Ermənistanın keçmiş xarici işlər naziri Vardan Oskanyan Paşinyanı Azərbaycanın ərazi bütövlüyünü tanıdıqdan sonra müvafiq sənədi imzalamamaqda ittiham edib. Onun sözlərinə görə, bununla da Paşinyan vəziyyəti daha da gərginləşdirib və müharibəni yaxınlaşdırıb:
“Əgər biz Qarabağ məsələsində verdiyimiz vədlərdən əl çəkməsək, digər tərəfdən Paşinyanın vədlərini əks etdirən sənədi imzalamasaq, o zaman müharibə qaçılmaz olacaq. Çünki Azərbaycan bunu güc yolu ilə edəcək. Belə olan halda beynəlxalq ictimaiyyət heç nə edə bilməyəcək və deyəcəklər ki, ermənilər söz verdilər, lakin sözlərinə əməl etmədilər. Ona görə də Bakının bütün bunları güc yolu ilə almaqdan başqa yolu yox idi”.
Oskanyanın bu açıqlamasından daha hansı nəticələri çıxarmaq olar?
Siyasi şərhçi Elşad Həsənov “Bakı-Xəbər”ə açıqlamasında bildirdi ki, Vardan Oskanyan Ermənistan xarici işlər naziri olub, diplomatiyanı bilir: “Düzdür, erməninin ağına da lənət, qarasına da. Ancaq bugünkü reallıqdan çıxış edən Oskanyan doğrudan da düz deyir. Paşinyan Brüsseldə və digər verdiyi vədləri yerinə yetirmir. Azərbaycan Prezidenti də bildirdi ki, zəhmət çək dediklərini sənəddə təsdiq et. Ancaq bildiyiniz kimi, Paşinyan hələ də bundan qaçır. Çünki səbəbi var. Səbəb də Ermənistanın müstəqil siyasət yürüdə bilməməsidir. Ermənistan müstəqil dövlət deyil. Ermənistan Rusiyadan, Fransadan asılı vəziyyətdə qalıb. Eyni zamanda Ermənistana dəstək verən ölkələrdən biri də İrandır. Ona görə də müstəqil siyasət yürüdə bilmir. Diplomatlarla, dövlət başçıları ilə görüşəndə onu başa salırlar ki, reallıq budur, Azərbaycan ərazisi budur. Sən Azərbaycan ərazisinə iddia edə bilməzsən. Onu başa düşür, dərk edir, söz verir. Öz parlamentlərində çıxış edir və bildirir ki, Azərbaycanın 86,6 kv km ərazisini biz tanıyırıq. Bunu deyir, ancaq etmir. O , dediklərini, verdiyi vədləri yerinə yetirmədiyinə görə vəziyyət getdikcə gərginləşir. Təsəvvür edin ki, onlar hummanitar yardım adı altında Laçın koridoruna gətirdikləri maşınlarla ancaq şou göstərirdilər. Sizə nə lazımdır? Əgər Qarabağda yaşayan ermənilərə humanitar yardım göstərmək istəyirsizsə, bizim təkkifimizi qəbul edin. Daha yaxın, yaxşı yol Ağdam - Xankəndi yoludur. Nə üçün o yola yaxın getmirsiz? Onu da qeyd etmək lazımdır ki, 44 günlük müharibədən keçən müddət ərazində Ermənistan aldığı məğlubiyyətdən nəticə çıxartmadı. Ermənistanda olan revanşist qüvvələr yenidən silahlanmaq isyirlər, yenidən Azərbaycana qarşı təhdidlər göstərirlər. Bununla bağlı həm Fransadan, həm İrandan, Rusiyadan, eyni zamanda Hindistandan silah - sürsat alırlar. Bu silah - sürsat nəyə lazımdır? Təbii ki, müharibəyə hazırlaşırlar. Ancaq Ermənistanda olan siyasilər başa düşür ki, Ermənistanın Azərbaycan ordusunun qarşısında duracaq gücü yoxdur. Belə bir şəraitdə indiki həmin siyasilər Paşinyanın bu cür qeyri - adekvat addımlarını tənqid edirlər. Son günlər Fransanın humanitar yardım adı ilə gətirdiyi yüklər də Laçın yoluna buraxılmadı. Azərbaycan prezidenti Fransa prezidenti ilə telefon danışığında bildirdi ki, biz alternativ yol kimi Ağdam - Xankəndi yolunu göstərmişik. Bu yolla yük aparılsın, səhəri gün biz Laçın yolunu açarıq. Yəni bunların məqsədi humanitar yardım daşımaq deyik, sadəcə olaraq manipulyasiya etmək, şou düzəltmək və Azərbaycanı dünya ictimaiyyətinin qarşısında antihumanist ölkə kimi tanıtmaqdır. Ancaq onlar buna nail ola bilmirlər. Dünya ictimaiyyəti başa düşür ki, Ermənistan burada oyun oynayır və onlara təklif olunan yoldan istifadə etmir. Əgər onlarda humanitar fəlakət varsa, bu yoldan istifadə etməli idilər. Ona görə də, bu gün Ermənistanda olan siyasilər, politoloqlar Paşinyanın bu siyasətini tənqid edirlər və onun Azərbaycanla yenidən müharibə aparmaq vəziyyətinə doğru getdiyini bildirirlər. Biz heç nədən çəkinmirik və irəli sürdüyümüz təkliflər yerində qalır. Biz Ermənistanı həmin beynəlxalq prinsiplərə uyğun olan sülh müqaviləsini imzalamağa məcbur edəcəyik. Əgər Azərbaycan ərazisində yenidən baş qaldırsalar, təbii ki, dəmir yumruq yerindədir, onların başı əziləcək”.
Məhəmmədəli QƏRİBLİ
