Məhərrəm Zülfüqarlı: “İndiki halda məqsədləri beynəlxalq dəstəkçilərindən yardım almaqla Azərbaycan və Türkiyə birliyinə qarşı təxribat törətməkdir”
“Çox güman ki, yaxın günlərdə Azərbaycan və Türkiyə Ermənistan Respublikasına qarşı genişmiqyaslı müharibəyə başlayacaq”. Bu sərsəm iddia ilə erməni ürkoloq, tarix elmləri namizədi Varujan Qeqamyan çıxış edib.
Azərbaycana və Türkiyəyə böhtan atan psevdotürkoloq iddia edir ki, guya hazırda hər iki ölkə Ermənistana qarşı “irimiqyaslı hücum hazırlanır və guya Azərbaycan Ermənistanla sərhəddə texnika və qoşun yığır, guya Azərbaycan “müharibə ritorikası” üzərində köklənib (?). Qeqamyan sərsəmləyir ki, guya “hücum olarsa”bu Naxçıvan, Arazdəyən və “Sünük”ü “əhatə edəcək”. Cızamaqarasında psevdo türkoloq çox cəfəngiyyatlar danışıb, çox uydurmalar sayıqlayıb. Amma biz sizə onun böhtanının qısa məğzini təqdim etdik.
Nədənsə, o, unudur ki, nə Azərbaycan, nə də Türkiyə işğalçı dövlət deyil, işğalçı, təcavüzkar dövlətin adı Ermənistandır, Azərbaycan əraziləri 30 ilə yaxın Ermənistanın işğalı altında qaldı, Qarabağda hələ də Ermənistanın hərbi birləşmələri qanunsuz şəkildə qalmaqdadır. Bundan da işğlçının kim olduğu bir daha aydın olur. Və Azərbaycan Prezidenti də dəfələrlə bəyan edib ki, bizim Ermənistanın ərazisində gözümüz yoxdur.
Bu halda Varujan Qeqamyanı Azərbaycana və Türkiyəyə atdığı böhtanın hədəfi nədir?
“Azərbaycan və Türkiyə işğalçı ölkələr deyil, heç kəsin torpağına göz dikmirlər, əksinə Ermənistan Azərbaycanla Türkiyənin ərazisinə qarşı əsassız iddialar irəli sürür”
AVCİYA-nın vitse-perzidenti, professor, siyasi şərhçi Məhərrəm Zülfüqarlı “Bakı-Xəbər”ə şərhində bildirdi ki, Qarabağ ətrafında Ermənistan Azərbaycan müharibəsi başlayandan sonra erməni politoloqları, tarixçiləri, türkoloqları, şərqşünasları vəziyyətə, şəraitə uyğun olmayan iddialar irəli sürüblər. Münaqişə həll edilməmişdən əvvəl olduğu kimi, həll edildikdən sonra da ermənilər Azərbaycanı şərləməkdən əl çəkmək istəmir. “ Ermənilər Azərbaycanı “işğalçı” kimi qələmə vermək üçün çox cəhdlər edirlər. O ki, qaldı Azərbaycan və Türkiyənin Ermənistana qarşı “genişmiqyaslı müharibəyə başlaması ehtimalının” olmasına, bu iddia tamamilə cəfəngiyyat və uydurmadır. Azərbaycan və Türkiyə işğalçı ölkələr deyil, heç kəsin torpağına göz dikmirlər, əksinə Ermənistan Azərbaycanla Türkiyənin ərazisinə qarşı əsassız iddialar irəli sürür.
Bilirsiz ki, Azərbaycan heç zaman Ermənistana hücum etməyib, biz həmişə müdafiə mövqeyində dayanıb. Biz Ermənistanın hücumuna qarşı əks – hücum zamanı 44 günlük müharibədə Ermənistanın layiqli cavabını verdik, torpağımızın böyük bir hissəsini azad etdik”-deyə M.Zülfüqarlı bildirdi. O, vurğuladı ki, 10 noyabr bəyanatı imzalandıqdan sonra . Rusiya sülhməramlıları Qarabağda yerləşdirildi, Azərbaycan dövləti üçtərəfli bəyanatın hər bəndinı əməl edib, heç bir pozuntuya yol verməyib. “Üçtərəfli bəyanatda açıq şəkildə göstərilsə də, amma təəssüf ki, Ermənistan silahlı qüvvələrininin qalıqları hələ də Azərbaycan ərazisində qalır, quldur, cinayətkar hərbi birləşmələr ərazimizdən çıxarılmayıb. Bu gün rus sülhməramlılarının köməyi ilə ora yeni silahlar gətirilməkdədir. Bu da erməni separatçılarının, Ermənistan hökumətinin və onların havadarlarının çirkli niyyətindən xəbər verir. Ermənistan Qarabağdakı vəziyyəti saxtalaşdırmaqla Azərbaycana qarşı əsassız ittihamlar irəli sürməklə kifayətlənməyib indi də bizə və qardaş Türkiyəyə yeni iftira atırlar. İndiki halda məqsədləri beynəlxalq dəstəkçilərindən yardım almaqla Azərbaycan və Türkiyə birliyinə qarşı təxribat törətməkdir. Ona görə də, uydurma “mühribə”, “hücum” iddiaları ilə çıxış edirlər”-deyə bildirən M.Zülfüqarlı əlavə etdi ki, dünyada vəziyyət tamamilə dəyişib, Azərbaycanın beynəlxalq nüfuzu artıb, eyni zamanda da Rusiya və Ermənistanın münasibətləri pozulub, buna görə də ermənilər təlaş içindədirlər. M.Zülfüqarlı əlavə etdi ki, bu gün Rusiya ilə Ermənistan arasında münasibətlər kəskinləşir və Zaxarovanın Paşinyan barədə təhqiramiz fikir işlətməsi, onu rəqqas adlandırması vəziyyəti ortaya qoyur. “Hazırda Azərbaycanla Türkiyə arasında münasibətlər o qədər yüksəkdir ki, bu da Ermənistanı təşvişə salır, bu səbəbdən də yalandan dünyaya car çəkirlər ki, guya Azərbaycan və Türkiyə mürahibəyə hazırlaşır, bunun isə heç bir əsası yoxdur. Dünya Azərbaycanı yaxşı görür”-deyə qeyd edən M.Zülfüqarlı bildirdi ki, ermənilər bu yalanları dünyada təşviş yaratmaq, Azərbaycan-Türkiyə münasibətlərinə xələl gıtirmık üçün edirlər, amma əllərinə heç nə keçməyəcək.
İradə SARIYEVA
