Ermənilər öz uydurma "soyqırım" iddialarını İkinci Dünya Müharibəsi dövründə baş vermiş yəhudi soyqırımı, yəni Holokostla eyniləşdirməyə cəhd edirlər. Hətta onlar bu gün saxtakarlıq edərək Qarabağda yaşayan ermənilərin vəziyyətini də onlarla müqayisə edir, halbuki, bunlar fərqli məsələlərdir.
Holokost hadisəsinin baş verməsi gerçəklikdir, amma tarixdə "erməni soyqırımı" deyilən bir hadisə olmayıb, bu gün Qarabağda da ermənilər blokadada deyillər.
Ermənistanın uzun illərdir ki, Holokostdan öz çirkin təbliğatı üçün istifadə etməsi yəhudi din xadimlərinin etirazına səbəb olub.
Belə ki, Avropalı ravvinlər Ermənistan hökumətinin Azərbaycanın Qarabağda yaşayan ermənilərə münasibətini yəhudilərin üzləşdiyi Holokostla müqayisə etməsi ilə bağlı bu ölkənin baş naziri Nikol Paşinyan və prezident Vaaqn Xaçaturyana məktub ünvanlayıb.
Məlumata görə, bu məktubu Fransa, Böyük Britaniya və Almaniya daxil olmaqla, Avropa ölkələrindən olan 50 ravvin imzalayıb.
Onlar hər hansı siyasi məqsədlərə nail olmaq naminə erməni təbliğatının Holokost mövzusundan istifadəsinə dərhal son qoyulmasını tələb ediblər.
“İkinci Dünya müharibəsi zamanı yəhudi xalqı təqiblərə, işgəncələrə məruz qalıb, öldürülüb və s. Holokost hər hansı bir ölkə ilə məhdudlaşmayıb, demək olar ki, bütün Avropa qitəsində baş verib. “Getto”, “soyqırımı”, “holokost” və digər sözləri, şübhəsiz ki, hər hansı siyasi mübahisədə istifadə olunan jarqonun bir hissəsinə çevirmək yersizdir”, - məktubda qeyd edilib.
Ravvinlər vurğulayıblar ki, bu terminlərin istifadəsi Holokost qurbanlarının yaşadıqları dəhşətli iztirablara kölgə salır: “Yəhudi xalqı hələ də tarixin ən böyük faciəsinin sözlə ifadə edilə bilinməyəcək ağrısını yaşayır”.
Bildirilib ki, bu məktubu Ermənistan xalqını təmsil edən bütün aidiyyəti dövlət qurumları nəzərə almalıdır.
Qeyd edək ki, son günlərdə Avropa və ABŞ-dan olan 20-dən çox ravvin, eləcə də dünyanın müxtəlif ölkələrində fəaliyyət göstərən yəhudilərin dini KİV-ləri artıq erməni təbliğatının Azərbaycan əleyhinə Holokost mövzusundan istifadəsinə qarşı çıxıblar.
"Bütün yəhudi dünyası, yəhudiləri müdafiə edən dövlətlər və xalqlar ermənilərdən çox radikal şəkildə tələb etməlidir ki, Holokost qurbanlarının ətrafında bu siyasi və xoşa gəlməyən çox əxlaqsız erməni alverinə son qoysunlar"
Məsələyə şərh verən politoloq Mehman İsmayılov "Bakı-Xəbər"ə bildirdi ki, ermənilərin bu məsələ haqda danışmağa haqqı yoxdur. "Hər kəs bilir ki, antisemitizmin səviyyəsinə görə Ermənistan Avropa dövlətləri içində birinci yerdə durur. Hər kəs bilir ki, hər il, ya da ildə bir neçə dəfə İrəvanda ermənilər Halokost qurbanlarının xatirəsinə ucaldılmış abidəni təhqir edir, ən nalayiq ifadələr işlədir, o abidənin üzərinə müxtəlif boyalar tökürlər. İndi ermənilərin Qarabağda Makronla birgə qurduqları "humanitar fəlakət" şousunu Holokost qurbanları ilə bərabərləşdirmək, müqayisə etmək cəhdləri bütövlükdə yəhudi dünyasını, bütün insanlığın heysiyyatını təhqir etmək deməkdir. Ermənilər bundan alver vasitəsi kimi istifadə edirlər. Amma biz unutmamalıyıq ki, 6 milyon yəhudinin kütləvi qətliamına səbəb olmuş Holokost adlandırılan və nasist Almaniyası tərəfindən törədilən bu insanlıq əleyhinə cinayət əməllərində ermənilər birbaşa iştirak ediblər. Bu gün ermənilərin istifadə etməyə çalışdığı Holokost məsələsində elə onların özlərinin əli və iştirakı vardı. Biz hər zaman bunu söyləyirik, nasist Almaniyasının "cəza dəstə" lərinin içərisində 16 erməni batalyonu olub. Bu 16 bataltonda 33 min erməni SR-in, Abverin "cəza dəstə"lərinin içində olublar". M.İsmayılov qeyd etdi ki, ermənilər Macarıstanın, digər Şərqi Avropa dövlətlərinin, Almaniyanın ərazisində yəhudilərin kütləvi şəkildə qırğınından iştirak ediblər. O, vurğuladı ki, Macarıstanda doğulmuş erməni Savasyan 680 min yəhudinin Macarıstanda qətlə yetirilməsində iştirak edib. Qaregin Njde Ukraynanın Krım bölgəsində 45 min yəhudinin və 6 min iudaizmə tapınan Krım tatarının qətliamını təşkil edib. Ermənilər nəninki antisemitizm səviyyəsinə görə birinci yerdədirlər, İkinci Dünya Müharibəsində birbaşa Holokostun həyata keçirilməsində, 6 milyon yəhudinin qanının tökülməsində birbaşa iştirak ediblər. Nasist Almaniyasının tərkibində olan 33 min erməni başkəsəni, cəlladı göstərib ki, ermənilər insanlıq əleyhinə cinayətlərdə boğazlarına qədər bataqlığa batıblar
İndi onların Qarabağda düzəltdikləri şounu Holokostla müqayisə etməsi nasistlərin qətlə yetirdiyi yəhudilərin ruhuna təhqirdir. Bu həm də insanlığı təhqir etmək deməkdir. Bu gün Paşinyan Makronla birgə Qarabağ ətrafında bir şou yaradıb, bunu da Holokostla müqayisə edəndə təbii ki, yəhudi dünyasının, xüsusilə də din xadimlərinin etirazına səbəb olacaqdır. Bu etiraz səsi ilk növbədə Azərbaycandan yayıldı. Azərbaycanda olan yəhudi ravvin bütün dünyadakı yəhudilərə müraciət etdi və sənədə 50 yəhudi ravvini imza atıb. İndi bütün yəhudi dünyası, yəhudiləri müdafiə edən dövlətlər və xalqlar ermənilərdən çox radikal şəkildə tələb etməlidir ki, Holokost qurbanlarının ətrafında bu siyasi və bu xoşa gəlməyən çox əxlaqsız erməni alverinə son qoysunlar. Bu insanlığı təhqir etmək. Ruben Vardanyanın, Paşinyanın, Makronun düzəltdiyi bu "humanitar fəlakət" tamaşasını məhv edilmiş 6 milyon insanın taleyi ilə müqayisə etmək ən azı erməni əxlaqsızlığıdır" - deyə M.İsmayılov vurğuladı.
İradə SARIYEVA
