Ermənistan İrəvan-Qafan aviareysləri həyata keçirməklə bölgədə ciddi böhran yaratmağı hədəfləyir. Məsələ ondadır ki, Qafan hava limanı Azərbaycanla sərhədin bir neçə yüz metrliyində yerləşir, hətta təyyarə havaya qalxarkən hər dəfə Azərbaycan hava məkanına girməyə məcbur olur. Bu, həm də kəşfiyyat uçuşlarının həyata keçirilməsi deməkdir. Ermənistan son günlər yalan məlumatlar yayır ki, guya Azərbaycan sözügedən hava limanını atəşə tutur.
Bu arada Ermənistanın Qafan hava limanı ilə bağlı beynəlxalq normaları pozması ilə əlaqədar yeni məqam ortaya çıxıb. Belə ki, beynəlxalq normalara görə, hava limanları ölkə sərhədlərindən ən azı 12 km daxildə yerləşməlidir. Dünyada sərhəddə yerləşən aeroportlar da var, lakin bu aeroportlar müştərək - hər iki sərhəd ölkəsi tərəfindən istifadə olunur. Ancaq Qafan aeroportu ilə Azərbaycan sərhədi arasında məsafə 100 metrdir. Üstəlik, həmin hava limanı müştərək şəkildə isifadə də olunmur. Bütün bunlardan çıxış edərək Azərbaycan Qafan hava limanı ilə bağlı məsələni beynəlxalq hüquq müstəvisinə qaldıra bilərmi?
“Biz bütün hüquqi vasitələrdən istifadə edib Ermənistanı fakt qarşısında qoymalıyıq”
Sözügedən məsələyə aydınlıq gətirən sabiq millət vəkili, hüquqşünas Qulamhüseyn Əlibəyli hesab edir ki, Azərbaycan Qafan hava limanı ilə bağlı məsələni beynəlxalq hüquq müstəvisinə çıxara bilər: “Sözügedən məsələlrə baxan Beynəlxalq Mülki Aviasiya Təşkilatı (ICAO) var. Azərbaycan rəsmən Beynəlxalq Mülki Aviasiya Təşkilatına müraciət etməlidir ki, hava limanının tikilməsi həmin təşkilatın qaydalarına ziddir. Bu, beynəlxalq hüquqa zidd məsələ olduğu üçün ondan istifadənin qadağan olunması məsələsi qaldırılmalıdır. Bəzi məlumatlara görə, Qafan hava limanı beynəlxalq təşkilatda qeydiyyatdan keçməyib. Ermənilər də bundan sui-istifadə edərək təxribat törədirlər. Dünyaya car çəkirlər ki, guya Azərbaycan mülki hava limanını atəşə tutur. Məqsəd ölkəmizi qaralamaqdır. Çünki onlar bu kimi məsələlərdə bütün çirkin təbliğat vasitələrindən istifadə edirlər ki, Azərbaycanın imicinə kölgə düşsün. O üzdən, bu kampaniya ilə növbəti dəfə Ermənistan beynəlxalq aləmi aldatmaq yolunu tutub. Ona görə də Azərbaycan sadalanan məsələlərdən çıxış edərək məsələni beynəlxalq təşkilatlar qarşısında qaldırmalıdır. Ermənistan beynəlxalq qaydalara riayət etmədiyi üçün həmin hava limanının istifadəsinin dayandırılması və ləğv edilməsi barədə məsələ qaldırıla bilər. Əks təqdirdə Ermənistan həmin hava limanından birgə istifadə olunmasına razılıq verməlidir. Biz heç vaxt unutmamalıyıq ki, ermənilər həyasız millətdilər. Ona görə də onların qabağından qaçmaq olmaz. Biz bütün hüquqi vasitələrdən istifadə edib Qafan hava limanı məsələsinin üzərinə gedib Ermənistanı fakt qarşısında qoymalıyıq”.
Vidadi ORDAHALLI
