Qarabağda yaşayan erməni əhalinin Azərbaycan cəmiyyətinə reinteqrasiyası qaçılmaz olsa da, bəlli qüüvələr bunun qarşısını almaq üçün min-bir yola əl atır. Erməni hərbçilərinin təxribatları ilə heç nə əldə edə bilməyən separatçılar və onıarın havadarları indi də başqa vasitələrə əl atırlar, mülki şəxslərdən alət kimi istifadə edirlər.
Azərbaycan əsgərinin qarşısına mülki şəxsləri atan və onların arxasında gizlənən erməni hərbiçiləri haqda çoxlu bilgilər var. Yəni mülkü şəxslərin arxasında gizlənib təxribat törətmək separatçılara xasdır. Məlum olduğu kimi, mülki ermənilərin də iştirakı ilə təxribatlara cəhdlər edilir.
3 senytabrda Qarabağdakı Rusiya sülhməramlılarının müvəqqəti məsuliyyət zonasına daxil olan ərazidə yerli quldurların növbəti təxribatının qarşısı alınıb. Bu barədə "Caliber” məlumat yayıb. Qeyd olunur ki, saat 14:00 radələrində mülki geyimli 6 silahlı şəxs təcili tibbi yardım maşını ilə Ağdam rayonunun Papravənd kəndi istiqamətində Azərbaycan ordusunun mövqeləri ilə üzbəüz Ermənistan silahlı qüvvələrinin mövqelərinə gəlib.
Onlar maşından düşüb, hərbçilərimizin ünvanına nalayiq ifadələr səsləndirib, daha sonra mövqelərimizi avtomat silahlardan atəşə tutublar. Xoşbəxtlikdən, tərəfimizdən ölən və xəsarət alan olmayıb. Məlumata görə, erməni təxribatının qarşısını almaq üçün tərəfimizdən dərhal lazımi tədbirlər görülüb. Bildirilir ki, Rusiya sülhməramalıları artıq hadisədən xəbərdardırlar.
“Ağıllarını başlarına yığmalıdırlar və belə təxribatlardan əl çəkməlidirlər”
Siyasi şərhçi Azər Həsrət “Bakı-Xəbər”ə “Qarabağda hələ də gizli fəaliyyət göstərən və əslinə qalanda Rusiya sülhməramlılarının himayəsi altında davranan qanunsuz erməni silahlı dəstələri bu və digər şəkildə təxribatlara davam edir. Sözügedən təxribat da bu qəbildəndir. Yəni bunlar mülki geyimdə təcili yardım maşınından istifadə etməklə faktiki olaraq Azərbaycan tərəfinin əsəbləri ilə oynamağa can atıblar. Təbii ki, Azərbaycan ordusunun əsgər və zabitləri ayıq-sayıqlıqlarını qoruyub, onların bu təxribatına uymayıblar. Amma bu, məsələnin tam həlli deyil. Azərbaycan dövlətinin də səbrinin bir həddi var, biz bir yerə qədər bütün bunlara dözə bilərdik, bilmişik. Amma bundan sonra Azərbaycan dövləti əlbəttə ki, bu şıltaqlıqlarına daha dözən deyil. Eyni zamanda erməniləri himayə edən Rusiya sülhməramlılarının bu hərəkətsizliyinə dözmək fikrimiz yoxdur. Yəqin ki, bu cür addımlar artacağı təqdirdə Azərbaycan dövləti daha sərt gedişlər etməli olacaq”-deyə bildirdi.
A.Həsrətin sözlərinə görə, bu halda da dünya ermənilərin təbliğatı nəticəsində “erməniləri soyqırıma uğratdılar”, “acından qırdılar”, “üstümüzə siahla gəldilər” deyə çığıracaq, amma bütün bunlar heç nəyi dəyişə bilməyəcək. A.Həsrət vurğuladı ki, Azərbaycan dövləti ötən üç il ərzində yetərincə təmkinli davranıb, onların nornal həyata dönmələri üçün yetərincə onlara imkan tanıyıb: “Azərbaycan dövləti yetərincə güzəştə gedib ki, hətta müharibə cinayətlərinə bulaşmış adamlar Azərbaycandan çəkilib getsinlər. Bütün bu şərait yaradıldıqdan sonra ermənilərin belə təxribatlar etməsi, əlbəttə, cavabsız qalan deyil. Düşünürəm ki, ermənilər də, onları himayə edən Rusiya sülhməramlıları da ağıllarını başlarına yığmalıdırlar və belə təxribatlardan əl çəkməlidirlər. Çünki Azərbaycan ordusunu, Azərbaycan əsgərini bu cür cılız gedişlərlə çəkindirmək, qorxutmaq, öz yolundan döndərmək mümkün deyil. Bunu ermənilərin də, onların himayədarlarının da anlaması vacibdir. Ümumilikdə burada bir detal da diqqətimizi çəkir ki, adamlar bu təxribat üçün təcili yardım maşınından istifadə ediblər, Azərbaycan əsgərləri də onlara silahlı cavab versəydi, təcili yardım maşınında gizlənənlərə atəş açsaydı, o maşına bir güllə dəysəydi dünyaya car çəkəcəkdilər ki, Azərbaycan təcili yardım maşınını atəşə tutdu. Amma bizim ordumuz sayıqlıq göstərib bu təxribata getməyib. Bir tərəfdən bu, məsələnin əsas məqamıdır ki, Azərbaycan tərəfi belə təxribatlara hazırlıqlıdır, ikinci tərəfdən də, dediyim kimi, bizim səbrimizin də bir həddi var, bizim səbrimizlə oynamamalıdırlar”.
İradə SARIYEVA
