Separatçılar Xankəndidəki evlərinə od vurub qaçırlar. Bu barədə görüntülər sosial şəbəkədə yayımlanıb. Xatırladaq ki, ermənilər Kəlbəcər, Laçın və digər işğaldan azad olunmuş əraziləri tərk edərkən də yaşadıqları evləri yandırırdılar.
Hazırda da onlar əraziləri tərk edərkən evləri yandırır və görüntüləri çəkərək sosial şəbəkələrdə yayırlar. Sanki bununla öz şovinistliklərini və vəhşiliklərini nümayiş etdirirlər.
“Ermənilər Kəlbəcər və Laçını tərk edərkən də eyni hərəkəti etdilər. buna səbəb isə o torpağın, evlərin özlərinə aid olmamasıdır”
Politoloq Xəyal Bəşirov “Bakı-Xəbər”ə açıqlamasında qeyd etdi ki, yandırmaq, məhv etmək erməni vəhşiliyinin bir nümunəsidir: “Ermənilər hələ də qara niyyətlərindən əl çəkmək istəmir. 30 il ərzində ermənilər Azərbaycan xalqına məxsus olan hər şeyi mənimsəyib və israf ediblər. Günü bu gün də öz vəhşiliklərini etməkdə davam edirlər. Xankəndi-də baş verən hadisələr ondan xəbər verir ki, həmin ərazilərdə də Azərbaycan dövlətinin konstitusion quruluşu bərpa olunmalıdır. Xatırdaladım ki, Birinci Qarabağ müharibəsi zamanı azərbaycanlılar öz dogma yudlarından məcburi şəkildə qovuldular. Həmin ərəfədə vətəndaşlarımız öz evlərindən çıxarkən heç nəyə zərər vermədilər, nəinki ev yandırmaq. Ancaq özləri həmin ərazidən çıxarkən evləri yandırır, apara bilmədikləri mal-qaranı da məhv edirlər. Onlar Kəlbəcər və Laçını da tərk edərkən də eyni hərəkəti etdilər. Buna səbəb isə o torpağın, evlərin özlərinə aid olmamasıdır. İnsan heç vaxt özünə aid olan əşyanı, əmlakı məhv etməz”.
Həmsöhbətimiz onu da əlavə etdi ki, beynəlxalq təşkilatlar, dünya ictimaiyyəti erməni vandallığı ilə bağlı öz mövqeyini ortaya qoymalı idi. Təəssüf ki, beynəlxalq təşkilatlar Azərbaycanla bağlı məqama gələndə ikiüzlü mövqe nümayiş etdirir: “Ermənilərin Xankəndidəki evlərinə od vurub qaçması onlar tərəfindən törədilən növbəti cinayətdir. Azərbaycan bu gün həmin əraziləri cinayətkar ünsürlərdən təmizləyir. Ermənistanın Azərbaycana qarşı törətdiyi bütün cinayətlərə görə məsuliyyətə cəlb edilmə prosesi də reallaşacaq. Bu proses yaxın zamanda həyata keçiriləcək”.
Günel CƏLİLOVA
