19/09/2020 01:00
728 x 90

Yasamaldakı sosial evlər kompleksində bəzi kommunal problemlər üzə çıxıb – MİDA-dan reaksiya…

Natiq Cəfərli: “Binanın infrastruktur problem tam həll olunmamış nə səbəbdən təhvil verilməsi araşdırılmalıdır”

img

Son illər isə insanların daha da yaxşı həyat sürməsi və rifah halının yüksəlməsi üçün onların sosial müdafiəsinin gücləndirilməsi ilə bağlı ölkə başçısı tərəfindən ardıcıl olaraq sərəncamlar, fərmanlar imzalanır və yüksək səviyyədə icra olunur. Bir sözlə, sosial siyasət ölkənin daxili siyasətinin prioritet istiqaməti kimi müəyyənləşib və bu gün də bu ənənə uğurla davam etdirilir.

Prezident İlham Əliyev tərəfindən bu sahədə atılan daha bir mütərəqqi addım ev almaq arzusunda olan hər kəsi ürəkdən sevindirdi. Belə ki, ölkə rəhbərinin 2016-cı il 11 aprel tarixində imzaladığı fərmanla vətəndaşların yaşayış sahələrinə olan ehtiyacını ödəmək, onların mənzil-məişət şəraitini yaxşılaşdırmaq və tikinti sahələrində dövlət idarəetməsini təkmilləşdirmək məqsədilə Azərbaycan Respublikasının Prezidenti yanında Mənzil İnşaatı Dövlət Agentliyi yaradıldı.

Agentliyin fəaliyyətinin təşkili, mənzillərin necə və hansı prosedurla tikilməsi, evlərin vətəndaşlara satılması ilə bağlı nəzərdə tutulmuş model, bu mənzillərin yerləşəcəyi ərazini seçərkən nəzərə alınmalıdır.

Məlum olduğu kimi, Mənzil İnşaatı Dövlət Agentliyinin (MİDA-nın) ilk layihəsi Yasamal Yaşayış Kompleksi olub. Növbəti layihəsi isə Hövsan ərazisində olacaq.

Yasamalda istifadəyə verilən sosial evlərlə bağlı son zamanlar mediada sosial problemlərin olması haqqında məlumatlar yer alır. Qeyd olunur ki, kompleksin ərazisində yaşayan sakinlər yay günlərində ciddi su problemi ilə üzləşirlər. Sözügedən ərazidə yeraltı su və kanalizasiya xətlərinin tez-tez partlayaraq sıradan çıxır: “Kompleksin həyəti və binaların zirzəmisi su altında qalır. Demək olar ki, bu problem hər həftə yaranır. Sakinlər artıq ordan-burdan su daşımaqdan təngə gəliblər. Yasamal yaşayış kompleksinin yeraltı su və kanalizasiya xətlərinin cəmi 2 ildir çəkilməsinə baxmayaraq, tez-tez sıradan çıxmasının səbəbi odur ki, bu xətləri çəkən şirkətlər işi keyfiyyətsiz yerinə yetiriblər. Çoxlu yeyinti halları baş verib, ona görə də yüksək təzyiqə davamsız plastik boru kəmərlərindən istifadə olunub. Bunu təmirə gələn "Azərsu"nun işçiləri dəfələrlə sakinlərə deyiblər.

  • “Binada kommunal problemlərin mövcud olmasına rəğmən təhvil-təslim aktına qol çəkənlər məsuliyyətə cəlb olunmalıdır”

Iqtisadçı ekspert Natiq Cəfərli bildirdi ki, hər hansı bir binanın təhvili müəyyən prosedur qaydaları əsasında reallaşır. Təhvil-təslim zamanı prosedur qaydalarına riayət edilməlidir: “Binanın infrastruktur problem tam həll olunmamış nə səbəbdən təhvil verilməsi araşdırılmalıdır.  Binada kommunal problemlərin mövcud olmasına rəğmən təhvil-təslim aktına qol çəkənlər məsuliyyətə cəlb olunmalıdır.

Yaranmış vəziyyətlə bağlı vətəndaşlar toplu şəkildə aidiyyatı qurumlara toplu şəkildə müraciət etsinlər”.

Həmsöhbətimizin dediyindən belə aydın oldu ki, sosial mənzil və ya digər yaşayış binası binanın infrastruktur probleminin tam olaraq hazır vəziyyətdə olduğu müəyyən olduqdan sonra vətəndaşlarına ixtiyarına verilməli idi.

Günel CƏLİLOVA

Son xəbərlər