Azərbaycanın müasir tarixinin azərbaycançılıq əsasında yenidən öyrənilməsinə başlanılıb. Tariximizdə elə hadisələr baş verib ki, onlar incəliyinə qədər tədqiq edilməli, öyrənilməli və təbliğ edilməlidir. Azərbaycan dövlətinin müstəqillik tarixi çox zəngindir və burada faciələrimizlə yanaşı böyük zəfərlərimiz də var.
Çağdaş Azərbaycan tarixində elə hadisələr var ki, onlar bizim qan yaddaşımızdır və gələcək nəsillər o hadisəl barədə ətraflı məlumata malik olmalıdır. 30 ilə yaxıb bir dövr ərzində torpaqlarımızın 20 faizdən artığı Ermənistanın işğalı altında olub, ermənilər işğal dövründə abidələrimizi dağıdıb, mədəni irsimizi, təbiətimizi məhv edib, urbadid, ekosid, kultrasid töprədib, insanlarımızı kütləvi şəkildə qırıb, əsir və girov götürüblər. Bir sözlə, 30 il torpaqlarımız yağı işğalında qalıb.
44 günlük Vətən müharibəsində rəşadətli ordumuz torpaqlarımızı işğaldan azad etdi və artıq üç ildir ki, Qarabağda və Şərqi Zəngəzurda həyat yenidən dirçəlməyə başlayıb.
Ermənistanın işğal dövründə həyata keçirdiyi vandalizmi, ağır müharibə cinayətlərini, erməni terrorizmini canlı şəkildə tarixin yaddaşında saxlamaq, bütün dünyaya çatdırmaq və dünya azərbaycanlılarının yaddaşına həkk etmək üçün işlər görülür. O cümlədən də müzəffər ordumuzun şücaətini ifadə etmək üçün addımlar atılır.
Bildiyimiz kimi, işğaldan azad edilmiş ərazilərin mədəni irsinin və infrastrukturunun bərpası istiqamətində görülən işlərin hər biri ciddi ictimai müzakirəyə səbəb olur və hər kəs bu addımları ciddi şəkildə dəstəkləyir…
İşğal və Zəfər muzeylərində azərbaycançılıq ruhu…
Azərbaycan dövləti işğal tarixini də, Zəfər salnaməmizi də yaddaşlara yazmaq ardıcıl siyasət həyata keçirilir. Qələbədən sonra azad ərazilərimizdə müasir standartlara uyğun olan muzeylərin yaradılması zərurətə çevirilmişdi. Bildiyimiz kimi, Prezident İlham Əliyevin tapşırığına əsasən, işğaldan azad edilmiş rayon və şəhərlərdə İşğal və Zəfər muzeyləri kompleksləri yaradılır. Artıq bir neçə rayonda bu muzeylər yaradıdılıb, bəziləri yaradılmaqdadır. Bildiyimiz kimi, Ağdamda, Laçında, Zəngilanda, Kəlbəcərdə və başqa rayonlarda bu işlər görülür. Belə muzey komplekslərindən biri də Laçında yaradılır. Mayın 28-də Prezident İlham Əliyevin Laçına səfəri çərçivəsində Laçın şəhərində İşğal və Zəfər Muzeyi Kompleksinin təməlinin qoyulması mərasimində iştirakı fikirlərimizi təsiqləyir. Azərbaycan Prezidenti İlham Əliyevin işğaldan azad edilmiş Qarabağ ərazilərində Zəfər və İşğal muzeylərinin yaradılması təklifi açıq səma altında muzeylərin yeni forması kimi 2021-ci il mayın 28-də Ağdamda öz real həllini tapdı. Bu kompleks müasir üslubda dizayn edilmiş muzey binası, xatirə gölü, memorial bağ və dağıntılardan ibarət olacaq. Ağdam Zəfər muzeyi kompleksi 5 hektara yaxın ərazini əhatə edəcək və bu bölmə müasir dizayna malik bina, Bayraq meydanı və Zəfər arenası hissələrindən ibarət olacaq.
Ekspertlər qeyd edir ki, bu muzeylər Azərbaycan xalqının tarixi ədalətin və öz ərazi bütövlüyünün bərpası uğrunda göstərdiyi döyüş əzmini, misilsiz qəhrəmanlığını, o cümlədən 44 günlük Vətən müharibəsi zamanı qazandığı möhtəşəm Qələbəni indiki və gələcək nəsillərin yaddaşına həkk edərək əbədiləşdirəcək mərkəzə çevriləcəkdir.
Ekspertlərə görə, İşğal Muzeyi düşmənin işğalı zamanı şəhərin və bölgənin məruz qaldığı vandallığın əyani surətdə nümayiş etdirilməsi məqsədi daşıyır. Azad şəhərinin müəyyən hissəsinin dağıdılmış vəziyyətdə qalması və Ermənistanın işğalçılıq siyasətinin ümumi mənzərəsini əks etdirən açıq səma altında muzey kimi nümayiş etdirilməsi əsas götürülüb. Bildirilir ki, İşğal Muzeyində ətraf mühitə vurulan ekoloji zərərlər, xüsusilə Zəngilan şəhərində ətraf mühitə, bioloji müxtəlifliyə, meşələrə, yeraltı və yerüstü təbii ehtiyatlara ciddi ziyan vurmaq məqsədilə törədilən ekoloji terror aktları barədə məlumatlar diqqətə çatdırılacaq. Muzeyin ekspozisiyası müxtəlif audio və vizual texnologiyalardan istifadə etməklə təşkil olunacaq. Muzey binasının şüşədən hazırlanacaq fasadının üzərindəki təsvirlər və naxışlar çinar yarpağına bənzəyəcək ki, bu da Zəngilan şəhərinin təbiətlə sıx əlaqəsini tərənnüm edəcək.
Ekspertlər qeyd edir ki, Zəfər və İşğal muzeyləri xalqımızın müasir tarixinin öyrənilməsi üçün canlı vəsait rolunu oynamaqadır. Bu muzeylərin yaradılmasında azərbaycançılıq elementlərinin xüsusi yer tutduğunu deyən ekspertlər bildirir ki, Zəfər muzeyi ordumuzun, xalqımızın qəhrəmanlığımızın təcəsümüdür. Azərbaycan xalqının qəhrəmanlığı, ordu-xalq birliyi, Ali Baş Komandanın dəmir yumruğu və dəmir iradəsi qələbənin simvoluna çevirildi. Bu gün Azərbaycanın zəfərini böyük qürur hissi ilə təbliğ və tərənnüm edən xalqımız bu muzeylərdə son 30 ilin reallıqlarını həm də dünya xaqları ilə bölüşəcək. Ölkəmizə gələn qonaqlar erməni vandalizmini görüb ona nə qədər nifrətlə yanaşacaqsa, Zəfər muzeylərində gördükləri ilə insanlıq adına fəxr edəcəklər.
Bir yazıda deyildiyi kimi: “Bu muzey kompleksi Azərbaycan xalqının tarixi ədalətin və öz ərazi bütövlüyünün bərpası uğrunda göstərdiyi döyüş əzmini, misilsiz qəhrəmanlığını, o cümlədən 44 günlük Vətən müharibəsi zamanı qazandığı möhtəşəm Qələbəni indiki və gələcək nəsillərin yaddaşına həkk edərək əbədiləşdirən, haqq səsimizi dünyaya çatdıran təşviqat və informasiya mərkəzi olacaq”.
İradə SARIYEVA Yazı Azərbaycan Respublikasının Medianın İnkişafı Agentliyinin maliyyə dəstəyilə çap olunur.
