Özünü bir neçə ildir ki, “apostol kilsəsi” elan edən erməni Qriqoryan kilsəsinin şər, separatizm yuvası olduğu artıq öz təsdiqini tapıb. Məhz Eçmiədzin kilsəsinin “xeyir-duası” ilə erməni separatçıları Xankəndidə qondarma “seçki keçirib” özlərinə Samvel Şahramanyan adlı qulduru oyuncaq “prezident” “seçdilər. Bütün bu biabırçılıqların müəllifinin və drijorunun isə erməni Qriqoriyan kilsəsi, onun başçısı II Qaregin olduğu şübhəsizdir.
Separatçıların Qareginin əl işarəsi ilə hərəkət etdiyi bir daha öz təsdiqini tapıb. Belə ki, bütün ermənilərin katolikosu sayılan II Qaregin Samvel Şahramanyana Xankəndindəki separatçı xuntanın "prezidenti seçilməsi" münasibətilə təbrik məktubu göndərib və ona “xeyir-dua” verib.
Katolikos məktubunda da qondarma “blokada”dan danışıb, yenə də ermənilərin “müstəqil yaşamaq hüququnun olmasından” dəm vurub, kukla “prezident”ə dəstək verdiklərini və hər zaman yanında olduqlarını bildirib.
II Qareginin separatçıbaşı Şahramanyana göndərdiyi məktub din xadiminə yaraşan məktub deyil, bu bir separatçının başqa bir separatçıya məktubdur.
Qeyd edək ki, bu, katalikosun Xankəndidəki separatçılara ilk dəstəyi deyil, o, bundan əvvəl də onların separatçılıq fəaliyyətini dəstəklədiyini bəyan edib. Bu ilin may ayında Ermənistanın baş naziri Nikol Paşinyanın verdiyi bəyanata qarşı II Qaregin əməlli-başlı müharibə elan etmişdi. Hətta mayın 22-də Eçmiədzində katolikos II Qareginin sədrliyi ilə görüş keçirilmişdi və görüşdə Ermənistan-Azərbaycan danışıqlar prosesi ilə bağlı bəyanatlar, eləcə də “Artsax”ın “vəziyyəti” müzakirə edilmişdi. Görüşdən sonra erməni kilsəsi bəyanat yaymışdı ki, Ermənistan Respublikasının baş naziri Nikol Paşinyanın mayın 22-də keçirdiyi mətbuat konfransında səsləndirdiyi bəyanatlar ictimaiyyətə təqdim edilən sülh gündəliyinin real məzmununu ortaya qoydu, bunda hakimiyyətin danışıqlar prosesində təhlükəli və rədd edilən mövqeləri ortaya çıxdı. Qarabağı Azərbaycanın tərkib hissəsi kimi tanımaq istəməyən katolikos və onun rəhbərlik etdiyi Eçiməzdinin dini şürası bəyanat yaymışdı ki, Qarabağın Azərbaycan ərazisi kimi tanınması “düzgün addım deyil, heç kəs buna gedə bilməz” və sair.
İndi də kukla “prezident” S.Şahramanyana təbrik məktubu göndərməklə katolikos və erməni kilsəsi bir daha sübut ki, separatizmi, terrorizmi dəstəkləyir və separatçılıqdan əl çəkməyəcək.
“O özünü heç zaman din xadimi kimi aparmayıb, həmişə separatçı olduğunu göstərib”
AMEA-nın Qafqazşünaslıq İnstitunun Qafqaz tarixi şöbəsinin müdiri, professor Qasım Hacıyuev “Bakı-Xəbər”ə şərhində bildirdi ki, II Qareginin hər zaman separatçıları dəstəklədiyi və onları əsassız ərazi iddialarına həvəsləndirdiyi, sövq etdiyi gizlin məsələ deyil. “Bütün dünyada xalqlar özlərinə irili-xırdalı dövlət yaradıb öz dövlət atributlarının altında inkişaf edirlər. Ermənilərin isə bədbəxtliyi odur ki, hələ də özlərini ibtidai icma quruluşunda hiss edirlər və kilsə bayrağının altında birləşməyə məhkum olublar. Çünki Qriqoryanlıq hiyləgərlik aşılayan bir anlayışdır və o insanları elə boyunduruq altına alıb ki, ermənilər oradan çıxa bilmirlər. Ermənilərin inkişaf etməsinə mane olan elə erməni Qriqoryan kilsəsidir. Onları məcburən işğalçılığa, separatizmə, revanşizmə, “mübarizə” adı altında terrorçuluğa aparan elə erməni Qriqoryan kilsəsisdir. Bu ermənilərə nə verir? Bunu özləri bilir. Erməni kilsəsi yarandığı gündən dinlə yox, siyasətlə məşğul olub, bunun nəticəsidir ki, ermənilər üçün dövlətçilik anlayışı yoxdur, onlar dövlətçiliyi deyil, kilsə hakimiyyətini üstün bilirlər. Onlar kilsə tələbləri altında birlışirlər”-deyə bildirən Q.Hacıyev qeyd etdi ki, II Qareginin Samvel Şahramanyana Xankəndindəki separatçı xuntanın "prezidenti seçilməsi" münasibətilə təbrik məktubu göndərməsini böyük təxribatdır, bu birbaşa sülhə atılan güllədir, Azərbaycan torpaqlarına əsassız iddiadır. “Bu “seçkilərin” özü böyük cinayətdir və ciddi qanun pozuntusudur. Bu çox gülünc bir haldır. Başları qapaz görəndən sonra da separatçıların “seçki” oyunu onu göstərir ki, bunlar separatçılıqdan əl çəkən deyillər. II Qareginin separatçılara məktub ünvanlaması böyük təxribatdır və bu sülhə, barışa, eləcə də Qarabağdakı dinc ermənilərin həyatına qəsddir. O özünü heç zaman din xadimi kimi aparmayıb, həmişə separatçı olduğunu göstərib. Qareginin bədnam məktubuna Azərbaycanın dini konfesiyaları sərt reaksiya verməlidir. Onun revanşizmi, separatçılığı dəstəklədiyi bütün dünyaya açıq şəkildə bəyan edilməlidir. Xankəndidə baş verənlər bir oyundur və bu oyuna da son qoyulacağına şübhə etmirəm” - deyə qeyd eədn Q.Hacıyev əlavə etdi ki, o qanunsuz “seçkilərin” dünya dövlətləri tərəfindən tanınmayacağına əmindir, hətta Paşinyan hökumətinin belə addım atmayacağı aydın görsənir. “Qaregin də, ondan əvvəlki katolikoslar da erməniləri revanşizmə, separatizmə sövq ediblər” - deyə professor Hacıyev vurğuladı.
İradə SARIYEVA
