NATO-Rusiya müharibəsinin başlanması an məsələsidir

Tarix: 07.03.2014 / 11:37
Bölmə: Siyasət

Rusiyanı hədə ilə yola gətirə bilməyən Qərb ölkələri nəhayət əməli addımlar atmaq qərarına gəlib. Belə ki, Qərb ölkələrinin əsas hərbi alyansı olan NATO Ukrayna ətrafına hərbi qüvvələr cəmləşdirməyə başlayıb. Əslində, NATO-nu bu addımı atmağa vadar edən əsas cəhət Rusiya hərbçilərinin artıq Ukrayna ordusuna müəyyən həmlələr etməsidir.
Belə ki, yayılan məlumata görə, rus hərbçiləri Ukrayna ordusuna məxsus "Oçakov" antisubmarin və "Şaxtyor" xilasedici gəmisini batırıblar. Ukrayna Hərbi-Siyasi Araşdırmalar mərkəzinin rəhbəri Dmitri Tımçuk bununla bağlı qeyd edir: "Donuzlav gölündə lövbər salmış "Oçakov" və "Şaxtyor" gəmiləri ruslar tərəfindən batırılıb". Onun sözlərinə görə, rusların məqsədi Ukrayna gəmilərinin Odessaya girməsinin qarşısını almaq olub. Bundan başqa, Rusiyanın Krımdakı hərbçiləri Ukrayna Dövlət Sərhəd Xidmətinin iki məntəqəsinə iki dəfə hücum edib. Avtomat silahlar və qumbaraatanlarla silahlanan Rusiya hərbçiləri mobil sərhəd məntəqələrini mühasirəyə alıb. "Yevpatoriya" sərhəd xidməti məntəqəsinə edilən hücumda "Ural", "KamAZ" və "Tiqr" olmaqla 8 avtomobil, eləcə də 50 hərbçinin iştirak etdiyi deyilir.
Bu hal və işğalın davam etməsi isə, qeyd olunduğu kimi, NATO-nu daha qəti hərəkət etməyə vadar edib. Məhz bu səbəbdəndir ki, Viktor Yanukoviçin devrilməsindən sonra Krım muxtar vilayətini nəzarətinə keçirən Rusiyaya NATO tərəfindən ilkin təhdid səsləndirilib. Belə ki, hərbi alyans Rusiya ilə birgə dəniz təlimlərini, yüksək səviyyədə toplantı keçirməyi dayandırıb.
Eyni zamanda, NATO-Rusiya əməkdaşlıq məsələlərinə də yenidən baxılması qərara alınıb. Şimali Atlantika Müqaviləsi Təşkilatının rəsmi Moskva ilə əlaqələri dayandırdığı bir vaxtda Ukrayna ilə hərbi əməkdaşlığını daha da artıracağını elan edib. Rusiyanın NATO-dakı səfiri Aleksandr Qruşko isə hərbi alyansın son addımını ikili standartlarla yanaşma və "soyuq müharibə" kimi qiymətləndirib.
Bu arada o da məlum olub ki, ABŞ Hərbi Dəniz Qüvvələrinin "Corc Buş" təyyarədaşıyan gəmisi Qara dəniz akvatoriyasına yaxınlaşır. Ukrayna Milli Təhlükəsizlik və Müdafiə Komitəsinin baş katibi Andrey Parubi bununla bağlı bildirib: "Biz partnyorlarımızla danışıqlar aparırıq. Bu, regionda təhlükəsizliyin təmin olunması üçün vacib mexanizmlərdən biridir. Biz dərk edirik ki, Rusiya Federasiyasının təhriki nəticəsində yaranacaq münaqişə Krımdan kənara çıxa bilər. ABŞ Ukraynanın təhlükəsizliyinin zamini olaraq çıxış edir. ABŞ regionda sabitliyin təmin olunması və Ukraynanın ərazi bütövlüyünü qorunması üçün kömək etməlidir". Məlumat üçün bildirək ki, "Corş Buş" gəmisini daha 17 kiçik gəmi və üç sualtı gəmi müşayiət edir. Təyyarədaşıyan gəmi hazırda Yunanıstan sahillərindədir. Türkiyə mediasının yazdığına görə, Ankara gəminin Bosfor boğazından keçməsinə icazə verib. Halbuki, Montrö Boğazlar Razılaşması ilə boğazdan təyyarədaşıyan gəmilərin keçməsi qadağan edilib. Ukrayna Milli Təhlükəsizlik və Müdafiə Komitəsinin baş katibi də bu günlərdə bildirmişdi ki, Qərbin Rusiyaya qarşı sanksiyaların siyahısı geniş ola bilər. A.Parubi iqtisadi sanksiyalarla yanaşı, NATO qüvvələrinin Qara dənizə daxil olmasını da Qərbin mümkün cavab addımlarından biri olduğunu dilə gətirib. O, həmçinin əlavə edib ki, Ukrayna Budapeşt müqaviləsinin zamin ölkələri kimi Böyük Britaniya və ABŞ-ın köməyinə bel bağlayır.
Bununla yanaşı, ABŞ Kiyevə 300 nəfərlik muzdlu göndərib. Muzdluların geniş döyüş təcrübəsi olduğu bildirilir. ABŞ əsgərlərinin Ukraynaya gəlməsi ilə bağlı Rusiya mənbələri də xəbərlər yayıblar."İnterfaks"ın verdiyi məlumata görə, hələlik muzdluların kimliyi müəyyən edilməsə də, onların əksəriyyətinin ABŞ-dan olduğu deyilir.
Qərbi qorxudan əsas amil digər bölgələrin də ruslar tərəfindən ələ keçirilə biləcəyidir. Məsələ bundadır ki, Ukraynın rusdilli regionlarında, Donetsk və Xarkov şəhərlərində vəziyyət Krımdakı vəziyyətlə müqayisə edilən səviyyədədir. Donetskdə keçirilən son mitinqin iştirakçıları "Putin, gəl" şüarları səsləndiriblər. Bu şəhərlərdə Rusiyapərəst aksiyalar tez-tez keçirilir. İndi Qərb bura qoşun yeritməklə vəziyyəti nəzarətə götürmək istəyir.
Ekspertlər isə hesab edirlər ki, bütün bu addımlar Moskvanın daha da aqressivləşməsinə səbəb olacaq. Rusiya qoşunlarının isə Ukrayna ilə sərhəd xətti boyu mövqe tutduğu bildirilir. Ukraynada Qərb qüvvələri ilə hərbi toqquşma isə hər an genişmiqyaslı müharibəyə çevrilə bilər.

DİGƏR XƏBƏRLƏR

Tarix: 09.11.2026 / 00:25

Prezident İlham Əliyevin sosial media hesablarında Bayraq Günü ilə bağlı paylaşım olub - VİDEO

Tarix: 09.11.2026 / 00:05

Azərbaycanda Dövlət Bayrağı Günü qeyd olunur

Tarix: 08.11.2026 / 20:56

Ərdoğanın Azərbaycana səfəri başa çatdı - FOTO

Tarix: 08.11.2026 / 20:42

Prezident İlham Əliyevin adından Türkiyə Prezidentinin şərəfinə rəsmi ziyafət verilib - FOTO

Tarix: 08.11.2026 / 19:49

Azərbaycan və Türkiyə prezidentləri, birinci xanımlar təltif edilmiş hərbi qulluqçularla görüşüblər

Tarix: 08.11.2026 / 19:25

Prezident Əliyevin sosial şəbəkə səhifələrində Ərdoğanla Şuşadakı görüşdən görüntülər paylaşılıb - VİDEO

Tarix: 08.11.2026 / 19:14

"Bakının sevinci Ankaranın sevincidir, Şuşanın qüruru bütün millətimizin qürurudur" - Ərdoğan

Tarix: 08.11.2026 / 18:24

Lider taktika və strategiyanı dəqiq seçdi - Zəfər qaçılmaz idi...

Tarix: 08.11.2026 / 17:51

Əsgərlərimizin qəhrəmanlığı, ya texnikanın gücü...

Tarix: 08.11.2026 / 17:39

Prezident İlham Əliyev və Ərdoğan Xankəndidə Zəfər abidəsinin önünə əklillər qoyublar - FOTO

Tarix: 08.11.2026 / 17:18

Mehriban Əliyeva və Əminə Ərdoğan çay masası ətrafında söhbət ediblər - FOTO

Tarix: 08.11.2026 / 17:11

Ərdoğan Ankara ilə Bakı arasındakı münasibətləri “sönməz məşəl” adlandırdı

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...