafiçisi” böyük miqdarda qrant alır və ona görə yalandan hay-küy salır, biz onu yaxşı tanıyırıq.
Yalandan hay-küy salmaq əvəzinə həmin o “hüquq müdafiəçisi” öz camaatını başına yığıb onlara başa salmalıdır ki, gəlin bir yerdə yaşamağı öyrənək. Bu daha onun camaatına cox köməklik edər. Bir yerdə evlər tikək, dağıtmayaq, bütün yolları açaq, bir yerdə işbirliyi quraq deməlidir. Bu onun millətinin çıxış yoludur. Tövsiyə edirəm ki, bir yerdə Zəngəzur yolundan istifadə edib bütün dunyaya cıxaq! Onun cığır- bagırıi kömək etmir, özü də yalan çığır-bağırı...”
İradə SARIYEVA
