Avropa Şurasının (AŞ) insan haqları üzrə komissarı Dunya Miyatoviç AŞ-nin insan hüquqları üzrə komissarı kimi “Dağlıq Qarabağ”a səfər etməyə hazır olduğunu bildirib. Artıq tarixə qovuşan “Dağlıq Qarabağ” ifadəsini işlətməklə kifayətlənməyən Miyatoviç qondarma “Laçın dəhliz”inin “blokada”sından da danışıb.
Erməni mediası qeyd edir ki, AŞ-nin insan hüquqları üzrə komissarı bütün tərəflərlə “əməkdaşlığa hazır” olduğunu da bəyan edib. Kiçik bir açıqlamada dəfələrlə “Dağlıq Qarabağ” ifadəsi işlədən və bununla da Azərbaycanın ərazi bütövlüyünə və siverenliyinə qarşı çirkin niyyətini büruzə verən Miyatovçin hansı əməkdaşlıqdan danışdığı anlaşılan deyil. Yəqin o, separatçıları özünə “tərəf” olaraq görür və onların yanına tələsir ki, qondarma “aclıq”, “blokada” şousunu daha da “qaza” gətirsin.
Miyatoviç açıqlamasında elə məqamlardan danlşıb ki, onlar qeyri-realdır və elə hal mövcud deyil.
Avropa Şurasının insan haqları üzrə komissarı Dunya Miyatoviçi Qarabağ İqtisadi rayonunun ərazisinə Azərbaycanın icazəsi olmadan heç kəs buraxa bilməz. “Dağlıq Qarabağ” ifadəsi işlətməklə suverenliyimizə qarşı olduğunu göstərən komissarın Qarabağa gəlməsi qeyri-realdır, alınmaz. Yəni onu Qarabağa buraxan kimdir ki, getsin də?
Bu əgər “blokada”, “Dağlıq Qarabağ” ifadələri işlədirsə, bu halda onu Qarabağa buraxmaq olarmı?
“Hesab edirəm ki, ona icazə verilməyəcək, verilməli də deyil”
Azad Vətən Partiyasının rəhbəri Akif Nağı "Bakı-Xəbər"ə açıqlamasında “Beynəlxalq təşkilatların hamısı, o cümlədən də Avropa Şurası birmənalı şəkildə ermənipərəst mövqe tutur. Bunlar xristian təəssübkeşliyindən irəli gəlir, ayrı-ayrı dövlətlərin sifarişlərini yerinə yetirirlər. Təbii ki, onların bir təşkilat olaraq regionda hansısa bir marağının olduğunu deyə bilmərik, çünki onların heç bir marağı yoxdur, sadəcə sifariş yerinə yetirirlər. İstər BMT, istər Avropa Şurası, istərsə də ayrı-ayrı qurumılar müxtəlif dövlətlır tərəfindən idarə olunur, onların maraqlarını yerinə yetirir. Miyatoviçin də bəyanatı bu sifarişin yerinə yetirilməsinə xidmət edir, qəsdən “Dağlıq Qarabağ” ifadəsi işlədir, “blokada”dan danışır ki, guya orada “humanitar fəlakət” yaranıb. Özünü Avropa Şurasının insan haqları üzrə komissarı adlandıran bir şəxsin belə ifadələr işlətməsi göstərir ki, o da birbaşa yalan kampaniyasının içindədir. Bu adamlar birmənalı şəkildə yalan danışmağı qarşılarına məqsəd qoyublar, ermənilərin yalanlarını təkrar edirlər. Adekvat yanaşma sərgiləməliyik, mövqe nümayiş etdirməliyik ki, orada heç bir hümanitar fəlakət yoxdur, Laçın yolu açıqdır, hər gün müəyyən sayda erməni əsilli şəxslər o yoldan istifadə edirlər. Ora kimsə siyasi məqsədlərlə yardım göndərmək istəyirsə onun qarşısı alınmalıdır”- deyə bidlirdi.
A.Nağı hesab edir ki, o yardıma ehtiyac yoxdur, Azərbaycan dövləti onlara doğru yolu göstərib, Ağdam-Xankəndi yolunu təklif edib və dövlətimiz bu yolla özünün ilk humanitar yardımını da göndərəcək, ora Azərbaycan ərazisidir, oradakı ermənilər Azərbaycan vətəndaşlarıdır, dinc ermənilərə yardım göstəriləcək, cinayətkarlar isə qanun qarşısında cavab verəcəklər. Necə ki, Azərbaycana qarşı cinayət edənlər Laçın yolunda saxlanılıb qanuna təslim edilirlər, bu da normal praktikadır, dünyada qəbul olunmuş haldır deyən A.Nağı qeyd etdi ki, Laçın yolu “açılamalıdır” deyənlərin məqsədi yenidən o yoldan istifadə edib öz cinayətkar əməllərini həyata keçirmək və separatçılara silah-sursat baxımından yardım göstərmək, minalar, narkotik daşımaqdır, amma Azərbaycan bunun qarşısını alıb. A.Nağı əlavə etdi ki, Prezident İlham Əliyev də Laçın və Kəlbəcər səfərində bir daha mövqe ortaya qoydu və 23 aprelin bizim üçün dönüş nöqtəsi olduğunu bir daha bəyan etdi və bu 44 günlük vətən savaşında qazandığımız qələbənin möhkəmlənməsində ikinci dönüş nöqtəsi oldu, Azərbaycan Laçın yoluna nəzarəti əlinə götürdü. A.Nağı qeyd etdi ki, o vaxt da Azərbaycana təzyiqlər oldu, indi də o təzyiqlər davam edir, baş verənlər də onun tərkib hissəsidir. Azərbaycanın mövqeyi ortadadır, aydın şəkildə Azərbaycanın siyasi rəhbərliyinin mövqeyi ifadə olunur. “Əgər dünya tam ağlını itirməyibsə Azərbaycanın həqiqi, obyektiv mövqeyini qəbul etməlidir. Bu belə də olacaq. Azərbaycanın suveren ərazisinə qarşı təxribatçı fikirlər bildirən Miyatoviçə də heç kəs icazə verən deyil ki, Laçın dəhlizindən keçib Qarabağa gəlsin. Bu adam səfər etmək istəyirsə, bunu Azərbaycanla razılaşdırmalıdır. Hesab edirəm ki, ona icazə verilməyəcək, verilməli də deyil. Əgər o bu cür qərəzli mövqedən çıxış edirsə, o yoldan adlayıb separatçıların yanına gedərsə, qayıdanda qərəzli hesabat hazırlayıb təqdim edəcək. Necə ki, 1997-ci ildə “vasitəçilik edən” fəaliyyətdə olan ATƏT sədrinin şəxsi nümayəndəsi Kaspşik gəldi, Laçın postunun o biri üzündən çox boylandı, amma keçməyə Azərbaycan icazə vermədi. Çünki o, indiyə qədər qeyri-obyektiv mövqe tutub, bu gün də o mövqeni davam etdirib, bu səbəbdən də ona icazə verilmədi ki, Azərbaycan tərəfə keçsin. Bu, Avropa Şurasının komissarına da şamil edilməlidir, ediləcək də. Azərbaycana qarşı qərəzli mövqedə olanların heç birinin bizim əraziyə keçməsinə icazə verilmir, bundan sonra da verilməyəcək. Onsuz da onlar bizə təzyiq edirlər, amma biz o təzyiqdən çəkinməməli və mövqeyimizi axıra qədər müdafiə etməliyik, sonda hər kəs bizim mövqeyimizlə hesablaşacaq, razılaşacaq”-deyə A.Nağı əlavə etdi.
İradə SARIYEVA
