Erməni həmişə ermənidir, o öz xislətindən heç vədə əl çəkməz. Bu toplumun indiyə qədər bir düz sözünü eşidən, verdiyi vədə əməl etdiyini görən olmayıb. Qarabağdakı separatçılar Azərbaycanın təklif etdiyi görüşə gəlməmək üçün yeni bəhanələr uydururlar. Uzun illər sadə erməniləri girov kimi saxlayan separatçılar hər gün yeni bir xülya arxasına düşürlər. Bir neçə gün əvvəl separatçıbaşı Araik Arutyunyan “Təhlükəsizlik Şurası”nın iclasında Ağdam-Xankəndi yolunun açılmasına razı olduqlarını bəyan etmişdi. Təbii, burada görüşün də baş tutmasına razılıqdan söhbət getdiyi istisna edilmir.
Bu məsələnin aktual olduğu bir vaxtda qondarma “Arsax”ın kukla “dövlət naziri” Qurgen Nersisyan videomüraciət edib. O da ənənəvi “blokada” şousundan kənara çıxmayıb, deyib ki, hamı Xankəndidə “baş verənləri” tamaşaçı kimi izləyir. Guya vəziyyətin “ağır olduğu”nu deyən oyuncaq “dövlət naziri” bildirib ki, Azərbaycan ərazisində təkbətək görüşmək ermənilər üçün “təhlükəlidir”. “Hesab edirəm ki, Rusiyaya, vəziyyətlə maraqlanan bütün aktorlara Azərbaycanla görüş təşkil etmək təklifi-tələbi ilə müraciət etmək lazımdır”-deyən oyuncaq “dövlət naziri” iddia edib ki, guya Azərbaycan ərazisində ermənilərin “fiziki təhlükəsizliyinə heç kim təminat verə bilmədiyi üçün bu görüş Rusiya sülhməramlı qüvvələrinin yerləşdiyi yerdə və ya hər hansı digər təhlükəsiz yerdə üçüncü tərəfin iştirakı ilə keçirilə bilər”.
Oyuncaq “dövlət naziri”nin sayıqlamalarından açıq görsənir ki, separatçılar bütün mümkün bəhanələrdən istifadə edib Azərbaycanla görüşdən qaçmaq, yayınmaq istəyir. Yalandan deyirlər ki, guya Azərbaycanda ermənilərin fiziki təhlükəsizliyi sahəsində “problem” var. Əlbəttə, iftiradır. Azərbaycan dövləti heç vaxt vətəndaşlarına problem yaratmayıb, onların həyatını təhlükə altına atmayıb, Xankəndidəki ermənilər də bizim vətəndaşlarımızdır və bu baxımdan onlar üçün də heç bir təhlükəli hal yoxdur, ola da bilməz.
“Açıq şəkildə elan edirlər ki, reinteqrasiya, ermənilərin Azərbaycanın tərkibində hüquq və təhlkəsizliyinin təmin olunması məsələsini qəbul etmək fikrində deyillər”
“Alyans” strateji araşdırmalar mərkəzinin rəhbəri Abutalıb Səmədov baki-xeber.com-a şərhində “Qarabağın sadə erməni əhalisini girov götürən cinayətkar dəstənin növbəti təmsilçisinin bəyanatı göstərir ki, onlar Azərbaycan hakimiyyəti ilə Qarabağ erməniləri arasında aparılan danışıqları pozmaq üçün bundan sonra da əllərindən gələni edəcəklər. Azərbaycanın bu məsələdə mövqeyi birmənalı və aydındır. Azərbaycan hakimiyyəti Qarabağ erməniləri ilə reinteqrasiya, ermənilərin hüquq və təhlükəsizliklərinin təminatı məsələlərini müzakirə etmək üçün heç bir vasitəçi, heç bir beynəlxalq mexanizm olmadan görüşməyə hazırdır. Təbiidir ki, ermənilər bunu istəmirlər. Ermənistan hakimiyyəti bu prosesə beynəlxalq mexanizmləri qoşmaq istəyir. Qarabağdakı ermənilərin bu cinayətkar nümayəndələri bütövlükdə prosesi pozmaq niyyətindədirlər. Onların məqsədi Azərbaycanın tərkibində olmamaq və “müstəqil olmaq” cəhdlərini bundan sonra da davam etdirməkdir. Bu məqsədlə elə şərtlər irəli sürürlər ki, Azərbaycan onu qəbul etməsin və erməni haray-həşiri yenə də öz işini görməkdə davam etsin. İddia etsinlər ki, Azərbaycan danışıqları aparmaq istəmir, konstruktiv mövqe tutmur, məqsədi Qarababağı “humanitar fəlakət zonasına” çevirib erməniləri “etnik təmizləməyə”, “soyqırıma” “məruz qoymaqdır”. Bu tərəfdən Fransa da sakitləşmək istəmir. Fransanın BMT-dəki Daimi nümayəndəsi son müzakirlərin nəticəsi olaraq qətnamə layihəsi hazırlayır və onun qəbul olunmasına çalışmaq fikrindədir”deyə bildirdi.
A.Səmədovun sözlərinə görə, təbiidir ki, Azərbaycanın bu erməni cinayətkarların təklifini qəbul etməməsi və danışıqların yenə də pozulması Fransanın mövqeyini möhkəmləndirər və qətnamənin qəbulunu asanlaşdıra bilər. A.Səmədovun fikrincə, hərçənd, müzakirələr göstərdi ki, Azərbaycanı günahlandıran qətnamənin qəbul olunma ehtimalı yox dərəcəsindədir. “Bu vəziyyətdə nə etmək olar? Ermənilərin bu şərtini qəbul edib görüşmək tamamilə mənasızdır. Çünki Azərbaycan hökuməti Qarabağdakı ermənilərin cəmiyyətimizə reinteqrasiyasına çalışır. Bu cür inteqrasiya təbii ki, mümkünsüzdür. Yəni ermənilər əgər həqiqətən də bunu arzulayırlarsa, onda bu bəhanələr üçüncü qüvvənin danışıqlarda iştirakı, yaxud beynəlxalq mexanizmlərin bu prosesə qoşulması, təbiidir ki, mənasızdır və prosesi pozmağa xidmət edir. Bu halda Azərbaycan bu danışıqlarda necə iştirak edə bilər? Bu danışıqların hansı nəticəsi ola bilər? Ona görə təbiidir ki, Azərbaycan bu şərti qəbul edə bilməz. hətta qəbul etsə də bu danışıqların nəticəsi olmaz. Əgər söhbət təkcə ermənilərin təhlükəsizlik təminatından gedirsə, yəni ermənilər həqiqətən də qorxub görüşə gəlməkdən imtina edirlərsə, onda əvvəlki dəvətləri niyə qəbul etmədilər və Bakıya niyə gəlmədilər? Çünki bu gün ermənilərin bəhanəsi odur ki, Vaqif Xaçaturyan həbs olunub və ona görə bunlar guya görüşməkdən qorxurlar, guya bunlar da həbs oluna bilərlər. Ancaq hələ Xaçaturyan həbs edilməmişdən əvvəl də onlar Bakıya gəlməkdən imtina etmişdilər. Deməli, söhbət ermənilərin nədənsə ehtiyat etməsindən getmir, nəyin bahasına olursa olsun görüşü pozmaq istəyindən gedir. Üstəlik də, onlar açıq şəkildə elan edirlər ki, reinteqrasiya, ermənilərin Azərbaycanın tərkibində hüquq və təhlkəsizliyinin təmin olunması məsələsini qəbul etmək fikrində deyillər. Bu halda Azərbaycan nəyi müzakirə edə bilər? Bu açıq-aşkar prosesi pozmaqdır. Ermənistanın bu cür hadisələri şişirdib dünya ictimai rəyini Azərbaycana qarşı qaldırmaq cəhdi sülh prosesini pozmaqdır. Çox təəssüf ki, BMT Təhlükəsizlik Şurasının iclasında bu cür pozuculuq hərəkətlərinə zəruri qiymət verilmədi. Sülhdən danışıldı, sülh istəyi ifadə olundu, ancaq sülh prosesini pozanların əməlləri pislənilmədi. Müəyyən qədər Rusiya təmsilçisinin çıxışında bu cür hərəkətlərə münasibət bildirildi. Ancaq nə Amerika Birləşmiş Ştatlarının, nə Böyük Britaniyanın, nə də digər BMT Təhlükəsizlik Şurası üzvlərinin nümayəndələrinin çıxışlarında Ermənistan hakimiyyətinin və Qarabağda yaşayan ermənilərin sülh prosesini pozan hərəkətlərinə heç bir münasibət bildirilmədi, onlar da bu amildən istifadə edib öz pozuculuq hərəkətlərini davam etdirdilər. Ancaq Azərbaycanın mövqeyi qətidir, Azərbaycan bu mövqedən çəkilməyəcək, axıra qədər dayanacaq və mən əminəm ki, Qarabağ ermənilərini girov götürən bu cinayətkar dəstə də, Ermənistan hakimiyyəti də geri çəkilmək məcburiyyətində qalacaqlar”-deyə A.Səmədov qeyd etdi.
İradə SARIYEVA
