Bir neçə gün əvvəl belə məlumatlar yayıldı ki, Ermənistan yenidən ABŞ-ın dəstəyilə Qarabağ erməniləri ilə bağlı məsələni BMT müstəvisində müzakirəyə çıxarmaq istəyir. Ancaq ABŞ-dan rədd cavabı alandan sonra bu istiqamətdə Fransanın səylərinə ümid etməyə başlayıblar.
Fransanın “Fiqaro” qəzeti yazır ki, Fransa Azərbaycanın blokadası nəticəsində aclıqdan ölmək ərəfəsində olan 120 min Dağlıq Qarabağ sakininə yardım üçün BMT Təhlükəsizlik Şurasına qətnamə təqdim etməyə hazırlaşır.
Qəzet qeyd edir ki, Paris və Fransanın əsas bölgələri Ermənistana humanitar yardım karvanı göndərəcək.
Qeyd olunur ki, 2022-ci ilin dekabrından Azərbaycan Dağlıq Qarabağı Ermənistanla birləşdirən yeganə yolu bağladıqdan sonra yerli erməni əhalisi mütəmadi olaraq sınaqdan keçirilir, ərzaq, dərman, qaz, işıq və yanacaqdan məhrum edilir.
BMT-dəki uğursuzluqdan sonra ermənilər Fransanın əli ilə yenidən qətnamə təqdim etmək istəyir. Onlar bu istiqamətdə nəyəsə nail ola bilərlərmi?
Politoloq Yeganə Hacıyeva “Bakı-Xəbər”ə açıqlamasında bildirdi ki, Fransa Erməni Təşkilatsları İttifaqının - CCAF tələbi ilə Paris meri Fransanın regional icmalarını Qarabağa humanitar karvan təşkil etməyə çağırmaq təşəbbüsü ilə çıxış edib: “Bu barədə Fransa Erməni Təşkilatları İttifaqının - CCAF rəhbərlərindən biri Murad Papazyan facebook səhifəsində məlumat verib.
“Humanitar konvoy” Ile-de-France, Auvergne-Rhone-Alpes, Hauts-de-France, Provence-Alpes-Cote d'Azur, Pays de Luire və Fransanın çoxsaylı şəhərləri tərəfindən maliyyələşdirilir.
Avqustun 30-da günorta saatlarında Azərbaycanla sərhədə çatacaq fransız təxribatçı konvoyu Ann Hidalqo, Xavier Bertran, Bruno Retaio, Jan Barseqyan, habelə Patrik Karam və Mişel Rubirola adlı şəxslər fiziki müşayiət etmək qərarına gəliblər. CCAF Ermənistanın və erməni lobbisinin beynəlxalq hüquqla tanınmış Azərbaycan sərhədlərini pozmaq təşəbbüslərini dəstəkləməsi üçün Fransa və Avropa İttifaqı rəsmilərinə müraciət də edib. Onlardan Azərbaycana qarşı diplomatik vasitələrdən istifadə etməyi xahiş edib. Təxribatçı konvoyu Emmanuel Makron şəxsən özü göndərir. Belə ki, konvoyu müşayiət edənlərdən biri Parisin meri Ann İdalqodur. Paris Fransada həm şəhər, həm də departamentdir. Parisin meri eyni zamanda Paris Şurasına rəhbərlik edir. Fransada digər inzibati ərazi vahidlərdən fərqli olaraq, paytaxt şəhər tam inzibati azadlığa malik deyil və Yeliseyə tabedir. Paris həm də Fransada polisin merə deyil, prezident tərəfindən təyin olunan polis prefektinə tabe olduğu tək şəhərdir. Paris Şurası 163 nəfərdən ibarətdir və Şura birbaşa səsvermə ilə seçilmir, Yeliaeydən gəlmiş siyahıdakı şəxslər arasından müəyyənləşir.
Fransa prezidenti E.Makronun yaratdığı və rəhbərlik etditi “İrəli Fransa” partiyası Paris Şurasında geniş şəkildə təmsil olunur.
Bir sözlə, Ann İdalqonu Azərbaycanla sərhəddə yalançı blokada təxribatına prezident Emmanuel Makron şəxsən göndərir. Ann İdalqo özü isə qatı ermənipərəst mövqeyi ilə tanınır və erməni lobbisinin tam nəzarətindədir. Müavinlərindən biri erməni Anuş Toronyandır. Anuş Toronyan CCAF-ın rəhbəri Ara Toronyanın qızıdır.
Şübhəli TUMO- Center for Creative Technologies mərkəzinin Xankəndidəki ofisinin açılışında iştirak edib. Paris meri seçkiləri keçirilən zaman Ann İdalqonun rəqibi Rəşidə Dati idi. Seçkidə Rəşidə Datinin Azərbaycanla əlaqələri olması barədə kampaniyanın başında erməni əsilli Murad Papazyan və Ara Tonoyan dayanırdı.
İldalqo 2018-ci ildə Fransa ermənilərinin təşkil etdiyi tədbirdə Emmanuel Makronla birlikdə erməni kilsəsinin açılışında iştirak edib və qondarma “erməni soyqırımı” ilə bağlı dəfələrlə tvitlər paylaşıb.
Emmanuel Makronun Parisin meri, eyni zamanda Paris Şurasının rəhbərini Azərbaycanla sərhədə təxribata rəhbərlik etməyə göndərməsinin əsas səbəbi isə Fransanın BMT Təhlükəsizlik Şürasına təqdim etməyə hazırlaşdığı yeni sənədin qəbul olunması üçün əsaslar formalaşdırmaq məqsədidir.
Ermənistanın aclıq realiti-şousundakı blokada yalanları BMT Təhlükəsizlik Şurasında BƏM-nin eks prokurorun rəyi əsasında baş tutan müzakirədə ifşa olunduğu üçün Fransa özü dövrəyə girib.
ABŞ-da, Aİ-də və ümimilikdə bütün dünyada erməni lobbisinin əli ilə bu istiqamətdə çox ciddi işlər gedir. Baxmayaraq ki, bütün dünyada yalan və dezinformasiya üzərindən kampaniyalar gedir, erməni lobbisinin bu istiqamətdə “uğurları“ ancaq ölkələrdə alınır, nəinki beynəlxalq hüquqi təşkilatlarda. Çünki hüquqi əsasla biz haqlıyıq. Hüquq incəsənət deyil və burda ancaq hüquqi əsaslandırma vacibdir.
Burda isə nə ABŞ, nə Aİ ölkələri, nə də Fransa heç nə edə bilmir, çünki hüquqi anlamda biz haqqlıyıq. Cəhdlər isə olur və olacaq. Cavabı budur ki, heç bir nəticə əldə edə bilməyəcəklər.
Ermənilərin ABŞ-ı günahlandırnası isə sadəcə şantajdır. Bu şantaj onları anti- Azərbaycan təşəbbüslərində iştirak etməyə təşviq məqsədi daşıyır”.
Məhəmmədəli QƏRİBLİ
