Elşad Həsənov: “Erməni tərəfinin bunda məqsədi beynəlxalq ictimayəti çaşdırmaq idi”
“2023-cü il mayın 14-də Brüsseldə Ermənistan və Azərbaycan bir-birinin ərazi bütövlüyünü tanıyıb. Bundan sonra mən bu razılaşmanı bir daha təsdiqlədim. Sonra mənə sual verdilər ki, doğrudanmı bu 86 min 600 kvadrat kilometr əraziyə Dağlıq Qarabağ daxildir? Mən dedim: Bəli!”.
Bu açıqlama ilə Ermənistanın baş naziri Nikol Paşinyan hökumət iclasında çıxış edib.
O bildirib ki, Ermənistan Azərbaycanın 86 600 kv.km ərazisini, Azərbaycan 29 800 kv.km ərazisini tanıyıb.
Bu açıqlama erməni tərəfinin daha bir yalanını ifşa edir. Madəm Azərbaycan da Ermənistanın ərazi bütövlüyünü tanıyıb, o zaman bəs nəyə görə bu yay ərzində Paşinyan və digər erməni rəsmiləri təkrar-təkrar bəyan edirdilər ki, Prezident İlham Əliyev açıq şəkidə Ermənistanın ərazi bütövlüyünü tanımaqdan yayınır, bunu bəyan etmir? O zaman bu tanıma deyil bəs nədir?
- “Bu minvalla istəyirdilər ki, Azərbaycana beynəlxalq təzyiqlər artsın”
Məsələ ilə bağlı “Bakı-Xəbər”ə açıqlama verən siyasi ekspert Elşad Həsənovun fikrincə, bütün bunların Paşinyanın qeyri-ciddi siyasətçi olduğunu ortaya qoyur: “Bəli, doğurdan da 2023-cü ilin mayın 14-də Brüsseldə keçirilən görüşdə həriki ölkə başçısı bir-birinin ərazi bütövlüyünü tanıyıb. Bundan əvvəl də 2022-ci ilin oktyabrında Praqada keçiriilən görüşdə də analoji mövqe ortaya qoyulub. Ancaq Brüssel görüşündə qarşılıqlı şəkildə tərəflərin bir-birinin ərazi bütövlüyünü tanıması Şarl Mişel tərəfindən sənədlərdə qeydə alınıb. Lakin Paşinyan və onun komanda üzvləri bir ara belə rəy yaratmağa çalışdılar ki, guya Azərbaycan Prezidenti bunu açıq bəyan etməyib. Erməni tərəfinin bunda məqsədi beynəlxalq ictimayəti çaşdırmaq idi. Guya ki, Azərbaycan kompromislərə meyilli deyil. Bu minvalla istəyirdilər ki, Azərbaycana beynəlxalq təzyiqlər artsın. O baxımdan bu, Ermənistanın apardığı pozucu siyasətdir. Onlar verdikləri sözün üstündə nə vaxt durublar ki? Bu, erməni xislətinə xas olan xüsusiyyətdir. Bir sıra Rusiya mütəfəkkirlərinin əsərlərində erməni xalqı barədə qeyd olunan mənfi fikirlər real həyatda öz əksini tapır. Bütün bunlar onu göstərir ki, ermənilər mahiyyətcə dəyişməyiblər. Yəni, həm bicləşiblər, həm də gicləşiblər. Azərbaycanın apardığı siyasətin leytimotivini təşkil edən məsələ odur ki, biz verdiyimiz sözü yerinə yetiririk, ona əməl edirik. Yəni, bizim sözümüzlə əməlimiz vəhdət təşkil edir. Bunu da dünyada hamı görür. Bu həmin ermənilərdir ki, yoxdan Ermənistanı yaradan Rusiyanı onlar bu gün satıblar. Özlərini ABŞ-ın, Fransanın qucağına atırlar və Rusiyanın onların təhlükəsizliyinə qarant ola bilmədiyini deyirlər. Niyə? Ona görə ki, Rusiyanın başı Ukraynaya qarışıb və müəyyən mənada onlar zəifləyiblər. Ona görə də ermənilər özlərinə daha güclü ağa axtarırlar. Bu həmin ermənilərdir ki, Osmanlı imperiyasına xəyanət edib ona arxadan zərbə vurdular. Ona görə də ermənilərdə dəyişən bir şey yoxdur. Paşinyan da onların təmsilçisi olaraq yalan danşmaqla məşğuldur. Ancaq Ermənistanın apardığı baş-ayaq siyasət bizim xeyrimizə işləyir. Avroittifaq və ABŞ görür ki, Azərbaycan öz sözünü tutur. Həmçinin, beynəlxalq qanunlara uyğun olaraq işimizi qururuq. Bir məqamı da qeyd edim ki, Paşinyan Azərbaycanın ərazi bütövlüyünü tanıdığını qeyd etsə də, bunu sənədlərlə təsdiq etməyib. Ona görə də Paşinyan həqiqətən də sülhdə maraqlıdırsa, o zaman bu yöndə konkret addımlar atmalıdır”.
Vidadi ORDAHALLI
