Azərbaycanın diplomatik korpusunda total dəyişiklik niyə müharibədən sonra aparıldı...

Qabil Hüseynli: “Səfirliklərin işində yenilik tələb olunan fəaliyyət sahələri yetərincədir”

img

Xarici Işlər Nazirliyində  xarici ölkə səfirlərinin yeni təyinatlarına diqqət çəkir. Məlumdur ki, Azərbaycan üçün strateji və dost ölkələrlə (Türkiyə və Pakistan) yanaşı, Azərbaycan Respublikasının Böyük Britaniya Krallığındakı, ABŞ-dakı, Azərbaycanın Avropa İttifaqı yanında Nümayəndəliyinin başçısı, BMT-dəki nümayəndəsi, eləcə də Qazaxıstan və Belarusdakı diplomatik korpus rəhbərləri dəyişdirilib.

Bu dəyişikliklərin səbəbi əlbəttə ki, rotasiya ilə də əlaqələndirilə bilər. Amma postmüharibə reallıqlarında diplomatiyanın da üzərinə ciddi məsuliyyət düşdüyünü nəzərə alsaq, bu təyinatların təsadüfi olmadığını anlamaq mümkündür. Qeyd edilir ki, hazırkı reallıqlar və perspektiv çağırışlar qarşısında Azərbaycanı xarici ölkələrdə təmsil edən diplomatlardan yüksək təşkilatçılıq,  idarəçilik-bacarığı tələb olunur.

Səfirlərin yerlərinin dəyişməsini məhz pandemiya dönəminə təsadüf etməsini daha hansı amillərlə izah etmək olar?

Politoloq Qabil Hüseynli “Bakı-Xəbər”ə açıqlamasında bildirdi ki, ölkənin bütün sahələrində ciddi kadr islahatları həyata keçirilir: “Bunun məntiqi  qavamı olaraq biz diplomatik sahədə də əhəmiyyətli dəyişikliklərin şahidi oluruq. Xüsusilə də səfirlərin yerlərinin dəyişməsində bu amil özünü daha qabarıq biruzə verir. Səfrlərin rotasiyası qanunauyğun prosesdir. Ancaq biz bu dəfə sanki sərliklərdən ibarət komandanın yenilənməsinin şahidi oluruq. Yaşları keçmiş, işlərinin öhdəsindən gələ bilməyən səfirlərin  geriyə çağrılaraq, onların yerinə daha dinamik şəxslərin göndərilməsi qanunauyğun  və diplomatiyamızın gücünü artıran proses hesab edirəm”.

Politoloqun sözlərinə görə, postmüharibə dönəmində Azərbaycan diplomatiyasının üzərinə ciddi işlər düşür: “Çünki  hərbçilərimizin qazandığı uğurları diplomatlarımız öz sahələrində möhkəmlətməlidirlər. Yeni reallıqlar var. Onları lazımi şəkildə dünyaya çatdırmaq lazımdır. Xüsusilə də erməni yalanlarının ifşa olunmasında diasporumuz və səfirliklərimizin üzərinə ciddi yük düşür. Bu işlər elə qurulmalıdır ki,  beynəlxalq ictimai rəyə təsiri olsun.  Xüsusilə də hücum diplomatiyasını gücləndirməliyik. Bu mənada  indiyə qədər səfirliklərimizin gördüyü işləri qənaətbəxş saymıram. Çünki bizim bir çox səfirlikıərimiz passiv olublar. Gözləyiblər ki, erməni nəsə etsin bunlar cavab versinlər. Bu siyasəti kənara qoymalıyıq. Səfirlikırin əksəriyyəti təmsil olunduqları ölkələrdəki diasporlarımızla yola getmir. Onlar həmin zümrə ilə əlaqələrin möhkəmlənməsinə stimul verməlidir. Xaricdə olan  vətəndaşlarımızın haqq və hüquqları müdafiə olunamlıdır. Onların siyasi fəaliyyətə cəlb edilməsinə köməklik göstərməlidir. Görürük  ki, xaricdə yaşayan soydaşlarımızın ölkələrindəki ictimai –siyasi proseslərə meyilləri azdır. Bu istiqamətdə onlarla maarifləndirmə işləri aparılmalıdır. Səfirliklərin işində yenilik tələb olunan fəaliyyət sahələri yetərincədir. Prezident son çıxışında təkcə diplomatik hücum demədi, siyasi hücumun bizə lazım olduğunu söylədi. Bütün bunlar da səfirlərin qarşısına daha böyük vəzifələrin qoyulduğunu sübut etdi. Sonda onu deyim ki, cəmiyyətə açıqlanmasa da, Xarici İşlər Nazirliyinin hazırladığı bir sıra mühüm diplomatik, siyasi məsələlərə dair yol xəritələri, siyasət sənədləri dövlətin müvafiq strukturlarına, o cümlədən parlament nümayəndələrinə, dostluq qrupu təmsilçilərinə təqdim olunur. Hesab edirəm ki, səfirlərlə bağlı son təyinatlar çox müsbətdir. Bu, xaricdəki anti-Azərbaycan dairələrinin neytrallaşdırılmasına da yol açacaq”.

Məhəmmədəli QƏRİBLİ

Son xəbərlər